Author Topic: ما امیت ءِ بانـزلان ءَ ، دیـر و دیـر انت گار کتگ۔ کریم بلوچ تھل ءِ دستونک  (Read 1412 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7103
  • Karma: 356
    • Baask-Home of Baluchi Language, Literature & Culture

بلوچ مات و میر کمبر ءِ مات ءِ مَٹ ودَرْوَر ، نمیرانیں شپ چراگ ، شهیدیں
غلام محمد بلوچ ءِ مات ءِ نام ءَ ، که غلام جان ءِ شهادت ءَ رند ،موتک و
مودگ ءِ بدل ءَ وتی چک و بچ ئی نازینت؛ که وتی راج و وتی راجی دود و
ربیدگانی زندگ مانگ ءَ ، په بلوچ ءِ آجو یی و آزاتی ءَ نَدر و شهید بیتگ
!
کریم بلوچ _ تهل

دَستْونک

ما امیت ءِ بانـزلان ءَ ، دیـر و دیـر انت گار کتگ
کــے منا را چم کرتگ ، چو پدا بـے سار کتگ

ملکمیت ءِ ما هدائی ،کد نه مَنّ ات هم یلاں
ما بهار ءِ بادشاهی ، مـهر ءَ بــَید انــکار کتگ

دوشی نیکی و بدی ءِ، شاه و میر دیوان کت
هر دوانی رنگ "ما"ات ،و من اش ره گار کتگ

زندگی ءِ چاڑ نے دست،ماوتی آدینک دیست
وَپتگیں بهتءِ گوں واب ءَ،ما دلءَ گـَم دار کتگ

کمبرءِ ماتءِ پدا مٹ،مئی غلام جانءِمات بیت
لک شاباش پَچُشیں مات،راجی سالونکدار کتگ

سوب ءِ استار آزمان ءَ،بام ءِ وهد ءَ گوانکے جَت
ساوڑ ءِ زانت و امیت نود ، یــکوئی گلزار کتگ

"تهل"و موتک ءِ هم زبان ءَ،زندگیں راجاں نه زرت
جی هما روک چاريں بیلاں،موت اش هم بیزار کتگ

کریم بلوچ _ تهل
11/05/09
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line