Author Topic: بیا بے تو ابیتکاں من ۔ ۔ ۔ اسلم قادر ءِ لچہ ندر پہ باسکاں  (Read 1913 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
لَچہ   اسلم قادر ۔ کیچ



برے نام ءَ تئی لکاں
برے نام ءَ کروجاں من
بیا بے تو ابیتکاں من

گش انت موسم اے دلکش انت
بلئے دلکش نہ انت بے تو
شت ایرھت ، بہارے اتک
بلئے ھچ وش نہ انت بے تو
تئی آ شیرکنیں نیاداں
چہ پئیم ءَ شموشاں من
بیا بے تو ابیتکاں من

تو پہ وت جہانے زرت
من پاکیں خدا پہ وت
من پہ ثوابے زرت
تو ٹوھیں گنا ہ پہ وت
وتی پاکیں خدا ءَ چہ
دگہ ھچی نہ لوٹاں من
بیا بے تو ابیتکاں من

نہ اتکاں تئی قاصد
نہ کہ نپر پہ من
سازات اے دنیا ءَ
چونیں ھنر پہ من
اے رسمانی قلعہ ءَ
کوام  آس ءَ بسوچاں من
بیا بے تو ابیتکاں من

اچ من چہ پچ گپتئے
منی آ  بانکیں حانل
چش کہ سوچیت باغے
ءُ بیریان بیت بلبل
اے دردانی زھراپ ءَ
چی ڈول ءِ بنوشاں من
بیا بے تو ابیتکاں من

مہ پروش منگلیکاں تو
ارساں مہ ریچ پہ من
من پہ تو نیاھاں نوں
تو زلفاں مہ پیچ پہ من
چوں اسلم وتی قولاں
چو پرچہ بپروشاں من
بیا بے تو ابیتکاں من
اسلم قادر ۔ کیچ

Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line