Author Topic: بزّگیں بالو۔ بوھیر کلانچی ءِ پربند عہدی رنگ ءَ  (Read 2415 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7096
  • Karma: 356
    • Baask-Home of Baluchi Language, Literature & Culture

(بزّگيں بالو)
"بزّگيں بالو: بزّگيں بالو"
"عشقءچاڑانی وشّيں ربّالو"
زاناں شوھازء آ کپّي پلّء
پشکريں باگانی تہا رلّ ۓ
منّتاں زیران ۓ ہمک پلّ ء
مرمريں آساني تہا چلّ ۓ
ترا جہان لیکھیت مست ء شیپتالو
بزّگيں بالو: بزّگيں بالو:
تو کئي واستا بانزلاں سوچ ۓ
پہ کےء شارء ادلساں دوچ ۓ
اوستء بندۓ پہ ساھگء روچء
زاھرء ڈّڈّ ء اندرء موچ ۓ
واھگ انت ھنبو،ترانگ چيّٹالو
بزّگيں بالو: بزّگيں بالو:
ارساں چہ جاڑيں دیدگاں ریچ ۓ
مرتگء بیگواہ انت چنال کیچء
تو پہ ناکام ے پتّرء پیج ۓ
منزلء نوکیں توشگاں گیچ ۓ
بارت ترا پاداں نکسیں ڈکّالو
بزّگيں بالو: بزّگيں بالو:
تو وتی زند پہ بال گوازینتگ
باريں ما چینچوسال گوازينتگ
کیچ گوازینتگ،شال گوازینتگ
کل دپءوشيّں ھال گوازينتگ
گؤرساں گون انت پنڈگء کالو
بزّگيں بالو: بزّگيں بالو:
تو منی رنگء بزّگءوارۓ
مۓ غمء اندوھاں شریّدار ۓ
سستگيں بیل ء سنگتاں مار ۓ
ترونگليں ارساں چو دردّء گوار ۓ
بےسرءسدّۓواريں ابدالو
بزّگيں بالو: بزّگيں بالو:
تو بہ گؤج پاتو لوھيں گلمیھء
بیا دمانے،مۓ سئیل بکن ڈیھء
مہر شتگ بیگواہ انت بنء بيھء
وپتگيں وابء کس نہ کنت دریّھء
گواہ نہ کنت دےدالودلودالو
بزّگيں بالو: بزّگيں بالو:
گوست ء شت باريگ مھکميں پہرء
شاہ بندیگ انت کوڑئيں دہرء
ہرکسء نہاد بستگ وتی بہرء
ڈوک جننت چوریگ نی منء شہرء
چوری ئیں زھگءمیچڑیں والو
بزّگيں بالو: بزّگيں بالو:
من ھمک شعرءبند ببا داتگ
چو تئي پئیما جند ببا داتگ
جند ببا داتگ،زند ببا داتگ
ذاتءزریاتءرند ببا داتگ
بیتگاں شیشالوشلوشالو
بزّگيں بالو: بزّگيں بالو:
تو ہمک رنگء اے جہان دیستگ
انگتءلانک پہ توکلے کستگ
دل وتی تئیلاں مہکميں بستگ
(بلے)اوستءمااوتاگ ریدگيں سستگ
مۓ متاہ ترنديں تژنءبیتالو
بزّگيں بالو: بزّگيں بالو:
کد کپ انت گوشاں فیضکءالہان
سبزبئینت تلّ ء سنج بئينت نریان
پرشتگيں میریء ربد بنت بان
بیت گلء ڈنّء سھبتءچوگان
کاڑ جننت نازيںکاں ھلوھالو
بزّگيں بالو: بزّگيں بالو:

نئيکہ من پیشی دپتراں واناں
نۓ وتی جندء بندرء زاناں
دست اوں کٹّءانت ھشکء ھیراناں
برّاتگ گئوری تيزيں سوہاناں
تنگھيں شاعر بوھیر درگالو
بزّگيں بالو: بزّگيں بالو:
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line