سلام پہ کلیں باسکاں! یک نوکیں پربندے ! شمئے تچکیں چمشانکءِ رھچار۔
یک پربندے شمئے تچکیں چمشانکءِ رھچار!!!!
دپ ءِ بچکند پرھون اِنت ، منا چون اِنت منا چون اِنت
اجب نادرھی ئے گون اِنت، منا چون اِنت منا چون اِنت
مج ءُ دنزانی پشت ءَ زندمان ءِ کپتگ اَت بے چاڑ
من چاراں داں منی جون اِنت، منا چون اِنت منا چون اِنت
غم ءِ بشام ءِ ھرجاں شت منی ھامین واھشت ءِ
نوں زردءِ مچکدگ پون اِنت، منا چون اِنت منا چون اِنت
خیال ءُ فکر اشکیل اَنت ماں بالاد ءِ بہشت ءَ تئی
من چے زاناں جہاں چون اِنت؟ منا چون اِنت منا چون اِنت
برے چم ءِ ہمک گند ءَ نہ منّیت دل ، برے چو بیت
گشئے نیستینے ہم گون اِنت ، منا چون اِنت منا چون اِنت
وتا گنداں عطا من چو پتارے باتن ءَ جندئے
کہ مستیں ھارےءَ گون اِنت، منا چون اِنت منا چون اِنت
