اشرف بوھیر بلوچ ءِ شئر ءُ پربند ندر پہ باسک ءِ وانوکاں

[Zahida Raees Raji]

بلوچی گیدی سوت

اشرف بوھیر بلوچ


پرچیا دراهین بازار سرء- زرت ء-
تی گشان زی گوات ء- برت ء-
منا تی دز گهاران گشت ء-

تی ملگور شپارین سیاهین شپان
یاد کاء انت منا ابیتکین شپان
تو جوے آپ ء- ششت ء، یکش رست ء-

دوری ء_گم دل ء- چو کوه ء- مکان
ارس رچان چے چمان رکان
دل چو گیمرتگین پل ء- مرت ء-

تی یاد کاء انت همک سهب ء، بیگاه
انتظار بارین چنت گوستگ سال ء، ماه
منا تی ترانگ ء، زهیران کشت ء-

تو دوست دارے اشرف ء- دیدگان
تها دلے بندے منا سالونک چیدگان
منا اے راز تی دزگهاران گشت ء-

پرچیا دراهین بازار سر ء- زرت ء-
تی گشان زی گوات ء- برت ء-
منا تی دز گهاران گشت ء-

[Zahida Raees Raji]

گم دچار کپتاں منا چو گوات آس ءَ پِر رِچیت

ایوک ءَ ننداں دمانے ترانگے اومان بیت

شپ تہارونکی ءَ زھمے ساربانی کسہے

واھگانی جنگ داشتگ اسپروں دست ءِ کپیت
اشرف بوھیر

[Zahida Raees Raji]

۔۔۔۔۔۔۔۔۔ماتیں بلوچستان۔۔۔۔۔۔۔۔۔۔
جی وتن چمروک ماتیں بلوچستان
آزاد بلوچستان آبادیں بلوچستان

بامرد ءُ راجءِیلیں سرمچاراں
بلوچاں مئے شمئے بانداتیں بلوچستان

حب تانکہ جیونی ، بولاں ءُ پسنی
گوادر ءِ نیلیں زر ءِ کوش سارتیں بلوچستان

مشکے اے سرمچار کوہ ءُ گراں ویل چو اللہ نزر
کیچ ءَ پُنو ءِ قلاتیں بلوچستان

کوہلو ءِ شہید بامردیں اکبر ءُ بالاچ مری
ہُون ءِ کشار رُدیت آبادیں بلوچستان

پنجگور ءِ لالا منیر ءُ کیچ ءِ پُلیں فدا
ہُون نمیرانیں شہیدانی دروھباتیں بلوچستان

کولواہ ءِ جوّ ءِ رُون ءُ موش کیچ ءِ آمین
بشی جمرانی گرند ءُ گروک سرگواتیں بلوچستان

دُعائیں گوں رب ءَ دائم منی اشرف
ہِچ رنج ءُ ھزاباں مباتیں بلوچستان —

اشرف بوھیر

[Zahida Raees Raji]

""گلزمین""

منی گُلزمین مکھیں مات بلوچستان بلوچستان
منا سک کیتیں یات بلوچستان بلوچستان

پہ گُلیں گلزمین ءَ جنگ ءَ انت مئے راج ءِ سرمچار
آ روچ دور نہ انت بیت آزات بلوچستان بلوچستان

ہُونانی ہر ترمپ ءَ مئے شنگیت وش بو ڈیھ ءَ مئے
آ جوئی ءِ روچ ٹک دنت وش آتک بلوچستان بلوچستان

تانکہ دنیا است انت نام بلوچ ءِ مانیت
قوم ءِ بیرک دائم برزبات بلوچستان بلوچستان

سوراب چمن نال ءُ پنجگور ءِ سارتیں گوات
کیچ کور ءُ نہنگ ءِ کھن ءُ چات بلوچستان بلوچستان

حب ءُ اوتھل ءِ پراہ ءُ سبزیں ڈن ءُ ڈگار
چو جنت ءَ تئی آپ ءُ گوات بلوچستان بلوچستان

کس ءِ بدیں چمان اگاں ترا چاریت ماتیں وتن
دژمن تئی ہردو چماں کوربات بلوچستان بلوچستان

ہُون مئے دائم کار ءَ کیت اشرف پہ ماتیں ڈیھ ءَ
زندگ انگت مئے جزبات بلوچستان بلوچستان

""اشرف بوھیر""

[Zahida Raees Raji]

دستونک
اشرف بوھیر
ندر پہ باسکان
من ھما ڈُکال ءِ گیرمرتگین درچکان
بھارگاۓ موسم ءَ ھم گیر مرُتگان

اقرار ، قول ءُ قرار تی داتگین
چو کانچ ءِ آدینک ءَ پُرشتگان

گم سوچنت منا تی دوری ءِ
کہ سوتگین چو کباب ءَ پیلوشتگان

تو اشرف چونین ساداۓ وتی رازان گشۓ
پدا گشۓ کہ من چات ءَ کپتگان

[Zahida Raees Raji]

ندر پہ شہید حامد ابراہیم ءِ نام ءَ

باج برتگ تو کدی ما پہ کشگ گار نباں

گنج ءِ سوگات منیگ اَنت تئ دیار نباں

گلزمین پاکیں شھیدانی ھوناں گلزار اِنت

حامد ءِجوھریں جزبگ کدی گمسار نباں

جھد ءِ آشوب گش ئے پلیں بلوچ ءِ پسّگ

الما نوں پہ بہا زیور ءُ کلدار نباں

آجوئ بام بساریت ءُُ ٹک بدنت روچے

زاناں ھیرونک ءِ گلیں کوہ بے توار نباں

جنزاتگ کاروان اوستانی منزل ءَ اشرف

نمب اتگ اھد ءِ چراگانی شپ گُبار نباں

اشرف بوھیر

[Zahida Raees Raji]

ترانگ ءِ دلتبیں بورءَ سوار من پیداکاں

یک ءُُ دو روچ بکن انتزار من پیداکاں

دوست ترا دیریں ندیستگ پتو من زھیریگاں

چم پہ دیدارے ءَ مست ءُُ ملار من پیداکاں

دو سال ءُُ شش ماہ منا پُریں گوستہ درملکاں

نوں چدو گیش نہ بیت اِنت ودار من پیداکاں

کاراون واھگانی مہر ءِ منزل ءَجنزیت

بس ھدا زانت دل انت بے میار من پیدکاں

بلکیں آتکاں من ھمے ماہ ءِ پانزدھمی روچ ءَ

میزرنت شادھانی ملگزار من پیداکاں

اشرف بوھیر

[Zahida Raees Raji]

۔۔۔۔۔سہلیں دستونک ۔۔۔۔

اے تئ دلے سنگ ئیں رھم نئیت ترا پمّن

چک بجن بچار کمیں چم منی پتو ارساں

واھگ ءِ گلاب اجگیں موسماں نکنت سگ اِت

دوری ءِ گماں تبدیں چون وتا بہ رکیناں

ھوناں زگریں میسینتگ ھون تلنت ارواہ ءِ

کوڑئ ئیں پہ دنیا ءَ ھچ نہ کنت ترا باور

موچکین جتگ مہر ءِ کڈک ءَ وداریگاں

مرگ کسمت ءِ بلکیں دام ءِ چمگ ءَ بئیت اِنت

تیر کمان ءَ چمانی چون رکتاں اشرف

زندگی پدا مشکل ترانگے بہ سبزینیت

اشرف بوھیر

[Zahida Raees Raji]

شهمیت چراگاں گم سهار شپ مانپوشیت چادرے
بے چاڑیں دل پہ انتزار شپ مانپوشیت چادرے
پادا بلوچ تو سر بگر شوهازءَ سهبیں منزلے
روزردگیں گاماں مدار شپ مانپوشیت چادرے
دل موم بیت ءُ سنگ بیت سگّیت اَهد ءِ سکّیاں
تاهیر گیپت ءُ نہ کرار شپ مانپوشیت چادرے
ما گلزمین ءِ وارسیں نئیلیں ادا جوریں بداں
بڈّ ءَ تپنگ بستگ کتار شپ مانپوشیت چادرے
دنیا همیش اِنت ترانگے همراه نہ بیت گوں اشرف ءَ
چو دل مہ جیڑ او بے میار شپ مانپوشیت چادرے
'''''''''''''''''''''''''''''

[Zahida Raees Raji]

تئی لگوریں بادشاھی
مراد بات انت ترا
مارا بِل
اک گِدان ءِ ءُ گوں ٹپُّرئے ءَ
سرجاہ سنگئے ءَ
کوہ ءُ کوچگاں
کلّی ءِ آپ ءُ کانیگی ءَ
چار میش ءُ بُزگلاں
گریبی ءِ سِرتگیں نانے ءَ
گوں وھد ءَ گوزان بیت

[Zahida Raees Raji]

مئے بے وسی
مارا گریوانیت
موسماں ابیتکی
زہیراں تبد ءُ چاہڑیں
درچکاں ھچ میار نیست
کہ
تاک اش ریتکگ انت
چشم ملور
زروان ارساں بُڈتگ
زراگے اوشناگ کنت

[Zahida Raees Raji]

شاعری شعرانی اہمبار
سُتکگ ءُ لہڑیں دلے مارشت ءُ ھیال انت
کہ درشان بنت
کاگزاں نبشتہ بنت ءُ کتابانی دروشم ءَ
گشندہانی طوتی ایں الہاناں
لس ملوک ءِ گوشاں ءُ دیم ءَ کاہ انت
بلئے مرچان
وھد ءَ مارا کربلا کتگ
وھد کسہ کنگی نہ انت
وھدے کسہاں مکن
وتی زبان ءَ ھبر کنگ ءُ نبشتہ کنگ
ترس ءِ آماچ انت
شعراں ایر ءُ رکین کُت نکنئے
ترس ءَ کہ آس ماندارگ بنت
چشیں ترس ءُ جاوراں نگیگ
مارا زوراں شاعری یل داھگ پرماتگ

[Zahida Raees Raji]

ھمیش انت دگنیا
ما گوں
وھد ءَ زوال
سپر کنّان ءُ روانیں
داں کُجا
آپ ءُ تام بہ کُٹیت
بہ دروہیت ساہ
باتن ءَ چے
در بئیت
جنازہ چست بہ بیت

[Zahida Raees Raji]

غزل
ﺍﻭﺷﺘﺎﺗﮧ ﺩﺭﯾﺎ ﻭﺍﮨﮓ ﺀِ ﮐﻮﮨﺎﻧﯽ ﺳﺮ ﭨُﻞ ﺀَ ﻧﺌﯿﺖ
ﻣﻦ ﮔﻮﮞ ﮔﻤﺎﮞ ﮔﻮﺍﺯﯼ ﮐﻨﺎﮞ ﺩﻝ ﻭﺷﯽ ﺀُ ﮬُﻞ ﺀَ ﻧﺌﯿﺖ

ﮬﺎﻟﯿﮓ ﺍِﻧﺖ ﺩﺭﺩﺍﻧﯽ ﮐﺒﺲ ﻣُﺮﮔﮯ ﮐﮉﺍﺳﮑﮓ ﺍﻭﮞ ﻧﮧ ﺟﻨﺖ
ﭘﺮ ﻧﺎﺯﯾﺘﮓ ﺩﺭﺩ ﺀِ ﮐﭙﻮﺕ ﻭﺍﺑﺎﻧﯽ ﺳﺮ ﭼُﻞ ﺀَ ﻧﺌﯿﺖ

ﺩﻝ ﭘﮧ ﺩﺭﺍﮞ ﮈﯾﮩﮧ ﺳﻤﺒﮩﯿﺖ ﺳﺎﻟﻮﻧﮑﯽ ﺍﻣﯿﺖ ﺀِ ﺗﮧ ﺀَ
ﺑﺎﻧﻮﺭ ﻧﮧ ﺑﯿﺖ ﺩﺍﮞ ﮔﻠﺰﻣﯿﻦ ﺀُ ﮔﻮﺭﮐﯿﮟ ﮐُﻞ ﺀَ ﻧﺌﯿﺖ

ﺟﻮﺭﺍﻧﯽ ﭘُﻠﯿﮟ ﺟﻨّﺖ ﺀَ ﺍﻣﺮﻭﺯ ﮔﻮﺍﺯﯾﻨﺘﮓ ﻭﺗﯽ
ﻭﺷﺒﻮ ﺳﺒﺎ ﺀِ ﺍﻣﺒﺮﯾﮟ ﭼﻮ ﺁﺳﻤﯽ ﭘُﻞ ﺀَ ﻧﺌﯿﺖ

ﮬﭽﯽ ﺗﭙﺎﻭﺕ ﻧﯿﺴﺖ ﺍﺩﺍ ﻣﺌﮯ ﺩﮊﻣﻦ ﺀُ ﺩﻭﺳﺖ ﺀِ ﺗﮧ ﺀَ
اشرف ﺯﮨﯿﺮﯼ ﻧﻮﺑﺘﮯ ﯾﺎﺗﺎﻧﯽ ﺷﭗ ﺟُﻞ ﺀَ ﻧﺌﯿﺖ

اشرف بوھیر

٭٭٭٭٭٭٭٭٭٭٭٭٭٭٭٭٭٭٭٭٭
غزل

گـَـم چــو جَـمــبــرءَ مـانــشــانگءَاَنـت
چَــمّ اَبــیــتـکـی ءَ ارس ریـچـگءَاَنـت
دریگـتے آزمان وَتـی چَـنکـاں جَـتـیـں
چـہ تـُـرس ءَ زمــیــن جُــمــبّـگءَاِنـت
دَہـــرءَ پَــــدا پــــیـــش داشـــت وَت ءَ
بَــزگـرءَ گــوں پـاھــو درنـجـگءَاَنـت
بـرات ءَ بـرات ءِ گــوَرجـیـگ گـپـتـگ
آس دوئـیـنءِ دامـن ءَ سُـوچـگءَاِنـت
نہ سـکـیـن هَـسـتءُ مات ءِ سہڑینّگ
زمـیـن چـو چُـورَوے گـریــوگءَاِنـت
بلوچ ءِ آکـبـت پَـشـت کـپـت پـہ باندات
پـہ گُـڈسَـری پاسـے کـوچَـنـڈگءَاِنـت
اشرف بوھیر
٭٭٭٭٭٭٭٭٭٭٭٭٭٭٭٭٭٭٭٭٭٭٭