FB Group comments:
Mh Bressi, Ashraf Bohir Baloch, Majid Shad and 17 others like this.
Ghani Pahwaal
فکشن ءِ رجانک ءِ سرحال ءَ سنگت عبدالصبور جان ءَ گوں جوانیں پٹ و پولے ءَ با ارزشیں ادبی وعلمی نبشتانکے نبشتہ کتگ کہ رجانکار چہ اشی ءَ سک باز نپ و سیت چست کت کن انت ۔ گپ وا ھمیش انت کہ درست صبور جان ءَ جتگ انت من بس ھمے گیش کناں کہ راجانکار ءِ واستا الّمی انت کہ آ نئے دوہیں زباناں شری ءَ بزانت بلکیں دوہیں زبانانی کلچر تب و نفسیات ، دود و ربیدگ و تب و ھیلاں ھم پہ جوانی ءَ زانتکار بہ بیت ، دومی ایش کہ ھما صنف ءَ کہ آ رجانک کنگ ءَ انت ھما صنف ءِ ازمی پیچیدگیاں ھم شری ءَ زانتکار بہ بیت ، سیمی ایش کہ جوانیں راجانکار لبز و مانا ءِ سرا زور نہ دنت چیا کہ ھر زبان ءِ وتی محاوراتی ساچ و بتل و استعاراتی مخصوصیں تبے بیت کہ لبز پہ لبز دومی زبان ءَ رجانک کنگ نہ بنت پمیشکہ راجانکار ءِ مستریں جھد ھمیش بیت کہ دومی زبان ءَ بیان بیتگیں مارشت و احساساں پہ جوانی وتی زبان ءَ بہ رجیت ھمے کلیں جوانی کہ راجانکارے ءِ توک ءَ موجود بہ بنت گڑا زانتکار گشنت آ بلکیں وتی رجانک ءِ تھا 80 در صد سوبیں بہ بیت ۔۔۔۔۔۔۔ رجانک ءِ ادبی ارزش و بستار ءَ ھچ ادیب و زانت کار انکار کت نہ کنت،بلکیں حقیقت اش انت مئے رنگیں پد منتگیں ادب و آئی ءِ فکشن بید ء میان اُستمانی جوانیں رجانکاں ھچبر دیمروئی کت نہ کنت۔ اردو ادب ءِ مثال مئے شمئے دیما انت، ھرچند کہ اردو آزمانک ءِ ودی بوھگ ءِ واستا بنداتی راہ نوزدہمی صدی ءِ بندات ءَ چہ فورٹ ولیم کالج ءَ حیدر (حیدر بخش حیدر ) ءِ داستانانی رجانک ءَ پچ بوت، چیا کہ آئی ءِ ھمے رجانک پہ آزمانک ءِ فنی ربّیت ( روایت ) ءَ مزنیں بستارے دارنت ۔بلے تچک ءَ چہ میان اُستمانی ادب ءَ رجانک ءِ باقائدہ کار نوزدہمی صدی ءِ گڈ سر ءَ بندات بیت کہ بازیں میاں اُستمانی ادیبانی سسا ساچانی راجانکانی ھمراھی ءَ خاص چیخوف و موپاساں ءِ جوان و با ارزشیں رجانکاں اردو ازمانک ءَ را نئے وتی پادانی سرا اشتارینت بلکیں ھمے جھدانی برکت ءَ اردو ءَ سہ نامداریں آزمانکار ھم پیداک کت چو کہ سجاد یلدرم،علامہ راشد الخیری و مُنشی پریم چند ( منشی پریم چند ءِ اولی آزمانک کہ چاپ بیتگ 1907 ‘‘ روٹی رانی ‘‘ اے ھم رجانکے بیتگ ) و اشاں اردو آزمانک ءِ ماڑی ءَ را انچیں مھکمیں بُنیادے دات کہ رندا سعا دت حسن منٹو ، کرشن چندر ، راجندر سنگھ بیدی ، عصمت چغتائی و قرہ العین خیدر ءِ رنگیں تاریخ سازیں ازمانکار اردو ءَ ودی بوت انت، بلے اردو ادب ءِ ھمے راجانک ءِ سفر روچ ء مرچی ءَ برجاہ انت و ھمے برکت انت کہ اردو فکشن دنیا ءِ نوک ءَ چے نوکیں لبزانکی تحریک و نوکیں تکنیک و اسلوباں آشنا بیان ءَ دیما جنزان انت۔ بلے مئے بد بھتی اش انت کہ مارا روچ ء مرچی ھم یک چشیں رجانکارے نہ رستگ کہ آ رجانک میاں اُستمانی شرطاں پورہ کت بہ کنت البت یکساہی (انفادی) رنگ ءَ کمو کار بیتگ کہ کوریں چم ءِ ارس ءِ گنج ءِ مثال ءَ انت اگہ مالوٹیں مئے فکشن دیم روئی بہ کنت گڑا مارا وتی تھا قابلیں راجانکار الما پیداک کنگ کپیت نئے کہ فکشن ءِ دیمروئی باز مشکل بیت مئے واستا۔۔۔۔۔۔۔
Saturday at 4:21am · Unlike · 3
Shapchirag Baloch
حوالہ اگاں رجانک کنئگ بلوچی کنئگ بوتیناں، باز وش ات
Saturday at 11:51pm · Like
Ghani Pahwaal
ho shapchirag baed saboor jan a sar shon (ahwalh) rajank koten atnt nbxatnk anga wash ter beetag at
Sunday at 1:07am · Like
