Author Topic: اشکنگ کئ نوں بد دُعا بیتگ؟ زاہدہ رئیس راجی ءِ پربند باسکانی تچکیں چمشانک ءِ وداریگ  (Read 5251 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
اشکنگ کئ نوں بد دُعا بیتگ؟ زاہدہ رئیس راجی ءِ پربند باسکانی تچکیں چمشانک ءِ وداریگ


دستونک
زاہدہ رئیس راجی

بے بہا یے کہ پیسرا بیتگ
مرچی ارزانی ءَ بہا بیتگ
Bey bahaii keh peysara bittag
marchi arzaani ya baha bittag

امبری باج زالم ءَ بُرتگ
اِشکنگ کئ نوں بددُعا بیتگ؟
Embari baaj zaalim-a burtag
eshkonag kaee noo baddua bittag?

یک ھدا یے کہ انگتہ چاریت
بے ھدایانی چے رزا بیتگ
yak huda-ay keh angata charit
bey hudayaani chey raza bittag

گوات ءَ اِیسکارِتگ، نزاناں کئے
جنگر ءَ ساھ ءِ بے بلا بیتگ
gwaat a iskaaretag, nazaanan’ kae
jangar-a saahe bey bala bittag

دژمنے ساہ ءِ دوستی ءَ کپتگ
بددُعاے پہ ھر کسا بیتگ
duzhmenay sah e dousti a kaptag
badduaay pah har kasa bittag

نوکیں نیمونے چوں بنا بیتیں
درد ءِ ھمراہی یک شلا بیتگ
nouken nimmonay choun’ bina bitten’?
dard e hamrahii yak shala bittag

واھگ ءِ سنگ تاکے ءِ دست ءَ
گوات ءِ ھمراہیءَ یلا بیتگ
waahag e seng taakiye dasta
gwaat e hamrahi-a yala bittag

چہ ازل زندماں ھمے داب اِنت
آدم ءِ زند وت سزا بیتگ
cha azal zendmaan’ hamen’ daab-ent
aadam e zend wat sezaa bittag

تو بلے راہ وَ پیسرا یل کُت
منزلے بلکیں دیمترا بیتگ
tao bale raah wa peysara yal kot
menzelay balken’ deymtera bittag


شائراں بل کہ دائما گریونت
رنج ءُ گم ہر کسی سرا بیتگ
Shaairaan’ bel keh daahima greywant
ranj o gham har kasi sara bittag

ما نہ منّوک اتیں ستر راجی
بھت ءِ ھر پیسلہ روا بیتگ
Ma na-mannokaten’ satar Raji
baht e har faislah rawa bittag
________________
P.S Saah e janger = ساھہ ءِ جنگر = hama wahada goshant keh malkamot sahdaar e saaha darkanaga kaet o sahdaar sak aziyat bitten' pada aahiye chagerd e mardom keh aahiye ker gwara nendant aa ham sak dardeeg bant.

Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline SN_sadam

  • Junior Baask
  • **
  • Posts: 38
  • Karma: 0
    • excepted

Offline Khalid Buledai

  • Junior Baask
  • **
  • Posts: 20
  • Karma: 0
تو بلے راہ وَ پیسرا یل کُت
منزلے بلکیں دیمترا بیتگ

شائراں بل کہ دائما گریونت
رنج ءُ گم ہر کسی سرا بیتگ

ما نہ منّوک اتیں ستر راجی
بھت  ءِ ھر پیسلہ روا بیتگ

منی بانکیں گہار تئ سرجمیں دستونک   باز جوانیں ھزار توسیپ ءُ ستا کرزیت ، مئے دعا  انت کہ مدام سوبیں باتے

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
baaz juaan sata karzet guhaar

لک منہ واراں برات۔
وش ءُ دراھباتئے
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line