ریزگانی گُبار"
موسم ءَ تئ نگاھانی رنگ مِتکگ اَنت
پُل ءُ بُو رِتکگ اَنت
من دل ءَ وش اِتوں
مھپرانی سَرات ءَ چو تِیر ءَ گْوز آں
ٹَپّی ئیں مُرگی یے ، ترانگانی شَم ءَ
جنگلے جوڈ باں
اِے سما ءِ پدا ریگزاریں زِر ءَ انچو بیت اِیں سما
بوجی ءُ راچِناں دؤر شُشتگ وتی
آچار پِرنتکگ اَنت
من دل ءَ جیڑ اِتگ ، تو دل ءَ وش بئے
ریزگانی گبار برپے یے دامن ءَ آپ بنت ءُ رِچ اَنت
نوکیں کِشکے بلیت
ھمے رُژن ءِ پلاراں چِینکاں چِن اِیں
درچکے ءِ سینگ ءَ مُرگی یے دروشم ءَ اِیر کپیں نوک بئیں
