میاہ بلوچ ءِ شئر ءُ پربند ندر پہ باسکاں

[Zahida Raees Raji]

میاہ بلوچ

پرچا کشتی بہ بئیں عاشہ بس انت
بل ! نوں دعواہ ء، تماشا بس انت

شیر چاۓ کہ نہ سگ ایت معدہ !
تھرمس ء- بیار، کماش ء- بس انت

باند ء- ٹامب والا پٹھان ء- دئین ای
آ گوش ایت ابا کلاش ء- بس انت

من نہ سمج ات تئ گپ ۓ متلب!
تو نہ پھم ات منی باشا بس انت

جی تئ دراجیں زبان ء_ تیزی !
کرتگ ات زی من ء- آشا بس انت

پہ دپے زھریں موشوک ء- کپتگ
چست کن ۓ اے وڑیں لاش ء- بس انت

[Zahida Raees Raji]

‎میاه بلوچ‎
من کجام لانچ ء_ کسواں بیاراں تو بگش
سیٹھ تپیگ انت ء، جانشو بیماراں تو بگش

آ نہ زانت ماھور ساچگ ء، سکان دارگ ۓ
کۓ بہ سمبال ایت چل ء، بانڈاراں تو بگش

مۓ ھمک کائک پہ ترا ساڑی انت مدام!
پرچی ء- نال ۓ لانچ ء، یکداراں تو بگش

اے امیت ء- کہ بلکیں مۓ چرنی نوک بنت
کش ایں ھیٹار ء، پلیں متاراں تو بگش

پاد ء، پیلم ما بوتگیں اکل ء- گوں تئ
یل بکن مرچی گاریں سنگاراں تو بگش

[Zahida Raees Raji]

میاہ بلوچ‎
دگہ ھچ کپ ء، چنڈے سر نہ یتکہ
ما لوجر وارتگاں ، اختر نہ یتکہ

اے بنجاہ انت پسانی ناکو الداد !
اد ء- تئ دراج گوشیں ھر نہ یتکہ

ما گنگانی ھمک کسہ شموشتگ ...
ماں بتلاں کوریں مۓ حیدر نہ یتکہ

تئ چل کم نہ انت چہ پارلیمنٹ ء-
من چشتگ تامے نک ء- در نہ یتکہ

اے ھیلداراں کہ ریڈھی ے فروٹاں
نہ کرتگ زی پٹھان ء- شر نہ یتکہ

[Zahida Raees Raji]

میاہ بلوچ
ﺳﺮﻭﭖ ، ﺍﻧﺎﺭ ﺍﻧﺖ ﺗﻨﯿﮕﯿﮟ
ﻣﺮﭺ ، ﺑﺰﺍﺭ ﺍﻧﺖ ﺗﻨﯿﮕﯿﮟ
ﺭﻭﭼﮓ ﯾﮑﮯ ﺩﺍﺷﺖ ﻧﮧ ﮐﻨﺖ
ﺗﻦ ﮐﺴﮯ ﺑﺮﺩﺍﺷﺖ ﻧﮧ ﮐﻨﺖ
ﺭﯾﺸﺎﮞ ﺳﺎﺋﯿﺖ ﺗﺊ ﭘﯿﻢ ﺀ-
ﭼﻨﮕﯿﮟ ﺑﺮﻭﺗﺎﮞ ﺗﺮﺍﺷﺖ ﻧﮧ ﮐﻨﺖ
ﺁﭖ ﻧﯿﺎﺭ ﺍﻧﺖ ﺗﻨﯿﮕﯿﮟ
ﻣﺮﭺ ، ﺑﺰﺍﺭ ﺍﻧﺖ ﺗﻨﯿﮕﯿﮟ

ﺭﻭﭺ ﺗﮕﺮﺩﺍﮞ ﭘﯿﭽﺎﮞ ﮐﻨﺖ
ﺷﺪ ﺗﺮﺍ ﮔﻮﺭ ﭘﯿﭽﺎﮞ ﮐﻨﺖ
ﻣﮕﺮﺏ ﺩﺍﻧﮑﮧ ﻭﺍﺗﺮ ﺍﯾﺖ
ﭼﻤﺎﮞ ﺳﯿﺎﮬﯽ ﺭﯾﭽﺎﮞ ﮐﻨﺖ
ﻣﺸﮏ ﺗﻮﺍﺭ ﺍﻧﺖ ﺗﻨﯿﮕﯿﮟ
ﻣﺮﭺ ، ﺑﺰﺍﺭ ﺍﻧﺖ ﺗﻨﯿﮕﯿﮟ

ﻣﻨﺠﻞ ﮈﺍﻻﮞ ﺩﺍﺕ ﻧﮧ ﮐﻨﺖ
ﭼﻠﮯ ﮬﺎﻻﮞ ﺩﺍﺕ ﻧﮧ ﮐﻨﺖ
ﺑﯿﺪﮮ ﻧﺸﺎﺭ ﺀ- ﺩﺭﻧﺰﮮ ﻭﺍﺩ
ﻧﺎﮐﻮ ﮐﻤﺎﻻﮞ ﺩﺍﺕ ﻧﮧ ﮐﻨﺖ
ﭼﮏ ﮐﺘﺎﺭ ﺍﻧﺖ ﺗﻨﯿﮕﯿﮟ
ﻣﺮﭺ ﺑﺰﺍﺭ ﺍﻧﺖ ﺗﻨﯿﮕﯿﮟ

ﮔﻮﮞ ﺍﮮ ﮬﯿﺎﻻﮞ ﻣﺎﮦ ﮔﻮﺯﯾﺖ
ﮐﺸﮏ ﻧﮧ ﺍﻭﺷﺘﻨﺖ ﺭﺍﮦ ﮔﻮﺯﯾﺖ
ﺷﯿﺮ ﺀ،ﻧﺎﮬﺎﮞ ﺗﺮﭘﺸﯿﮟ ﺑﻞ !
ﻭﮬﺪ ﭘﮧ ﮐﻮﭘﮯ ﭼﺎﮦ ﮔﻮﺯﯾﺖ
ﭨﻮﻧﺲ ﺗﯿﺎﺭ ﺍﻧﺖ ﺗﻨﯿﮕﯿﮟ
مرچ , بزار انت تنیگیں

[Zahida Raees Raji]

" کور "

پیریں آدینکے
نزوریں چم
مروچی جھان ء-
آپریشن روم ء- تھت ء_ باھوٹ کتگ انت
ء، وت
ھسپتال ۓ کش ء، گوراں
پہ آدینکے چمانی سلامتی ء-
دعا کنگا انت
من کلھے آپریشن تیھٹر چار ات
تاں دیست آدینک ڈاکٹر ء_چمانی تہ ء-
مۓ کورمیمی ء،
کور متی ۓ
سرا بچکندگ انت

[Zahida Raees Raji]

میاه بلوچ‎
" زانگ"

بیا مروچی
جیڑگانی در ء_
زنگیں کبل ء- بے پروش ایں وتی
گار ء، بیگوائیں سنٹیں کلیت ء_
امیت ء- تاں نندیں کدی؟
بیا تہ ء- سیل کنیں
موکوانی پتو تند بینگ شل انت
شیر ء، شیرگ پمن
ترمپ ترمپ ء- گریں شھدیں لزتاں
کورمیمیں وتی زانت ء_ چماں مشیں
کترھے بلکنہ پجہ بیاریں وتا
تو کۓ من کۓ آں ....؟

[Zahida Raees Raji]

گماں سقراطیں بان ء- زھر میچینت
درانڈیھ کت جھان ء- زھر میچینت

تئ شیریں واھگء_ آزمان ء-دوشی
من ء- را ماھکان ء- زھر میچینت

ما کچل تنگ اتاں شاتے تئ لنٹ ۓ
من سھتے آزمان ء- زھر میچینت

من چنکاں زرتگ ات ھوشام اتکاں
جلکشیں آب روان ء- زھر میچینت

برے زلپانی سیاہ ماراں جتہ ڈنگ
برے چمانی تران ء- زھر میچینت

من ء- میاہ منی مھر ء_ شریک ء-
وتی مھر ء_ نوان ء- زھر میچینت

"میاہ بلوچ"

[Zahida Raees Raji]

" سپر"

منی تہ ء- درچکانی ھدا
کہ
شاہ کشگا لگ ات
تہ
درچکے ء_ چیرء- بستگیں
اپسے ء-شدگ بنا کت
من واب چو ھشترء- جوکینت
چار ات داں
کاروانے مرگانی بانزلاں روک انت
ء،
سواساں دیر انت کہ آس دشتگ
،
شیرگ چاگل ء_ کلنڈیں لنٹانی
باھوٹ کتگ انت
بلے
من ھیران کہ !
چوں کن آں
ارواہ ء_ مینتگیں اے گبار
تئ دستانی ہنی بوت نہ کن انت

میاہ بلوچ

[Zahida Raees Raji]

وتن __

پیرزالیں منی مات ء_ دزگھار
ھدا مرزی ئیں بلک ء_ چھرگ ء- تو جن ۓ
پیرک ء_ تبزی ء_ دانگانی تہ ء-
سنج ء_ پیم ء- بج ۓ
درین ء_ رنگ ء- چم ۓ
وتن ... دیدگیں ڈیھ منی ملگزار
من گنداں ترا ریگزاریں
کماش ء_
ماں زرد ء_ تہ ء-
درچکے ء_ سورت ء-
چول جن ۓ ء، پرش ۓ
الوتے شنگ بیت ، زھیر ریچ انت کپوت
چاریں آتراپاں تئ نام ء_
سروز ساز بنت
شینکے ء_ کوپگاں درنگ
ء، جماز بۓ
تہ جیڑاں بگلجول گیر کئیت منا
کسانی ، اسکول ، کتاب ء، قلم
وتن .... تو چو اسکول ء_کلنڑیں
منا
ماٹی ء- دوست بۓ
تو منی وارس ۓ
سیاد ء، دوست ء، کس ۓ
منی آس ء، آپ
میارے تئ روکیں ساھگ ء-
آھوگ ء_ دروشم ء- نیم واب ء، کرار
تو منا دوست بۓ ...
پشی ء_ دیم ء- ایریں نگن ء_ وڑا
وتن ... من ماراں تہ دعا ء- بل ے
چو ھور ء- رچ ۓ
شنزانی دامن ء- من گنداں ترا
چو کہ پل ء- ردۓ
پیژگاہ ء_ منی نازبوئیں دل ء_
کانچیں پاتو توۓ
منی ماھو توۓ____

میاہ بلوچ

[Zahida Raees Raji]

‎میاه بلوچ‎
" دنیا "

منی گمان ء_ آ کوٹ ء-
کوٹکیں زھگ ے ء_ رنگ ء- کپتگ ء، گریت
ارسانی بستار ء- زانت
ناں
تام ء، لزتاں چہ آشنا
سور ، ترپش ، ماجین
چشگ ء_ ساھدار مرتگ
اناللہ........!
ندارگ چورہ انت
رنگ ! آدینکانی شکم ء- پرشتگ انت
رتکگ انت
پہ
ترمپے شیرء- تلوس ایت
کرم وارت ء، زندگ انت __

[Zahida Raees Raji]

‎
" منی ھدا دو انت"

سبزیں درچکانی سرشاہاں
درنگیں مرغ ے نیاں
کہ
پیگمبری بشارتاں چمباں چناں ء،
ستکانی کدوھ ے گوپاں
مار ء_ ھمساہگی نوں رگاں چول جنت
ھون اسپیت بنت ، ریگزار جند ء_ گوشتاں وتی وت ورنت
روچ ء_ کدمانی شنز
ارواہ ء_ روچگ ء- رھن بکنت چوش نہ بیت
نئیکہ ماہ ء_خمار ، چاڑانی دامن ء-
چماں ایمان ء_ برھنگ بکنت سر بہ گپت
رنگ ء، جلوہ ، ندارگ درہیں بھا بہ بنت
من وتی گنگی ے قاصد ء- گوں اڑاں
الوتاں گوں مڑاں
جنگ ء_ بندات بیت
آس زیمر شل انت
ستک تئ آپ بیت
من چو برپ ء- بداں
میاہ بلوچ

[Zahida Raees Raji]

ارسانی ریگزار ء- منی چم تنی آں
 چمانی کار ء، بار ء- منی چم تنی آں
 
 ماہ ء- شراب مینتہ ، خمارانی باتن ء-
 ہستی ء_ ملگزار ء- منی چم تنی آں
 
 آھوگے رستہ کانچیں زھیرانی جنگل ء-
 سنگے جتہ بھار ء- منی چم تنی آں
 
 استالاں دوشی نگرئیں آزمان نوش اتگ
  دریا ے برتہ ھار ء- منی چم تنی آں
 
 شینکے ملار بکش ایت ء، شیزاریت دیدگے
 میاہ ھما دیار ء- منی چم تنی آں
میاہ بلوچ

[Zahida Raees Raji]

میاه بلوچ
" وت گلائی "

منی لچھانی آپریچ ء-
خمار ء_ کوپگاں جمازیں زمانگ
چو کاروانے ء- سوچن ء_ تمک ء- گوز ایت
من ء- لبزانی " اسم ء_ اعظم " زپت انت
ھیال سنجیں چو جن ء، دیھ ء- مئ دزرس ء- انت
من ریگزاراں سپر کن آں تہ گلابیں ملپد زرنت پمن
اے کسہ ء_ رنگ ! جتائیں رنگ ے
اے دروشمانی ھزار چھر انت
تو موسمانی تب ء- نزان ۓ
ھدا بیت زگر ء، نماز ء- رازیگ
لاپ پہ ڈکیں یک چنڈے نانے
تئ بگندۓ اوں تب بہ مٹ ایت
منارا ڈوبارۓ موسم ء- گوں
پمشکا مرچی وت ء- گلاہ آں

[Zahida Raees Raji]

" گنگیں بشارت"

منی تہ ے وابیں ریگزاراں مہ ٹوھین
نئیکہ ناول منی درچکیں باتن ء-
منی شاھاں رد انت مار بے مھرگیں
دستاں شھارۓ تہ ڈنگانی شیراں بہ مچ
نئیکہ دنزیں کدوھاں پہ آدینکے بیار
پیش ء، تاکیں کپوتاں کما ایر بکن
گوات نال ایت گڈا تو سروزے بہ ساز
کشک ء، راھے شوھاز
منی گنگدامی ے الوتاں دز مہ جن
ٹپ ء، زیماں اد ء- واد گنجے گوش ے_

[Zahida Raees Raji]

"من کہ تئ چمانی شیدا"


روکیں ماہ ءُ اِستالانی گّپ ءَ بِل
نَکش ءُ نِگاریں سَنج ءُ نوداں جیگ ءِ دوچاں
ماں مہ جن
گیاباں پِیسک اِیت ، مُرگانی ھیک جنگل بنت
درچکانی دل اِسپیتیں پُٹ رودین اِیت
تو وَ زان ئے...
اِسپیتیں رَنگ مات اِنت درائیں رَنگانی
دُروھاپے آزمان سِتکانی
اِے بِے رائیں زمین ءِ رسم ءُ دوداں
جیگ ءِ دوچاں ماں مہ جن
پاد اَڑ اَنت تہ کِشک مِر اَنت
تو جُنزان بُو...
من کہ تئ چمانی عاشق
پمّن جھان ءِ رُولہ رنگیں رَنگ ءُ سُورت بِہ مانا
کئے ترا گوشتگ مئے رنگیں میاہ ءُ پکیریں
نابوداں جیگ ءِ دوچاں ماں مہ جن.....

میاہ بلوچ