تئی ابیتکیں دیدگانی تُن تاسءَ کسّہے
چم نہ گنداں بنگران اِنت اِشکءِ آسءَ کسّہے
بس وتی بن گپتگیں ارواہء ِ آسءَ تر بہ کن
شپ مُشان اِنت بامءِ جیگءَ چار پاسءَ کسّہے
اے بری چمانی کِشکاں سمبھان اِنت گلزمین
نکش کرتہ زَگریں ہونءِ بو ءُ باسءَ کسّہے
واھگانی دراجیں پندءَ بند ءُ بوگاں مُھر کن
تراولانی زیم کار اَنت گوں سواسءَ کسّہے
تُن ے ءِ درد ءَ جَتگ ہونانی کِشک ءُ منزل ءَ
بلکیناں بیت ایں بِنا ہورکیں گلاس ءَ کسّہے
ھو رضا گِنداں ملور ءُ عاجزیں ورنائیءَ
ماندار اِیت زردءِ زیدءَ بے کِساسءَ کسّہے
