منصور حیدر ءِ پربند ندر پہ باسکاں

[Zahida Raees Raji]

من دل ء- ایر کناں پتو ھما جاہ ء_ سرء-
 " بیگہ ء_ دامن ء- دمبرتگیں چار راہ ء_ سرء-"
 
 اچ وتی ساھگ ء- ونتگ من ھمے 'درس ء_ وپا'
 من کجا اوست بداراں وتی ھمراہ ء_ سرء-
 
 تئ وپا داری ء_ کسہ ء- گوں بھت ء- کاراں
 تو پہ گندوکی میاۓ کہ اگاں ماہ ء_ سرء-
 
 پمن ھر سھت ء، دماں یک وڑ ء، یکیں پیم انت
 پرچی ء- موتک بیاراں گم ء_ بیگاہ ء_ سرء-
 
 بلکیں ھر روچ بنت لیلام گش انت لج اد ء-
 دل ماں نیادی ء- نہ رستگ پہ کس ء- بھاہ ء_ سرء-
 
 شپ شراباں گوں گوز انت سھب گوں واباں منصور
 کے گڑا بھر بہ بند ایت چشیں ورناہ ء_ سرء-
 
 ( منصور حیدر)