Author Topic: مساپر بلوچ ءِ شئر ءُ پربند ندر پہ باسکاں  (Read 1509 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7096
  • Karma: 356
    • Baask-Home of Baluchi Language, Literature & Culture

بامردے
 ھما کہ پْروش وارتءُ نہ کنت نالَگ
 دلے ڈڈّیں۔۔۔
 تمردیں ھاکمءِ چمّانءَ چارگ
 بے دروریں مرگے۔۔۔
 ھما کہ پیسر چہ مِرَگ، مرگءَ رزا کنت پہ مِرَگ
 نزان ئے تو۔۔۔
 آ وھدے کہ چشیں ھڈانءَ کن ئے سرجم
 نچارئے تو۔۔۔
 ءُ لنٹانءَ چہ آپاں تر کن ئے
 نہ مار ئے تو۔۔۔
 
 بلے وھدے
 کہ اے آپ ھشک بنت
 آ وھدءَ کہ بئے سرپد
 کہ اے ھڈے کہ گوشتان ئِے کن ئے کپ کپ
 کہ اے بے ھڈّءُ گوشت
 چوں وتی سُھریں زندءِ سْروزءَ ساز کنت
 ءُ گوں ھزاراں ھزار دپ
 وتی بانداتءِ شئرءَ دمساز کنت
 نزان ئے تو۔۔۔
 نچارئے تو۔۔۔
 نہ مار ئے تو۔۔۔
 ءُ دیر بیت وھدے کہ بہ گند ئے
 آچست بیت
 ءُ
 اے ھاکءِ کُنڈءِ تہءَ گرد ایت
 آ وھد!
 اے ھاکءِ جاگہ جاگہ سُھر ترّ ایت
 نزان ئے۔۔۔
 نزان ئے تو کہ سُھرءِ دیم نہ بیت دارگ
 نزان ئے۔۔۔
 
 مُساپر بلوچ
 21/5/1391
 دزک
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line