ماتی ۔۔۔۔۔۔۔۔۔۔۔۔غنی پہوال
زمین چنڈ ء_ پشدر ء-
ماتی
چو مہ چنڈین منا
اجگیں دل ء_ میدیں اوتاگ
سستگنت یک یک ء-
تپلیں واہگانی ژلانگیں لئیبو
کل انت ارواہ ء_ شاگیں گوانزگ ء_ میت ء-
ءُ من واباں زند ء_ گار ء-
اصحاب_ کہف ء_ وڑا
ماتی
نوں ہمے لیلو ء- مہ دئے ہچبر
"وپس کہ واب ترا رودینیت"
چو مہ بیت کہ اے زدگیں ارواہ ہم
پہ ابد بو پسیت
چو مہ چنڈین
کہ اے امپُستگیں کلات ء_ چیرا
منی وابانی میت تاہیر انت
چو مہ چنڈین کہ نبا واب بہ کپاں
