کاروان بلوچ ءِ پربند ندر پہ باسکاں

[Zahida Raees Raji]

" بے معنائیں لچہ"

من انچیں جنگلے ئے سینگ ئے تہ ء- واب آں
نہ اودا ساہگے، درچکے نہ مرگ شیزار انت
منی گبار شلیں اہد ء_ مہرمیں شائر!
بہ چیڑ آزگیں چاڑانی ساز ء، ساماناں
منا شوہاز، ء، اے ویرانگی ء- معنا کن
منا بہ رج گُل ء، گلراز کن کرار بدئے
داں من بزان آں سپر الہتگ
نہ منتگ ہچ
داں بے کبا بدن ئے واہشاں بباں سرپد
تاں تو منی تلب ء_ ژندیاں بہ بئے سوہو
گڑا بجزم نگاہانی ناز مارگ بنت
زبان داتگیں لنٹانی راز دارگ بنت
گڑا تباہ تبیں باتن بہار بالین انت
من بلکیں ساہگے ء_ توکل ء- بباں آگاہ

[Zahida Raees Raji]

بادشاہے تئی رنگانی شوہاز ء- رَپتگ
دامن ء_ چاکیں لواراں منی دنیا تپتگ

یا ہُدا من تئی اُمیت ئے کُمار ء- واباں
انگتہ وہم ء، گُمان ء- سپرے پشکپتگ

پہ شُد ء- مُرگ زِر ء_، چُردکاں چمباں زیر انت
دریا ورداں دل ء- آڈِنگو ء_ واہگ بستگ

انگریں اہد، تئی شاد زبہریں لنٹاں
کسہ ے کینگ ء، کست ء_ پہ نبشتہ کپتگ

نی چداں شپچراں لڑینگ ء- کس داشت نہ کنت
ہدْر ء- تاموری ئے پیشانی ء- ماہے گوْاپتگ

[Zahida Raees Raji]

" کئی نام ء-........ ؟ "

درچکانی سرئے کدوہانی تہا ستک ے نکش اِنت
تئی شہر ئے گوات ء- کِشک نہ رندیں موسم گون
من چی بکن آں..؟
یک کلیگے یک کندیلے گرنچ ء- بند آں
گوں اُشتر گامیں واباں سپر ء- درکایاں
اے دروہاپیں مہرانی ڈگاراں رون کن آں
ء، آس ء_ نوان ء- بوجاں اہد ء_ کسہ آں
گوں درین ایں سازاں دریا ے الہان کن آں
مرگانی نام ء- دنیا ے آباد کن آں
یک نوکیں چہرے نوکیں رنگے زندگ باں
داں است بہ باں من مہر ء_ درچک ء_ سر شاہ آں

[Zahida Raees Raji]

نگاہ کپنت ترا کشک ساز پرمایاں
بہار زرد ء_ گرء- کشک ساز پرمایاں

منی گدان بلورانی گِلہ ء- کنت انت
آ ماہ لکاہ ئے در ء- کشک ساز پرمایاں

تئی دید ئے پَلّو ء- وابانی مہرگاں بنداں
گوں کنٹگاں سپر ء- کشک ساز پرمایاں

دلانی دلبریں لبزانی مہروانی ء-
زبان بے ہبر ء- کشک ساز پرمایاں

ترا چہ سستگیں کارستے ئے وڑایاں من
سراتیں پہل ء_ سرا کشک ساز پرمایاں

[Zahida Raees Raji]

تہاری ء- کبا ء_ دِر مزن کت
ما رژن ء_ پولگ ء- چادِر مزن کت

کتاباں کُنّت اِنت کارست پرچا
اے بنگپ ء- منی شائِر مزن کت

ترا جنتر تبیں اہدے پکار ات
پمیشکہ آدم ء_ بائِر مزن کت

بگندئے کِلّڑے چنکاں بزیریت
ہمے سوب ء- عطا ء- گِر مزن کت

بہشت ء، بینگیں تاکاں نبشتہ!
بلوچ ء- کْدر تئی، گُردِر مزن کت

کئی بچکندگاں ارواہ بکش اِت
کئی ارساں جبین ء_ زِر مزن کت

[Zahida Raees Raji]

" منی عہد ء_ عطا "

بے سریں دودانی دروہاپ ء_ پدا
رنگ کشکاں کپتگ انت گوں تراولاں
بے مہری ء_
ساہگاں بس نام مٹاتگ وتی
آدم ئے پالیگ انگت مہکم انت
پرشتگیں بی بی ہوا کپتگ بن ء-
تو گوں اندوہاں منی عہد ء_ عطا
آزمان ء- تاکے ء- جاگہ بدئے
ء، زمین ء- ند بکن
آس ء- بجن
ساچ شررنگیں ہیالاں کبر کن...!

[Zahida Raees Raji]

ﻧﮧ ﺭﻧﮓ ﺀ، ﻧﻮﺭ ﺩﺭﺍ ﮐﻨﺖ ﻧﮧ ﻭﺷﺒﻮﮮ ﮔﻮﺍﮨﯿﺖ
ﺗﺌﯽ ﮨﻠﮏ ﻣﺮﭼﺎﮞ ﺟﻨﻮزﺍﻣﯽ ﺀ_ ﻭﮌﺍ ﻧﺎلیت

ﺑﮩﺸﺖ ﺑﺎﺗﻨﺎﮞ ﺗﺎﺭﻭﻧﮑﯽ ﮮ ﺩﺭ ﺁﻭﺭﺗﮓ
ﮐﺌﮯ ﺍﻧﺖ ﺗﺌﯽ ﺭﻭﺷﻨﯿﮟ ﺩﻧﯿﺎ ﺀ_ ﺩﻭﺯﺍﮦ ﺀ- وانیت

ﻭﺗﺎ ﻣﻦ ﺗﺮﺍﻭﻟﯿﮟ ﺗﻮﺟﯿﻠﯽ ﺀ _ ﻣﯿﺎﺭ ﮐﻦ ﺁﮞ
ﺩﺍﮞ ﮐﺸﮏ ﭘﺸﺖ ﮐﭙﻨﺖ ﺩﺍﮞ ﻣﺴﺎﭘﺮﮮ ﻣﺎﻧﯿﺖ

ﻧﮧ ﻭﺷﯿﺎﻧﯽ ﺟﻠﯿﮟ ﻣﻮﺳﻤﺎﮞ ﻧﺪﺍﺭﮦ ﮐﻨﺖ
ﺍﮔﺎﮞ ﭘﮧ ﺳﺘﮏ ﻣﻨﯽ ﺩﯾﺪﮔﺎﮞ ﺑﮧ ﺷﻮﮨﺎﺯﯾﺖ

ﻧﻮﯾﺲ ﺁﮞ ﻣﺮﺩﮔﯿﮟ ﭼﺎﮔﺮﺩ ﺀ _ ﺗﮩﺖ ﺀ، ﺍﺭﺩﺍﭼﺎﮞ
ﺩﺍﮞ ﮐﻮﺭﯾﮟ ﻋﮩﺪ ﻭﺗﯽ ﮐﻮﭘﮕﺎﮞ ﻧﮧ ﭘﻠﮕﺎﺭﯾﺖ

[Zahida Raees Raji]

" ﻣﻨﯽ ﻻﮈﮐﯿﮟ ﮐﺎﺭﺳﺖ "
ﻣﻨﺎ ﺯﻫﺮ ﮨﻢ ﮐﺌﯿﺖ ﺀ، ﺩﻭﺳﺖ ﮨﻢ ﺑﯿﺖ . ﭼﻮﻧﺎ ﺀ- ﻣﻨﺎ
ﻭﺗﯽ ﺩﺭﺳﺘﯿﮟ ﮐﺎﺭﺳﺖ ﺩﻭﺳﺖ ﺑﻨﺖ ﺑﻠﮯ ﺍﮮ ﭼﮧ ﺁ
ﮐﺎﺭﺳﺘﺎﮞ ﮐﻤﻮ، ﺑﺲ ﮐﻤﻮ ﮔﯿﺶ ﺩﻭﺳﺘﺮ ﺑﯿﺖ . ﻣﺰﻧﯿﮟ
ﻟﭽﮯ .. ﻣﺮﻭﭼﺎﮞ ﯾﮑﺪﺍﺭﯼ ﺀ- ﺟﺎﻧﺸﻮ ﺍﻧﺖ ﺑﻠﮯ ﻭﺗﺎ ﺯﻧﮍﯾﮟ
ﻧﺎﻫﺪﺍ ﮮ ﮐﻨﺖ .
" ﺁ ﻫﭙﺘﯿﮟ ﺍﺳﺘﺎﺭﺍﮞ ﮔﻨﺪ ﺀ_ . ؟ ﺁﮨﺎﮞ ﻧﺎﺵ ﮔﻮﺷﻨﺖ ، ﻣﺎ
ﮨﺮﺩﯾﮟ ﺩﺭﯾﺎ ﺀ- ﺩﻭ ﺑﺞ ﺀ- ﻭﺍﺏ ﺀ- ﭼﮧ ﭘﺎﺩ ﮐﺎﺋﯿﮟ ﺁ
ﺳﺌﮯ ﺍﯾﮟ ﺍﺳﺘﺎﺭ ﮐﺠﺎ ﺷﺖ ﺍﻧﺖ ﺁﯾﻨﺖ، ﻧﯿﺎﻡ ﺀ-
ﮐﺎﯾﻨﺖ .. ﺍﺷﺎﮞ ﺗﯿﺮ ﺑﻨﺪ ﮔﻮﺷﻨﺖ "
ﺑﮧ ﺑﮑﺶ ﺍﺕ ﻣﻦ ﺍﮮ ﮔﻮﺷﮓ ﺀ- ﺷﻤﻮﺷﺘﮓ ﺁﮞ ﮐﮧ ﻣﻨﯽ
ﻻﮈﮐﯿﮟ ﮐﺎﺭﺳﺖ ﺗﺮﯾﺎﮎ ﮨﻢ ﮐﺸﯿﺖ ﺍﮔﺎﮞ ﻧﮧ ﺭﺳﯿﺖ ﮮ
ﮔﮍﺍ ﭼﺮﺱ ﺀ- ﮔﻮﮞ ﻭﺗﺎ ﺍﻟﻢ ﺳﻮﮔﻨﺪﯼ ﮐﻨﺖ .
" ﺁ ﺑﺎﻡ ﺀ_ ﺍﺳﺘﺎﺭ ﺍﻧﺖ ﭘﺸﺖ ﮐﭙﺘﮓ . ﻣﻨﺎ ﭼﺸﯿﮟ ﭼﯿﺰ
ﺑﺎﺯ ﯾﺎﺕ ﺑﯿﺘﮓ ﺑﻠﮯ ﻧﯽ ﺷﻤﻮﺷﺘﮕﺎﮞ "
ﻣﻦ ﺳﮏ ﺑﮯ ﻭﺍﺭ ﺍﺕ ﺁﮞ .. ﺑﻠﮯ ﺁﺋﯽ ﺀ- ﮨﭻ ﺳﻤﺎ ﻧﯿﺴﺖ
ﺍﺕ ﮐﮧ ﺍﻧﭽﻮ ﺑﺮﺯ ﺀ- ﭼﺎﺭﮒ ﺀ- ﺍﮮ ﻣﺮﺩ ﺀ_ ﮔﺮﺩﻥ
ﺭﺳﯿﺖ . ﯾﻠﮧ ﺩﺋﮯ ﺍﮮ ﺍﺳﺘﺎﻻﮞ ﻣﻨﺎ ﺑﮕﺶ ﮨﻤﮯ ﮐﮧ ﺩﺭﯾﺎ
ﺗﺮﭘﯿﺖ ﺭﺷﻨﺎ ﺑﯿﺖ ﮨﻤﯿﺸﯽ ﺀ- ﭼﯽ ﮔﻮﺵ ﺍﻧﺖ؟
" ﺍﯾﺸﯽ ﺀ- ﺟﻞ ﮔﻮﺵ ﺍﻧﺖ .. ﺍﮮ ﮔﻮﮞ ﻣﺎﮦ ﺀ- ﮐﺎﺭ
ﺩﺍﺭﯾﺖ . ﺗﮩﺎﺭ ﻣﺎﮨﯽ ﺀ- ﺍﮮ ﺭﺷﻨﺎ ﺑﯿﺖ ﻣﺎﮨﮑﺎﻧﯽ ﺀ-
ﺭﺷﻨﺎﺋﯽ ﮮ ﮔﺎﺭ ﺑﯿﺖ "
ﺑﺎﺭﯾﮟ ﭼﮯ ﺩﺭﻭﮒ ﭼﮯ ﺭﺍﺳﺖ هرچیﮐﮧ ﺩﭖء- ے دراهگﺀ- ﺍت گوشان ﺍﺕ
" ﻭﮨﺪﯼ ﻣﯿﺪﺍﮞ ﺍﺳﺘﺎﺭﺍﻧﯽ ﮨﺴﺎﺏ ﺀ- ﻭﺗﯽ ﺭﺍﮦ ﮔﺎﺭ ﻧﮧ
ﮐﺘﮓ .. ﺑﻠﮯ ﺍﻧﯽ ﺩﻭﺭ ﺑﺪﻝ ﺍﺗﮓ ﺗﺮﺍ ﺁﺳﻤﺎﻥ ﺀ- ﭼﺎﺭﮒ ﻧﮧ
ﮐﭙﯿﺖ "
ﻣﻨﺎ ﺍﮮ ﮐﺎﺭﺳﺖ ﺩﺭﯾﺎ ﻭﺭﺩﮮ ﮐﻢ ﺁزﻣﺎﻧﯽ ﻣﺮﺩﮮ ﮔﯿﺸﺘﺮ
ﺳﻤﺎ ﺑﯿﺖ .
" ﺗﺮﺍ ﺳﮕﺮﯾﭧ ﮔﻮﻥ ؟ "
ﻣﻨﺎ ﻣﺪﺍﻡ ﺑﮕﺶ ﺳﮕﺮﯾﭩﮯ ﺑﺪ ﺀ ._
" ﺍﮮ ﺯﻣﺴﺘﺎﻧﯽ ﺷﭙﺎﮞ ﺯﺭﺗﯿﮟ ﺳﻮﺭﻭ ﺍﯾﮟ ﻣﺎﮨﯿﮕﮯ ﮔﻮﮞ
ﺍﻧﮕﺮﺍﮞ ﺑﺎﭖ ﺩﺍﺗﯿﮟ ﭼﺘﻮ ﻭﺵ ﺍﺕ . "
ﺩﯾﺘﺎﮞ ﺍﻧﭽﺶ ﺩﭖ ﺀ، ﺩﯾﻢ ﺀ- ﺟﻨﮓ ﺀ- ﺍﻧﺖ ﻧﮧ ﮔﻮﺵ
ﺋﮯ ﺯﺍﻟﻢ ﻣﻨﯽ ﺳﮕﺮﯾﭧ ﺀ- ﮐﺸﮓ ﺀ- ﺍﻧﺖ .. ﻣﻦ ﻧﺰﺍﻥ ﺁﮞ
ﺷﻤﺎ ﻣﻨﯽ ﮐﺎﺭﺳﺖ ﺀ_ ﺍﮐﺲ ﺀ- ﺩﮔﮧ ﭼﯽ ﭼﯽ ﭘﺮﯾﭽﮓ
ﺀ- ﺍﺕ ﺑﻠﮯ ﺑﯿﺎ ﺍﺕ ﮐﮧ ﻣﻨﯽ ﮐﺎﺭﺳﺖ ﺀ_ ﻭﺗﯽ ﮐﭻ ﺀ-
ﺭﯾﺶ ﮨﻢ ﻣﺰﻥ ﺍﻧﺖ . ﮨﺪﺍ ﺀ_ ﺭﺍﮦ ﭼﻠﮧ ﺀ، ﭼﺎﺭ ﻣﺎﮨﮯ ﮨﻢ
ﺟﺘﮓ ﮮ . ﺩﻟﮯ ﻟﻮﭦ ﺍﯾﺖ ﮐﮧ ﺭﯾﺸﺎﮞ ﺑﮧ ﺳﺎﯾﺎﮞ ﺑﻠﮯ
ﺯﺍﻧﺖ ﮐﮧ ﮨﻤﮯ ﭨﮑﺮﯾﮟ ﺷﺮﭖ ﮐﮧ ﻣﺮﺩﻣﺎﻧﯽ ﺩﻻﮞ ﭘﮧ ﻣﻦ
ﭘﺸﺖ ﮐﭙﺘﮓ ﮨﻤﮯ ﮨﻢ ﮔﺎﺭ ﺑﯿﺖ . ﻣﻦ ﺑﺲ ﯾﮏ ﺑﺮﮮ ﻭﺗﯽ
ﻻﮈﮎ ﺀ_ ﺗﺮﺍﻧﮓ ﺀ- ﮐﭙﺘﮓ ﺁﮞ . ﺩﯾﺮ ﺍﻧﺖ ﯾﮏ ﻧﮑﺎﺡ ﮮ
ﺀ- ﻣﺮﺩﻡ ﮐﮧ ﺟﻢ ﺑﯿﺘﺎﮞ ﮔﮍﺍ ﻣﻼﮮ ﭘﺎﺩ ﺍﺗﮏ ﮐﻤﻮ ﮔﭙﮯ
ﺟﺖ ﭘﺪﺍ ﺯﺭﺕ ﮮ ﺩﭘﺘﺮﮮ ﺟﺴﺖ ﮐﻨﺎﻥ ﮐﺖ ﮮ .. ﮨﻤﺪﺍ
ﯾﮏ ﻣﺰﻥ ﺭﯾﺸﯿﮟ ﻣﺮﺩﮮ ﭘﺎﺩ ﺍﺗﮏ ﮔﻮﺷﺘﮯ ﺍﻟﺤﻤﺪﻟﻠﮧ
ﻣﻨﯽ ﮨﺮ ﺳﺎﻝ ﭼﺎﺭ ﻣﺎﮨﮯ ﻧﮕﺪ ﺍﻧﺖ ..ﭘﺪﺍ ﺯﯾﺖ ﺯﯾﺖ ﺀ-
ﮔﻮﺷﺖ ﮮ ﻣﻦ ﮨﺮ ﮨﻔﺘﮓ ﻭﺗﯽ ﺑﺮﻭﺗﺎﮞ ﺳﺎﯾﺎﮞ ..
ﻣﻦ ﻭﺗﯽ ﺳﻨﮕﺖ ﮔﺸﺖ ﮐﮧ ﻣﺮﺩ ﺀ- ﭼﻮﺵ ﮔﻮﺷﺖ ﻣﻨﯽ
ﺳﻨﮕﺖ ﺀ- ﺑﺎﻭﺭ ﻧﮧ ﺑﯿﺖ . ﺳﻨﮕﺖ ﺀ- ﻣﯿﺎﺭ ﮨﻢ ﻧﯿﺴﺖ
ﺍﺕ ﺍﮮ ﻣﺴﯿﺖ ﺀ_ ﺩﺭﺳﺘﯿﮟ ﻣﺮﺩﻡ ﺳﺮﭘﺪ ﻧﮧ ﺑﯿﺘﺎﮞ .. ﻣﻦ
ﻧﮑﺎﺡ ﺀ- ﭘﺪ ﮨﻤﮯ ﻣﺮﺩ ﺟﺴﺖ ﮐﺖ ﮐﮧ ﺩﻝ ﺀ- ﻣﯿﺎﺭ ﻣﻨﯽ
ﮔﻮﺷﺎﮞ ﭼﻮﺵ ﺍﺷﮑﺘﮓ ﻣﻦ ﺭﺍﺳﺖ ﺁﮞ .. ؟ ﻣﺮﺩ ﺀ-
ﮐﻨﺪﮔﮯ ﺟﺖ ﺀ، ﮔﻮﺷﺖ ﺗﻮ ﮐﺮﮮ ﻧﺌﮯ ..ﺑﺲ ﮨﻤﮯ ﺭﻭﭺ ﺀ-
ﻣﻦ ﻭﺗﯽ ﻟﭻ ﺀ، ﻻﮈﮐﯿﮟ ﮐﺎﺭﺳﺖ ﺀ_ ﺗﺮﺍﻧﮓ ﺀ- ﮐﭙﺘﮕﺎﮞ
" ﺳﮕﺮﯾﭧ ﮨﻢ ﮐﭧ ﺍﺕ ﻣﻨﯽ ﮨﯿﺎﻝ ﺀ- ﺗﺮﺍ ﻭﺍﺏ ﺀ- گپتگ"
ﺗﻮ ﻭﺕ ﺯﺍﻥ ﺀ_ ﻣﻦ ﻣﻼ ﺀ_ ﺑﺎﻧﮓ ﺀ- ﻭﭘﺲ ﺁﮞ
" ﺷﺮ ﮔﮍﺍ ﻣﻦ ﺭﻭﺍﮞ ﻭﭘﺴﺎﮞ . ﺳﮩﺐ ﺀ- ﭘﺪﺍ ﺩﮦ ﮐﻨﺪﻭ
ﻣﺎﮨﻮﺭ ﺍﻧﺖ ﺳﺮﺍﭼﮕﯽ ﺍﻧﺖ . ﻣﻨﯽ ﮨﯿﺎﻝ ﺀ- ﭼﺎﺭ ﭘﻨﭻ
ﺭﻭﭺ ﺀ- ﺭﻭﻧﺖ ".
ﭘﺮﻧﺪﻭﺷﯽ ﯾﮏ ﺑﺮﮮ ﺷﺎﻣﮯ ﮐﺘﮓ ﺍﺕ ﭼﺮﺳﺎﮞ ﺯﺍﻧﺎﮞ
ﺷﺪﯾﮓ ﮐﺘﮓ ﺍﺕ ﺍﺗﮏ ﻣﻨﯽ ﺷﺎﻣﮯ ﮨﻢ ﺟﻮﺭ ﮐﺖ ﺍﻧﺖ .
ﻣﻨﺎ ﺷﺪﯾﮕﮯ ﮐﺮﺕ . ﻭﺕ ﺷﭗ ﺀ- ﻧﻮ ﺑﺞ ﺀ- ﻭﭘﺲ ﺍﯾﺖﺳﮩﺐ ﺀ- ﺍنچو کوکار ء، جگه کنت گوش ء_ چو ﻧﺰﺍﻧﺖ
ﮐﮧ ﻣﻦ ﺷﭗ ﺀ- ﺁﮔﺎﻩ ﯾﺎﮞ ..
ﺗﺮﺍ ﺭﺿﺎ ﺍﻧﺖ ﺑﺮﻭ ﻭﭘﺲ ..
ﺷﻤﺎﺭﺍ ﺍﮮ ﺟﯿﮍﮒ ﻧﮧ ﻟﻮﭨﯿﺖ ﮐﮧ ﺍﮮ ﮐﺎﺭﺳﺖ ﭘﮧ ﺍﯾﺸﯽ
ﺀ- ﺍﻧﭽﻮ ﻣﮩﺮﺑﺎﻥ ﻧﮧ ﺍﻧﺖ ﮔﮍﺍ ﭼﺘﻮﺭ ﺍﯾﺸﯽ ﺀ_ ﻻﮈﮐﯿﮟ
ﮐﺎﺭﺳﺖ ﺍﻧﺖ !...
ﮔﭗ ﭼﮧ ﺷﻤﺎ ﭼﯿﺮ ﻧﮧ ﺍﻧﺖ ﺍﮔﺎﮞ ﺑﺎﻭﺭ ﮐﻦ ﺍﺕ ﻣﻦ
ﺩﻧﯿﮕﺖ ﻭﺕ ﮨﻢ ﻧﺰﺍﻥ ﺁﮞ ﮐﮧ ﺍﮮ ﭘﺮﭼﺎ ﻣﻨﯽ !.......

[Zahida Raees Raji]

سک ابیتک ء، تہناہاں مان دارگ ء- نیلاں
تئی زہیر همراہاں مان دارگ ء- نیلاں

ایوکی نمیراں بات درد ء، رنج ء_ بالشتاں
ارس ء_ ہار سرجاہاں مان دارگ ء- نیلاں

مئے ہیال ء، کرد ء، کار کبر چہریں چاگرد ء-
چو چراگ رژناہاں مان دارگ ء- نیلاں

زرد ء_ مرتگیں درچکاں زندمان سبزینتگ
شانتلانی دنیاہاں مان دارگ ء- نیلاں

دود ہمیش دنیا ء_ ، وشیانی دروہاپ ء-
شود آسیں کسہ ہاں مان دارگ ء- نیلاں

[Zahida Raees Raji]

" دستونک"

زاہر ء- شہد بکن باتن ء- پلگار بگْرے
ہم نپس تو پہ مڑاہ موسماں گپ دار بگْرے

اے بری ساز نہ آواز نہ نازے منتگ
اے بری دل گوْشیت شیزارگاں گیرار بگْرے

ہشکء، ویرانگیں درچک ء_ بُن ء_ وابیں مار ء-
دل بکن یار، بکن سنگت ء، گموار بگْرے

من وا کرن ے بیت ھزابانی گباراں گاراں
تو اگاں لوٹ ء_ منی بئے گڑا دلدار بگْرے

تند ء، تاموری ئے زندانے ء- بندیگیں ہوا
آدم ء_ داتگیں سوگاتاں بہ سنگار بگْرے

[Zahida Raees Raji]

" وتی جند ءِ نام ءَ "
 منی گپ ءُ گالاں کُماریں تماہانی مورت زدگ بنت
 منی کشک ءُ راہاں شپادیں پکیرانی کسّہ کنگ بنت

 منی چارگانی مراداں نہ جیڑ اَنت تئی آہو ایں کرْام
 تئی گندگ ءَ پد پہ من شنگ بیت،  ہر کدم چہر ءُ اندام

 منی مارگانی نوان ءَ گباراں گوں سودا جنگ بیت
 منی ہلک ءُ جاہاں مزاریں نگاہاں گوں داوا کنگ بیت

 منی زاہر ءَ بے توانیں ہوا ءَ گشانے سرا اِنت
 ہوا ءِ گشان ءَ چہ کرناں، نہ کُٹّوکیں جُستے درا اِنت

 منی اندر ءَ آدم ءِ مکر ءُ متلب کپس ے بیان اِنت
 منی درْیکّگاں مردمے یاگی ایں پنت ءُ سوجاں دیان اِنت

 منی کندگانی شم ءَ توکلے ساز جنت، ناچ ماریت
 منی گریوگاں چاڑ بکشیت، دل ءَ منزلے پیشداریت
کاروان بلوچ

[Zahida Raees Raji]

نہ مار ءِ دل ءِ کسّہاں ہر دمان ءِ، وتا داں نہ وان ءِ
چہ پیم ءَ جُڑین ءِ ہیالاں گمان ءِ، وتا داں نہ وان ءِ
اے چاگرد ءِ پد منتگیں کِشک ءُ راہاں
تو سر گپتگ ءِ گوں نزوریں نگاہاں
پچار ہستی ءِ حرف ءُ آباں نہ وان ءِ، وتا داں نہ وان ءِ
من مست ءِ ند ءِ مُچ کناں درائیں نازاں
ولی ءُ ملنگیں عطا شات ءَ سازاں
نویساں، نزان ءِ نزان ءِ نزان ءِ، وتا داں نہ وان ءِ
اجل جل جلانی جلیں جل نہ پرْشتگ
کُمارانی دست ءَ ربابے ءَ گشتگ
تب ءَ چہ نہ بئے آشنا ماہیکان ءِ، وتا داں نہ وان ءِ
شموشاں وتی شہشنابیں تمایاں
کپوتانی ارساں گوں درچکے کمایاں
منی جیڑگانی زبان ءَ نزان ءِ، وتا داں نہ وان ءِ
کاروان بلوچ

[Zahida Raees Raji]

" بے ساز "
شاعر: کاروان بلوچ

دل تبیں موسماں نہ مرّینتگ
شائر ءَ ریگزارے ءِ تلب اِنت
ءُ کلم ءَ دبُکّاے بستگ
تاک تاک ءَ گبار پِرّیچیت
زندمان نیّتانی آماچ اِنت
آکبت تُرسے ءَ گوں بندوک اِنت
آزمان دْریکگانی ھمراہ اِنت
دامن ءَ کانگڑو ے بال ءَ اِنت
تو اوں چنکاں میار کن گوات ءِ
من اوں لوڑ ءِ شوھاز ءَ درکایاں
زندمان نیّتانی آماچ اِنت

[Zahida Raees Raji]

" ردانکی لچّہ، رم لچّہ، پیاپ لچّہ "
کدی کدی دل گشیت
اے نُنّک تب ءُ نہ پہمیں مردماں
ڈڈّیں شیلانچ دپ ءَ بدئے
ءُ کُکّار کن ءُ بہ گوْش
منا ماہ ءُ تہاری ءِ جنگ چارگی نہ اِنت
کِشکے رندگی اِنت
پہ وتا
پہ ترا
منا ماہ ءُ تہاری ءِ نیام ءَ
ایوک ءُ تہنائیں ہاموشی ءَ گوں
تران کنگی اِنت
بگندئے
پہ وتا
پہ ترا
کِشکے رَست بہ کناں!

[Zahida Raees Raji]

" آدم + ھوا "

ھوا تئی اندر ءَ آجو تبیں
زندانی ایں مُرگے گوْشگ لوٹیت
تو بندیگ ئے
اگاں لوٹ ئے وتا چہ آدم ءِ مکر ءُ پریبانی
شِپیں شاہاں بہ گیشّین ئے
گڑا پد منتگیں جاہاں بدل کن
آزمان ءِ کسّہاں شیزارگانی دروشم ءَ
گوات ءِ امان ءَ کن
وتی چاگرد ءِ سرجاہاں بدل کن
ءُ زمین ءِ چیدگاں لولی دیان ءَ
سر بہ گر اَچ وت
اگاں لوٹ ئے وتا چہ آدم ءِ مکر ءُ پریبانی
شپیں شاہاں...

کاروان بلوچ