سمین ارمان ءِ شئر ءُ پربند ندر پہ باسک ءِ وانوکاں

[Zahida Raees Raji]

انسرتگیں هیالے دلء- چول جنت پدا
 چمانی توکء- سرجمیں کسه بیان بیت
 
 همرائیء- بگندئے منی ساهگے مه کنت
 گاماں ندار آں آچ بیت آهن جهان بیت
 
 داتگ ما هونء_ ترمپ همک اوستء- په همے
 که کشتگیں نهال چو درچکء- ردان بیت
 
 سرگوستگ ئے سرء- په وتی سرڈگارےء-
 تو سرمچارے ئے منء- انچو گمان بیت
 
 بیلاں مدارات نستگیں پاداں که اے سپر
 دانکه نه بیت منزلے سهرا روان بیت
 
 ستک انت منء- سمین وتی  سنگتء_ سرا
 مانیت ساه سنگریں کوهاں مڑان بیت
 
 "سمین ارمان"

[Zahida Raees Raji]

دل بلوچے چه زبانء- مه کپیت
آئیء_ وهمء، گمانء- مه کپیت

ڈیههء- په پاهوء_ ساده چکیت
شهسوارے وتی شانء- مه کپیت

تو که راجء_ وتا گموار کن ئے
چوروے چنڈے په نانء- مه کپیت

مرچی براتانی گساں ماندارئے
باندء- آسے تئی نوانء- مه کپیت

آ که همرائیء_ سوگندء- وارت
نیم راهء- اوں دمانء- مه کپیت

انگتء- دل اے مسلمان انت منی
تیرے تئی چمء_ کمانء- مه کپیت

چو نباں هر کسی رنگء_ شیدا
دانکه آسے منی جانء- مه کپیت

مئے که همگرنچیء- روک انت دنیا
پندلے مئیت میانء- مه کپیت

چه سرء، ساهء- سمینء- دوست تر
باید انت آ گوں جهانء- مه کپیت

" سمین ارمان "

[Zahida Raees Raji]

اے راهء-

جهدء_ کندیل انت

که روک انت

هر ساهت هر دمان

اے کندیل!

لوٹنت آپ نیکه نپت

نیکه زمین چیریں مادن

اے لوٹنت بس تهنا هون

زگریں بلوچء_ زگریں هون

بیا ات ترمپاں هور کن ایں

اے کندیلاں پر کن ایں

بلے راهء- شون دینت

راجء- بلوچء_ بانداتء_

بیاات ترمپاں هور کن ایں

اے کندیلاں پر کن ایں

"سمین ارمان "

[Zahida Raees Raji]

بداریت انت شپاں راهء- گسر کنت شر همینچو
رواں په منزلء- روچیں کن آں واتر همینچو

نه بیت انت راهسراں تئی پل هجبر زندمانء-
بریچ ئے هر کسی راهء- اگاں انگر همینچو

من زان آں درپش دنت روچے سباهے آجوئیء_
کتگ مئے سرمچاراں ندر ساهء، سر همینچو

کئے انت گموار! کسے گواهی ندنت کلیں جهانء-
به ٹک ئے سکیانی ساهتاں تو در همینچو

نه سوتکگ بس ترا تهنا اے آسء- دوزهینء-
زمانگ هرکسء- په روک کنت اشکر همیچو

ترارا سر بکنت ماں شاهگانیں آزمانء-
سمین زانتء_ پڑء- اوژناگ کن دربر همینچو

" سمین ارمان "

[Zahida Raees Raji]

ترانگء، مهرء، هیالاں پچگرۓ
تو چیء- چمن وتی رنگء- پل ئے

تئی تلب گوں آزمانء- سنگتی
گلزمینء_ واهگاں سرپد نه بئے

توس آسء- کینگء، کستء_ پۂ دل
چنت سوچ ئے چنت رندء- وت سچ ۓ

او منی ڈیهۂء_ جلشکوکیں چراگ
تو چو روچء- نوں کدی واتر کن ۓ

تو نمیران ئے گوں پاکیں نیتء-
مئے دلانی دریکگاں تو زندگ ئے

مارا تئی جندء_ گمانی گم پر انت
تو مه بئے من هم نباں دلجم به بئے

تر بنت مرواردیں ارساں انارک
بلکیں اے دیوانگء_ یاتاں کپ ئے

پچ مه بیتین انت اے چم هجبر سمین
تو منء- ماں وابےء- همراه ات ئے

(سمین ارمان)