0 Members and 1 Guest are viewing this topic.
چیرا لھتے بلوچی چاچ داتگ أنت۔ إیشانءِ پسوا شما دات کن إت۔ أگر شما چاچے زانت و وانوکاں شریدار کنگ لوٹ إت، آئیا ھم نبشتہ کن إت۔1- کوٹیں بز و کوٹیں شنک، وپتہ ماں رودءِ کانٹکا؛ گپتگ دوپادیں رسترا:2- پـِلِنگیت چؤ شنکا، شنکے نہ إنت، دورّ ئی ماں گوشا جنکے نہ إنت:3- ٹی ٹی ماں ٹٹ و ٹٹ ماں گوالگا، گوالگ ماں ھر و ھر ماں بیدھا:4- ھر کرّگے، جنت سرّگے، رئوت پہ لدا، چک نہ جنت پدا:5- دپ ئی نیست، گپ کنت؛ گوش ئی نیست، إشکونت:6- زرداں زلور و زافراں، تیران جنت إنت کافران:7- دو برات أنت، مڑ أنت، إسپیتیں خون رچیت:8- آبریشمی گرنچے، سرا تا پاداں تنچ ئی:9- بلوک قبرا إنت، پنگ ئی ڈنـّا إنت:10۔ ٹی ٹیءِ دم ماں آپا و سر ماں آسا:11- برزیں گراں جَوز رچیت:12- رمگا سر دئے، واڑا دؤش:13- کانیگا آپے، آپا مارے، مارءِ دپا پلـّے:14- بُنا گرّ و گبرّ إنت، سرا نقرہ و زر إنت:15- ملا روبڑو گرّان إنت، چک چکا لدا برّان إنت:16- ھستین منا برّے رمگ، وابجاہ إنت إش عرشءِ گرگ:17- چیزے ھست کہ خدا ئی نہ گندیت، بلے بنیادم ئی گندیت:18- درچکے کہ پنچ شاھڑ ئی پر، دو روچءِ سرا سئے ساھگا:19- سالارءِ بچ إنت، جنگا کنوک إنت یا واجہءِ بچ إنت جنگا تیار إنت:20- شصت ھیک ئی هست؛ سی سیاہ أنت وحلال، سی إسپیت أنت و حرام:Source: www.balochinews.com