زند ارزان بیت، عاقبت گران بیت۔۔۔۔ زاہدہ رئیس راجی ءِ دستونک چمشانک ءِ وداریگ

[Zahida Raees Raji]

سلام ءُ دروت باسکاں
وتی یک کہانیں دستونکے شمئے دیما یارگایاں امیت انت وتی تچکیں چمشانک ءَ گون کنئے
شمئے راھشونی ءِ راھچار
کستر
زاہدہ رئیس راجی




دستونک
زند ارزان بیت، عاقبت گران بیت
ما بزانتیں پہ چے انچو تاوان بیت

درد ءِ تھت ءِ سرا واب ءِ  تابانی ءَ
آگہیں دل مدامی پریشان بیت

منزل ءِ راہ ءِ دراجی، بشارت نہ دنت
چنچو  گام ءِ سرا پاد لیٹان بیت

ھرچے پُشتا شُتگ دیما کنزایت پدا
تؤ نزانئے پہ اے باند ءَ ارمان بیت

درد ءُ دورانی جاہاں نوں یل دئے روئیں
بیا شوہازیں ھما جاھے درمان بیت

پہ ھلاھوشی ءَ اُمرءِ گپّہ مہ جن
اے دگہ کسہ انت چُش نہ درشان بیت

مئے  نزانگ کسارا ملامت نہ کنت
شپ ھما جاگہ انت روچ ترّان بیت

وھد ءِ سھت ءُ دمان ءَ گوں کنزگ نہ کُت
مئے دل ءِ پھکی ءَ بھت ھیران بیت

سُھب ءِ استال ءَِ راجی ملامت مہ کن
انچیں دراجیں شپ ات سُھب لرزان بیت
زاہدہ رئیس راجی

[SN_sadam]

baaz wash sata karzett

پہ ھلاھوشی ءَ اُمرءِ گپّہ مہ جن
اے دگہ کسہ ایں چُش نہ درشان بیت

'''''''''''''''''''''''''''''''''''''''''