Author Topic: شئے خالدءِ شئر ءُ پربند ندر پہ باسک ءِ وانوکاں  (Read 4497 times)

0 Members and 1 Guest are viewing this topic.

Offline شے سید

  • Baluchi Nadkaar بلوچی ندکار
  • ***
  • Posts: 16
  • Karma: 2
استین جلکشان ایں منی لنککء_ تاباں
بیا زبریں  زمانگ ترا وانیناں  کتاباں

هر اشک وتی واهگء_ استالاں نہ سندیت
مہکانی وتئ بلکیں بہ دریت حجاباں

تئ نیکیں کردگاراں گشے روک کتگ آسے
یک سہت ء، دمانے تو وتئ کم کن ازاباں

اپسوز دلء_ آگہیں دیدوکے نہ دیست أنت
من دیستگ أت وابے کہ من وابء_ تہا واباں

شئےآنی همک اهد بہ بیت ربء_ هیالدار
هچ پئیمء- نہ زیر ایت شمئے سبزیں ثواباں
.
شئے خالد

Offline Zahida Raees Raji

  • Administrator
  • *****
  • Posts: 7104
  • Karma: 356
    • Baask-Home of Baluchi Language, Literature & Culture
_______نمب ایں سرگوات_____

مہپل مہپل نوداں کت
پلاں ٹہکے شادہ کت
کؤشء- لڈی لڈانء-
مسکء_ دامن میساں بوت
ترمپء-را کہ درائینت
" من شیر بہ باتاں یا کہ کئیپ
دوار چو ڈڈیں هوشامء-
کپوتی زهیرونکاں نالیت
تپستگ ایں کوہء_ تلاں
کٹنگ کٹنگ سارت ایں سک
ترمپء_ زردء- گرکے جت
"من درد بگواراں بشیگاں
پژء- بہ شنزاں وش وشء-
شمور بہارء_ میچین ء-
هار بہ باں کہ تاوان انت
سیرآپ پہ سدپ سنٹاں
گیاباں ویرانی مانیت "
ترمپء_ گناہ ء میار چی؟؟
ارواهانی سراط ایں اوتاگ
اچ مئے کترء- دزگیر أنت
حرسء- ڈاهے شیکار ات
مہپل مہپل نودانی
پلانی شادء شادامی
کؤشء_ لڈگ مسکء- گوں
شاکاریت ء شیزاریت
تپستگ ایں ڈڈانی کپوت
چو سوز کہت ایں بیکء_ تار
کانیگ مؤجاں گورمینتگ
کٹنگ سیرآپء_ هز إنت
ترمپء- دوبر گرکے جت
درد گوں پژء- ارمانی
هار نهنگانی واستی
سدپ سنٹاناں دست سرا
گیاباں بوچ یے کہ مانیت
ترمپء_ گناہ ء میار چی؟؟
ترمپء_ واری واراں بوت
ترمپء_ واری واران انت
کد نمب ایں سرگواتے کئیت
کد شیزار ایت ء پماں کئیت ¿؟؟
شئے خالد
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7104
  • Karma: 356
    • Baask-Home of Baluchi Language, Literature & Culture
دستونک..

پگرء_ مز ء، تئ باطن
هردو بے سیت ایں همزن

لاٹوگ أنت سهتیں سحر ء-
لیڑء- باریں چی درچن

جی پہ یات ء_ مارشتاں
هون ایں بیرانی آهن

مہپر استالاں شنزیت
بهتء- یک یکء- گیچن

سیہ چپت ایں او دزگیراں
آزمانء- تاکے سرچن !

کئے پہ دائم همرائیں
کئے راهء- کنت ایں ساکن

عہدء_ شمشیں آمینء-
شیرگ شیرگ اومباں من

پیسکیت ایں چورہ واهگ
چنچو ازر ء_ بئے زامن

لنٹء_ ژپ ژپ ایں ارساں
گواتء_ هرجانء- وردن

روزردء_ کئیپ ایں بیگہہ
مہپر سرگواتاں شیکن

عقلء_ دابہ کئیپان انت
ناممکن مرچاں ممکن

نزآراں چماں خالد
اندیمء- بئیت ایں بلکن.
شئے خالد.
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7104
  • Karma: 356
    • Baask-Home of Baluchi Language, Literature & Culture
______ مردگء_ شپانک مہپر نہ بیت ____

شپ وتی عکسء- ماهء_ آدینکء- چاریت
وت ء- پلگاریت
گبارء- نچاریت!
بامء- ڈوبار ایت___!
هر چراگ شپء_ منت گر نہ بیت
تیل سهتےء- پد هشنت
داں کہ استار رژنے بہ پولیت
تہاری بست کنت
کلکشان دستء- سرا کنت بے وانکی نالیت
شپ وتی اکسء- ماہء_ آدینکء- چاریت___!
زمانگ مہگرء- وش اتک ء- إنت
گبار وتا داگ دیان إنت
إے آدینک ء_ چی ندارگ ؟
وتا پلگارگ
بامء- ڈوبارگ______!
کجام شپ ابدمان انت
زند ء_ راجدپتر ء- ؟
سهئیل ستر روک بہ بیت
روچ ء_ برمشےء- اوں مانا کت نہ کنت
إے رژن چی پیژدار ایت ؟
گبارء- نچاریت
بامء- ڈوبار ایت____!
بیگہہ ء_ ساهگ دائم نہ بیت
داں ودار ، دیگر ایں ثمر پر بکنت
روزرد ، رولہہ ء- کاسد کنت
رونشت ، هچ دیمء- نماریت
شپ وتی اکسء- ماہ ء_ آدینک ء- چاریت____!
بام هچبر چراگ ء- گرنچ نکنت
تہنا کاروانے دار ایت
جنزیت
شپ ، بل یے وتی اکسء-
ماهء_ آدینک ء- چاریت
وتا پلگار ایت
بلئے یاد بکنت
مردگ ء_ شپانک مہپر نہ بیت.....
....شئے خالد....
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7104
  • Karma: 356
    • Baask-Home of Baluchi Language, Literature & Culture
نظم ء_ دومی بہر ...
_______ پت ء، چک _____

" بابا منی زندء_ دیوک
ابا منی لنجانی روک
تو شست سال گوازینتگ أنت
ایے مکران ء_ دومگاں
تو لوگ ء، هنکین اڈ کتگ
دستاں گوں وت رودینتگ أنت
ملک ء، ڈگار ، کانڈیل ایں مچ
گوں برادر ء، گوں بیل ء، بچ
تو کہ رؤئے درملکےء-
بل یے إشاں دژمن بہ بآرت؟
بل یے إشاں بدواہ بور أنت؟
دل تئ چتور سگ ایت بگش
کہ نیوگاں دژمن بور أنت ؟
کہ پیسرا باز وارتگ اش
کرت اش وتا پزوریں ٹاب
ء، مست بوت پہ مئے سرا
کہ دؤر کنت لوگء_ تہا
بے پردگء- کرت أنت بلوچ
مهگونگ ء، بانوری کاڈ
کرت اش جنوزام سنٹی ئیں
ابا منی بابا منی
تو شست سال گوازینتگ أنت
تو کرت جاک گوں شئر ء، گال
چی مز ترارا رست بگش ؟
تئ آکبت بس ایش بوت
کہ تو وتی وائے وطن
کہ هشکیں دار بیت تئ عصاء
بے هال کت پہ انچوشی ؟
ایے گلزمیں مادر منی
ماتء- مناں میچینتگ شیر
جونے مناں بکشاتگ یے
بل یے منی جون ء، جبیں
قربان بیت پہ گلزمیں
درگور بیت ملکء- وتئ
پرچا دراں ڈیہہ ء- بر ئے؟
پرچا مناں سند ء_ چہ ملک ؟
بل یے کہ من باں سرمچار
ء، دژمناں چکبور دیاں
بادات روچ بچی منی
نامء- گرأنت پہ ایمنی
تئ نام هم بیت برز شان
بل یے مئے پرزند ء، پشت
آزاتےء- گندأنت وتئ
مرچی مناں دستء- بیت توپ
باندا منی پرزند گڈا
لکیت منی راجدپتر ء-
بابا منی ابا منی
من سرگراں جنگء- رواں
تو سربگر درملکےء- » "
" بچی منی عقل ء_ بدل
من روچ وتی گوازینتگاں
من چی کناں درملکے ء-
اودا کہ تو هم گوں مہ بئے
حق أنت تئی نیکیں هبر
تو سرگرئے جنگء- روئے
پشتء- تئی من هاظراں
بل یے بیاں من اوں شہید
چو کہ فدا چو کہ حمید."""

هلاس بوت.......

شئے خالد...
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7104
  • Karma: 356
    • Baask-Home of Baluchi Language, Literature & Culture
سلام...دوستان ء، واجہان...
ایے لچہ من کوئٹہ ء- نبشتہ کتگ....
شمئے مہرانی دروشم أنت...

____دریگت ایں _____

دریگت ایں
تو گواتے بوتین ئے
کہ منی سہتگ ایں ساه ء-
امبریں ارواهے بکش ایں ___!
دریگت ایں
تو آپ بوتین ئے
کہ منی زندء_ زمینء-
هورک ایں هوشام تر جت ایں ___!
دریگت ایں
تو ماه بوتین ئے
کہ منی واهگانی سیہ جتیں شپاں
شاری ئیں مہکان تالت ایں___!
دریگت ایں
تو بہار بوتین ئے
کہ منی مہرانی گیابانء-
پوپلیں پل گوارت ایں___!
دریگت ایں
تو نود بوتین ئے
کہ منی اوست ء_ گوربامء-
همے پلانی سرا شبنم شمورت ایں__!
دریگت ایں
تو آس بوتین ئے
کہ منی کینگء_ لنشاں
بے بندر مانداشت ایں___!
دریگت ایں
تو لور بوتین ئے
کہ منی زانتء_ کلونٹانی تہا
کم چارء_ کرم پیلوشت ایں__!
دریگت ایں
تو آشوب بوتین ئے
کہ منی دلء_ سنچء- را
انارکی تیگ ء_ سما دات ایں__!
دریگت ایں
تو اتپاک بوتین ئے
کہ منی گلزاریں گلزمینء-
جنت ء_ اوں گمان مداشت ایں__!
دریگت ایں
تو انچیں چیدگے بوتین ئے
کہ زمانگ ء_ راجدپترء-
جمبریں روچ ساچان إت ایں__!
دریگت ایں
تو دل بوتین ئے
کہ منی جونء_ واگء-را
اچ وتی رازی ئیں رزا ء-
هردو جہان ساڈت ایں____!
دریگت ایں ، دریگت ایں

شئے خالد...
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline شے سید

  • Baluchi Nadkaar بلوچی ندکار
  • ***
  • Posts: 16
  • Karma: 2
'" مهنل "


رژنے آت جانشود إیں
گواڈگ ایں گیاباں گومے گلباگ آت
امبار ء، ارس
دریں درس
بام دپ ایں روزرد___!
ناگہاں !!
گوات ء- استال ء_ نیت ششت(shushth) آنت
هرگورا مانش إنت
جبر شلیں جمبر
شپچر ایں مجگاں
دروہ إت منی دل گونگ ایں هاک__!
تلار تراش ایں رهسر آنت
کوپگ پہ سرین ء- بار إنت گشے
تژن وریں باندات آنت
کسیپ آنت مول___!
منی ڈک گریں همبل!
توتی آنی ابیتک پیسک إیں رونشت آنت
ائے منی گہوار موه ء، پاک گشتن إیں براهیں براگ!!
سگار دروشم ایں شینک آنت
تہ چراگ ء_  مس مس ایں سہتے ء_ ساهگ
ء، شپء- اوں پوشتگ شالے
مہکان برے گبار برے مؤجر
سهئیل ایں سلاه آنت___!
منی بیر براهندگ إیں بالاچ!!
هید گواریں جپاهاں
پہ تراس تراس باهند
لاٹوگ إیں آس ء_ نگاه ء- بل
ء، گوات ئے چاکری ء- ٹگین
مؤجاں واگ کن!
زرداں داگ کن!
مرواردیں استال
پہ تو شون ایت یک راهے کلکشاں کرپاس إیں
نوں ودار ء_ پاس گرإنت  نیم شپ
ء، سحار ء_ مونس کپ إیں مئیل
سہت ء_ سہب ء- بچار کہ مہپر مہ بیت__!
بلئے !!
مارشت ء_ براں کئے سرچنت ؟
پہ ایے زیبائی ء_ ٹکر یےء-
منی گونگیں کرنگش إیں دابہ یے
سد آں زندمان  کرزیت__!
بلئے!!
،آ،  کدم کج آنت !؟
،آ،  عمل کج إنت!؟
،آ،  زرنگ کج آنت!؟
،آ،  هون کج إنت _____!؟؟
سک گریت
دوتل کپ إیں تہنائی
کہ پٹ پنژر ایں یات
چو بش بش وریں گواریچ آں
میلانک آنت___!
کرن  گوست آنت
بلئے وهد پمن هما إنت____!!
کدی رزنے آت جانشود إیں !؟
کد  گواڈگ گیاباں گومے گلباگ آت!؟
______________________________________________________
شئےخالد

Offline شے سید

  • Baluchi Nadkaar بلوچی ندکار
  • ***
  • Posts: 16
  • Karma: 2
من وتئ دردانگ ایں گہار بانک رئیسی ء_ بے کساس منت وار ء، مہر باناں  کہ مئے هما شئر کہ دوست یے بوتگ آنت ، پہ باسک ء_ دیوان ء، راج ء، شنگ ء، ندر کتگ آنت..پرے گران بہائیں کار ء' ما همے سکین رسیت کہ بانک ئے جہد بے کیاس ستا کرزنت.
مئے لوٹ مدام همے بوتگ کہ مئے گپ ء، گال بلوچ راج ء- سر بہ بنت .
مئے بلوچی نبشتہ کار ء، وانکانی جہد بس همے بہ بیت کہ ما گوں نیک نیت آں ، یک جاہ ء، هم پت  بہ بئیں ..
پہ بلوچی زبان ء_ دیمروئیء- همکوپگ بہ بئیں..
ایے کار ء- اگاں ما مکن ایں ، کئے اش کنت ؟
مارا زبان است ، دیم ء- برگی انت ، داں کہ مئے زمانگ بہ کٹ ایت.
گڈا آوکیں پدریچ چہ مئے جہداں چیزے نپ ء، پائیدگ یے بہ رست ء، پہ ارزانی وتئ گاماں دیمء- برت بکنت...چیا کہ..
''بلوچی مئے وتئ جند ئے زبان انت "'