ھرکسی نیک ءُ بدءِ پردگ کُتیں۔ زاھدہ رئیس راجی ءِ دستونک شمئے چمشانک ءِ وداریگ

[Zahida Raees Raji]

دستونک

میزاں میزاں در ھمک کینگ کُتیں
دژمن ءِ درداں دل ئ ترکگ کُتیں

مُرتگینانی تب ئ زندگ کُتیں
آ دلے کہ ڈوکے ات، شیشگ کُتیں

ھردمگ ھر کوچگ ءِ ھمراہ اتیں
ھرکجا رپتیں وتی میتگ کُتیں

اے دگہ گپے کہ چیرا ت مُدتے
دیدگاں پدر دل ءِ واھگ کُتیں

شرکینیں گالانی مُز دیستیں اگاں
کُچلینانی ھبر بینگ کُتیں

مئےد ل ءَ وھدے پکار ات زندگی
پنڈگ ءَ ، دیما تئ کاسگ کُتیں

زندمان ءِ آکبت زانگ نہ بیت
ھرکسی نیک ءُ بدے پردگ کُتیں

منزل انت راجی تئ پاد ءِ دل ءَ
چہ وتی راہ ءَ جتا کنٹگ کُتیں

زاھدہ رئیس راجی

[شے سید]

باز سک باز وش گوشتگ بانک ۔ شئر ءِ اصل مؤضوع گوں واھریں ارمانان اِنت ۔ ءُ شائری ءِ مارشت ھم چَمِداں بِناہ بنت ۔ ھال باز نازُک ءُ جُہل اِنت ۔ لبزانکی لوٹ ھم سک جُوان پیلہ کتگ اَنت ۔ سلامت بآتے بانک گوں گؤھریں گُپتاراں ۔

[Zahida Raees Raji]

باز سک باز وش گوشتگ بانک ۔ شئر ءِ اصل مؤضوع گوں واھریں ارمانان اِنت ۔ ءُ شائری ءِ مارشت ھم چَمِداں بِناہ بنت ۔ ھال باز نازُک ءُ جُہل اِنت ۔ لبزانکی لوٹ ھم سک جُوان پیلہ کتگ اَنت ۔ سلامت بآتے بانک گوں گؤھریں گُپتاراں ۔

لک منہ واراں برات شے خالد۔  وژنام باتئے