Author Topic: " عہد سازیں مئے عطا "اسلم قادر ءِ لچہ  (Read 2547 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
لچہ "  عہد سازیں مئے عطا  "       
  13 فروری ، نمیرانیں عطاشاد ءِ سالروچ ءِ درگت ءَ
  اسلم قادر ۔ کیچ
 
 مژدوار گشئے داسپاں         
 دروریں تئی نامے ءَ
 تُنگ انت گشئے ماھکاں
 دیدے ءِِ تئی رژنے ءَ
 گسر ھمک مساپرانت
 منزل ءِ چہ راہے ءِِ
 زنگ زرتگ دپتراں
 سینگ ءَ مشتگ وتی
 زانت ءِ مہتابیں جنک
 نوں سر ءِ رندگ نزانت
 جور دپ ءَ برچکندگاں
 چو گشئے کندگ نزانت
 سر بتک نوں کارواں
 کشکے ءِ رندگ نزانت
 شئر گشیں نوں شاعرے
 شئرے ءِِ بندگ نزانت
  کیچ  ترا  کنتیں  توار
 شال پتو چوں زھیروار
 ترک ات انت بولان ءِ کوہ
 آس  داتگ   سیوی  ءَ
 ستکگ انت  پل   ءُ  گلاب
 ھورک گشئے گنجیں کتاب
 آس لگ ات مکتباں
 لنککاں ستک انت قلم
 پرشت انت گشئے زانت ءِ قدم
 نابزانتی حاکم انت
 زانتے ءِ نوں میتگ ءَ
 بیا بکن واتر پدا
 عہدسازیں مئے عطا
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line