Author Topic: شے ھالد ءِ جوکّ یے ندر پہ باسک ءِ وانوکاں,,,,,  (Read 2520 times)

0 Members and 1 Guest are viewing this topic.

Offline شے سید

  • Baluchi Nadkaar بلوچی ندکار
  • ***
  • Posts: 16
  • Karma: 2
,,,,,,,, مھدی * ,,,,,,,,

ملوکانی مُراد مرواردیں بنت
مجازی مَھرم ءِ ملّگ رَدیں بنت
مَرے موسم مُدان ءَ ملپدیں بنت
مدامی مس کہ مونج ءُ مولدیں بنت

______•_____

مں منگیرانی مھریں ملگزاراں
منی مؤردانگی مھپر ملاراں
مں میڈاں منگھی مُلک ءِ میاراں
منءَ مسکیں اگاں مھکاں مداراں

______•_______

مھاز ءِ میتگ ءَ مُردار مُلور اَنت
متاہ اِش چو مگِسک ءُ مَم ءُ مور اَنت
موالانی مُرید ءَ ھم   مہ زور اَنت
منی مُھکم "مریخیں " درمگور اَنت

_____•_____

نمانیت مُول مُورت ایں مھوشانی
مراگاھ   ءُ  مدینہ  مُدّتانی
ملام اوں مِنجتگ مست ایں مُجانی
مزار اوں مُرتگ اَنت مردانگانی

'شے ھالد'
________________________________
* سُربندر ءِ یک کوھے ءِ نام اِنت,,کوھ ءِ مھدی,,
[ایے جوک(نظم) ''م" ءِ سرا نبشتہ کنگ بیتگ ]