,,,,,,,, مھدی * ,,,,,,,,
ملوکانی مُراد مرواردیں بنت
مجازی مَھرم ءِ ملّگ رَدیں بنت
مَرے موسم مُدان ءَ ملپدیں بنت
مدامی مس کہ مونج ءُ مولدیں بنت
______•_____
مں منگیرانی مھریں ملگزاراں
منی مؤردانگی مھپر ملاراں
مں میڈاں منگھی مُلک ءِ میاراں
منءَ مسکیں اگاں مھکاں مداراں
______•_______
مھاز ءِ میتگ ءَ مُردار مُلور اَنت
متاہ اِش چو مگِسک ءُ مَم ءُ مور اَنت
موالانی مُرید ءَ ھم مہ زور اَنت
منی مُھکم "مریخیں " درمگور اَنت
_____•_____
نمانیت مُول مُورت ایں مھوشانی
مراگاھ ءُ مدینہ مُدّتانی
ملام اوں مِنجتگ مست ایں مُجانی
مزار اوں مُرتگ اَنت مردانگانی
'شے ھالد'
________________________________
* سُربندر ءِ یک کوھے ءِ نام اِنت,,کوھ ءِ مھدی,,
[ایے جوک(نظم) ''م" ءِ سرا نبشتہ کنگ بیتگ ]
