Author Topic: وائے بگبھتی ۔ ۔ ۔ زاھدہ رئیس راجی ءِ تاکبند مستاگ ءِ سرا گونڈیں چمشانکے  (Read 4232 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
وائے بگبھتی

زاھدہ رئیس راجی

زیک وھدے لئین شُْت انت ءُ پہ کنگ ءَ دگہ ھاسیں کارے دماگ ء۔ نیست ات سےماھی مستاگ دیما کُت اوں تاں بچاراں مئے نوکیں تاکبندانی معیار چون انت۔ انچش سرتاک ءَ اے آر داد ءِ اکس ءِ سرا چم کپت انت یات اتک کہ منی ھم یک گونڈوکیں نبشتانکے لہتے ماہ پیسر واجہ اے آر داد ءِ جہدانی سرا پہ مستاگ ءَ دیم دئیگ بوتگ باریں ایشاں چاپ کُتگ اگں نہ اے دیگرانی رنگءَ ڈنّ ءَ ھتر دئیگ بوتگ۔
ردءُ بندانی چارگ ءَ دل گلاں بال بوت کہ اے تاک ءَ ھمنیچو جنیں آدمانی نام ھوار ات کہ چیدو پیش بازیں نام منی چمانی دیما چے  نہ دیستگ اتنت
ھیر پیسرا تاکانی لیٹینگ ءِ کار کُت اوں کہ ستر منی جند شائر انت بلے چدو پیش اتکگیں ماھتاک ءُ تاکبندانی توکا داتگیں شئراں گیشتر دلپروش کُتگہ پمشکا نوں منی ھب ءُ واھگ گیشتر ردانکانی وانگ ءِ سرا ات ءُ انچش کہ ایشی ءِ رد ءُ بنداں جار جتگ ات ادءَ ردانک گیشتر اتنت۔
منی ھما نبشتانک کہ من پہ واجہ اے آر داد ءَ نبشتہ کُتگہ وھدے دو برونتوں ھیران بوتوں کہ منی بازیں گال وتی رنگہ ترینگ ءِ جہد ءَ ایشاں انچش بدڈؤل کُتگہ اتاں کہ منی نبشتانک پہ من ھم درآمد ات۔ اول سرا وتی جند ءَ ڈوباریت اوں کہ بلکیں چہ من ءَ ردی یے  بوتگ کہ مدام دزگٹی ءِ بار وَ انچش ھم منی کوپگانی سرا انت پمشکا کدی وتی جند ءِ نشبتانکاں در برچارگ ءِ موہ نہ رسیتگ بلکیں اے رندا ھم انچش بوتگ۔
ھیر دیمترا دگہ تاک لیٹان کُت اوں گُڑا چم وتی یک کہنیں آزمانکے ءِ سرا کپت ۔ دل ءَ پگر جتوں کہ بارے اے من چے وھد ءَ ایشاں دیم داتگ؟ پدا گمان کُت اوں کہ بلکیں ھما وھد ءَ کہ من اے دگراں پہ چاپ ءُ شنگ ءَ داتگ بلکیں چہ آھاں پیش ایشاں داتگ ءُ رند ءَ پہکا شموشتگ۔
ھیر! اولی نبشتانک ءِ ردیانی گندگ ءَ من ءَ دلءَ سکین دات کہ وتی آزمانک ءَ ھم دوبر بوان بلکیں اشی ءِ تہ ءَ ھم تؤ ردی یے کُتگ۔ نوں کہ من وانان کُت چم دراتک انت کہ یارب اے چی چیزانت؟
 من ستر نزانتکاریاں بلے چُش ھم نہ انت کہ ” ڑ “ ءَ  “ ڈ “ بہ کناں۔ من زاناں انگریز ءُ گجرے یاں کہ منی دپا” ڑ “ ءِ توار در مئیت۔
نوں وَ دل سک ٹپ ءُ ٹاپہ ات بلے انچوش وتی آزمانک ءِ وانگ ءَ دیما روان کُت اوں دست سرا بوت انت کہ باند ءَ کسے مستاگ ءِ اے تاک ءَ دیما بہ کنت ءُ بلوچی ءِ نبشتاکاری ءُ آزمانکاری ءِ سرا پٹ ءُ  پول بہ کنت ءُ چم ئ منی نبشتانک ءُ آزمانک ءِ سرا بہ کپیت گُڑا من ءَ وَ چہ ھاک ءَ ھاک تر کنت۔
وتی زَھر ایر بَرگ ءَ پد دگہ تاکانی  لیٹینگ بنا کُت اوں ۔ نوں دل کمے تاھیر گپت وتا تسلی داتوں کہ بانک ایوکا تؤ نئے کہ تئ  نبشتانک چُش بد ڈؤل انت اے دگرانی ھم آ ھال چہ ترا گہتر نہ انت۔
اے تاکبند ءِ وانگ ءَ منی سر پر نہ بیت کہ  ھمنچو من زاناں اے تاکبند ءِ چاپ کنگ ءَ اِشتاپ ھم  نہ بوتگ ، نامھدا شونکار ءُ سرسوجی مجلس ءِ باسک ھم کم زانتکارے مردم نہ انت ءُ چُش ھم نہ انت کہ اے ون مین شو ے بِبیت بزاں یکیں ندکار، یکیں شونکار، یکیں سوجکار ءُ یکیں چاپ کنوک ءُ یکیں شنگار بلے انگت چُْشیں چیزلبزانکی تاکبند ءَ بِبیت گُڑاسک اپسوزی گپ انت۔


Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line