بُلوٹیت ھروڑے دیمے گوارا کنت۔ زاھدہ رئیس راجی ءِ دستونکے شمئے چمشانک ءِ وداریگ

[Zahida Raees Raji]

سرئِے ماں سجدہ ءَ ، چنچو گلہ کنت
دل ءَ چون انت شپ ءِ پاساں دُعا کنت

شپ ءِ گرنچے کہ سہب ءِ کوپگ ءَ ات
ھما مہر انت کہ درداں بے دوا کنت

تئ آدینکی ءَ دنیا نہ کرزایت
بُلوٹیت ھروڑے دیمے گوارا کنت

اگاں دستاں بہ شارایت آزمان ءَ
نزانئے چون ، استالاں چَپا کنت

 دل ءِ بازارے ءَ دنیایے مچ ات
وتا ارزانی ءَ کئے کئے بہا کنت

 جہان ءِ باتن ءَ ھر پیم گندایت
ھما روچا کسے عشق ءِ سما کنت

 برے لڈیت جہان ءِ آس ءُ آپ ءَ
برے جند ءِ تل ءَ تہنا وتا کنت

                                                                         
ھما درداں کہ ارواھے  شگوستگ
چتو چم ءِ دل ءَ ارساں جتا کنت

 میار ءُ لجے یے آپ ءَ گوں ششتگ
وتی ایزگاری ءَ ھرچے مڑا کنت

 اگاں تہنائ ءَ یل دنت راجی
وتی تچکیں تب ءَ باریں کجا کنت

 زاھدہ رئیس راجی

دلگوش : چارمی شعر ءِ پیشرد ءِ گال چَپا ءِ بزانت ھاموشی ءِ سرءَ دُزگ انت چُش کہ پلانی ءَ کاگدے چپا کُت بلے تؤ نہ دیست۔ اے گال چہ چپو ءَ پہکا جتا انت کہ آئ ءِ بزانت ھاموشی ءِ سرا گوزگ انت۔

[Zahida Raees Raji]

in Roman Baluchi

Saree maan’ sujdaha, chincho gelaa kant
del-a choun ent, shap e paasan’ duA kant

shap e granchy keh sohb e koupaga-at
hama mehr-ent keh dardaan’ bey dawa kant

tai Aadeenki a dunya nah karzit
bulouTit har-waRen’, deyme gwara kant


agan’ dastan’ beshaarit aazmaan-a
nazaane choun, estaalan’ chapaa kant

del e baazaariya dunya-ay muchchat
wata arzaaniyaa, kae kae baha kant

Jahaane baatena har paem gendit
hama roucha kasy ishq e samaa kant

bary laDDit jahaane , aas o aapa
bary jend e tala, tahnaa wata kant

hama dardaan’ keh arwaahii shegwastag
chito chamm-e dela, arsaan’ jeta kant

myaar o lajjiye aapan’ goun’ shushtag
vatee eyzgaari a harchey maR’a kant

agan’ tahnayii a yal dant Raaji
wati techken’ taba baaren’ kuja kant
Zahida Raees Raji

[Hasrat Sadiq]

Banoken Guwaar Slamat Baaty ,,,,,,,,,,, Sahta Karzay .................. Shuma K Hummeitani Drachk Kisshtg Guda Allam Shumara Ruzzne'n Saahige Sr Beet ,,,,,,,,,,,,,,,, Mn Wa Inchuke Mazzne Shahire Nayan K Shumay Shair, O Aazmankani Sra Chamshank Bediya'n Baly Hair Ey Shumay Labzankani  Wti Laiqi Int K Mara Pa Zhor Jehdag Parmayant ,,,,,,,,,,,,,,,,,,,,,,,,, O Mara Pa Zhor Gun Shuma Nazzeek Kanan Antt ,,,,,,,,,,,,,,,,,,,,,,,,,,                >>>                                                                                                                                             Jahaane Baatena Har Paem Gendit                                                      Hama Roucha Kasy Ia Samaa Kant                                               Johda Barjah Bedaar It ..... Minnatwaaar