کئے وتی زند ءَ ، پہ مہر ءَ وام دنت۔ زاھدہ راجی ءِ دستونک پہ تچکیں چمشانک ءَ

[Zahida Raees Raji]

سلام ءُ دروت ءُ دُرھبات پہ شما

وتی نوکیں دستونکے پہ شمئے وانگ  ءَ ایر کنگ ءَ یاں۔ امیت انت وتی تچکیں چمشانک ءَ دئیت
رَھچار
زاھدہ رئیس راجی

دستونک

 شپ تہاری،  کئے گوشیت آرام دنت
روچ ءِ رُژنائ ، تبءَ ھوشام دنت

 رُژنے یے واھگ کہ پُرشتگ،  تل تل اِنت
کئے تلیں ارواہ ءَ ، زند ءِ نام دنت

جیڑگ ءِ آس ءَ سُچان ءُ بُن گران
زلم ءِ آماچیں دل ءَ ،کئےرَھم دنت

ملکموت سرساھگ انت، ساہ ءِ بدل
کئے وتی زند ءَ ، پہ مہر ءَ وام دنت

کبر ، تاھیریں دلانی جاہ نہ اِنت
پُشتا آیوکاں کسے پیگام دنت

 ما چو امروز ءِ تب ءَ زانگ نہ بئیں
زندگی روچے، جتائیں تام دنت

راجی ءِ کسّہ ءُ کاراں چوں کنئے
بے بہاریں نوبتاں ھزام دنت
زاھدہ رئیس راجی
 

[Adabi Hakim ادبی ھکیم]

گـُـهـار بـاز وَشّـیـں دسـتـونـکے مَـن کـَـمّـے بَـدَلـی مـاں دات پـہ مـنـی هَـیـالءَ هَـنـچـو بـہ بـوُتّـیـں وَشّـتـر بـوُتَـگ اَت.
سـوبـیـں بـات ئے.

شــپءِ تـہـاری ، کـئے گـوشـیـت آرام دنـت
روچ ءِ رُژنــــائی ، تـــبءَ ھـــوشـــام دنـت

 رُژنے یے واھَگ کہ پُرشتگ ، تل تـل اِنت
کـئے تــلـیـں ارواہ ءَ ، زنـــد ءِ نــام دنــت

جــیــڑگ ءِ آس ءَ سُــچـــان ءُ بُــن گــران
زلــم ءِ آمـاچــیــں دل ءَ ،کـئے جـام دنــت

مـلکـمـوُت سـرساھگ اِنـت، ساہ ءِ سَـرا
کـئے وتی زنـد ءَ ، پـہ مـہـــرءَ وام دنـت

گــورّ ، تـاھــیــریـں دلانـی جـاہ نے اِنـت
پُــشــتءَ آیــوکـاں گـَـمـے پَــیـگـام دنـت

 ما چــو امـروزءِ تـبءَ زانـگ نـہ بـئـیـں
زنـــدگـی روچے، جــتــائـیـں تـام دنــت

راجــیءِ کـسّـہ ءُ کـاراں چوں کـن ئَے
بے بـہــاریــں نــوبـتــاں ھَـــزّام دنــت
زاھدہ رئیس راجی

[Zahida Raees Raji]

Baask FB GROUP e response

• Maqbool Rind, Mohandes Karim Baluch, Raaz Sr AlBuloshi and 55 others like this.
• Zahid Kareem Raeesiبے درورAugust 14 at 10:36am · Like
• غنی ابدالستا کرزیتAugust 14 at 12:55pm · Like
• Asghar Zaheer baz joanAugust 14 at 2:47pm · Like
• Ghamkhwar Hayatبے مٹAugust 14 at 2:55pm · Like
• Daniel Shirdel Balochباز وش..August 14 at 4:20pm · Like
• Daniel Shirdel Balochﺭُﮊﻧﮯ ﯾﮯ ﻭﺍﮬﮓ ﮐﮧ ﭘُﺮﺷﺘﮓ، ﺗﻞ ﺗﻞ ﺍِﻧﺖ
  ﮐﺌﮯ ﺗﻠﯿﮟ ﺍﺭﻭﺍﮦ ﺀَ ، ﺯﻧﺪ ﺀِ ﻧﺎﻡ ﺩﻧﺖ
  ﺟﯿﮍﮒ ﺀِ ﺁﺱ ﺀَ ﺳُﭽﺎﻥ ﺀُ ﺑُﻦ ﮔﺮﺍﻥ
  ﺯﻟﻢ ﺀِ ﺁﻣﺎﭼﯿﮟ ﺩﻝ ﺀَ ،ﮐﺌﮯﺭَﮬﻢ ﺩﻧﺖ
  ﻣﻠﮑﻤﻮﺕ ﺳﺮﺳﺎﮬﮓ ﺍﻧﺖ، ﺳﺎﮦ ﺀِ ﺑﺪﻝ
  ﮐﺌﮯ ﻭﺗﯽ ﺯﻧﺪ ﺀَ ، ﭘﮧ ﻣﮩﺮ ﺀَ ﻭﺍﻡ ﺩﻧﺖAugust 14 at 4:21pm · Edited · Unlike · 2
• Daniel Shirdel Balochنام...وام...رهم....."رهم" گون اے دگران هم قافیه نه انت...August 14 at 4:23pm · Unlike · 5
• Daniel Shirdel Balochژیمب آماچین دلا کئے بام دنت......August 14 at 9:23pm · Unlike · 2
• Zahida Raeesiمنت واراں دانیال۔ چہ منی چماں” رَھم “ ءِ قافیہ مان دئیگ ءِ ردی چیئر بوتگ۔ سما دئیگ ءُ بدل کنگ ءِ شور دئیگ ءِ لک منہ واراں۔August 14 at 9:32pm · Like · 2
• Daniel Shirdel Balochمدام سلامت بات ئے...August 14 at 9:59pm · Unlike · 1
• Dashti Janملکموت سرساھگ انت، ساہ ءِ بدل
  کئے وتی زند ءَ ، پہ مہر ءَ وام دنت،                                               
  
      سک وشAugust 14 at 10:02pm · Edited · Unlike · 1
• Waheed Wadar baz vash.August 14 at 11:22pm · Unlike · 1
• Hameed Balochباز جـوانAugust 14 at 11:22pm · Unlike · 1
• Hasan Bismil baaaaaz vshAugust 15 at 12:42am · Unlike · 1
• Liaquat Baloch Niaz Abadi ZaberdastAugust 15 at 12:44am · Unlike · 1
• Zia Balochباز جْوان ۔ بندر ءَ ”رھم“ عربی لبزے ”رحم“ ۔ بلوچی ءَ ماں لہتے گالوار ءَ چوشیں لبز ءِ ”ھ“ ءِ توار گوں ”آ“ ءَ ھم بدل بیت ۔ پمیشکا من ایشی ءَ تچک سرپد باں۔
  اِے پیشرِد ادا کارمرز بیت کنت۔ سلامت بات ئے !August 16 at 12:55am · Unlike · 1
• Zia Balochشپ تہاری، کئے گوشیت آرام دنت
  روچ ءِ رُژنائ ، تبءَ ھوشام دنت
  
  ملکموت سرساھگ انت، ساہ ءِ بدل
  کئے وتی زند ءَ ، پہ مہر ءَ وام دنت
  
  راجی ءِ کسّہ ءُ کاراں چوں کنئے
  بے بہاریں نوبتاں ھزام دنتAugust 16 at 12:57am · Unlike · 1
• Hafiz Aaskaniباز جوانیں دستونکے ،،،لک ستا کرزیت  ،،،،
  بلے (رھم)ءِ قافیہءِ سرا واجہ دانیال شیردلءِ چمشانک منا چہ استاد ضیاءِ چمشانکءَ وشتر بیت،،،،
  راستیں گال ( رھم )اِنت نہ کہ (رام)اِنت ،،،رام وت یک گالے کہ بزانتے داریت ،چو کہ ( پلانیءِ دیم رام اِنت)
  اگاں ما بچاریں لہتے مردم آرامءَ ھارام گشیت ،ءُ امروزءَ ھمروز گشیت،، نوں جست ایش اِنت کہ ادبءِ تہاچو کہ شعرءُ شاعری اِنت ،شمئے ھیالءَ اشانی کارمرز کنگ ھمے رنگءَ روااِنت؟August 16 at 4:41pm · Unlike · 2

[Zahida Raees Raji]

• Hafiz Aaskani August 16 at 4:41pm · Unlike · 2
• Hafiz Aaskaniمنا ناکوئے ھست اللہ پاکے سلامت کنات آگشیت من چہ ھمے مردماں کہ (ھ)ءَ الف کننت ءُ (الفءَ) (ھ) کننت ،،گشیت کہ اتکگ اَنت مئے الحمدءَ راست بکن ،،گڈا من وانینتگ اَنت،،،من گشتگ بگش اِت (الحمدُ) گڈا آیاں گشتگ کہ ( ھل امدُ) من وس کتگ داں اے چو نہ فہم اَنت ،، گڈا من گشتگ کہ بگش اِت (ھل اَمدُ) نوں آیاں گشتگ کہ ( الحمدُ)،،،
  وشیں قصہے اَت من پمشکءَ ادا آؤرت۔۔۔۔August 16 at 4:47pm · Unlike · 3
• پزل دوستستا كرز إيت بانك..........................................August 16 at 5:36pm · Unlike · 1
• Shukrullah Saqibما چو امروزءِ تبءَ زانگ نبیں ۔ زندگی روچے جتائیں نام دنت۔         باز جوان انت اے شعر۔ ایشیا تہا شاعر حقیت ءَ مارگ ءَ انت۔ پمیشکہ ہما گپءَ پدر کنگ لوٹگءََ انت کہ آ مرحلہ ءَ ما درست گوزگء انت۔August 16 at 5:46pm · Edited · Unlike · 2
• Zia Balochواجہ آسکانی ۔ اِے وڑیں پیشرداں ”تواری پیشرد“ گْوشنت کہ نبشتہ کنگ ءَ دو لبز دگہ دگہ وڑ بہ بنت ، بلئے گوشتاری زبان ءَ یک وڑ ءَ وانئگ بہ بنت ۔
  عربی ءِ ”رحم“ ماں بلوچی ءَ لہتے گالوار ءَ ”رام“ ھم وانگ بیت پرچا کہ ماں بلوچی ءَ ”ح“ ءِ توار نیست۔ بلئے اِیشی نبشتہ وڑ ”رھم“ بیت  ءُ بلوچی ءِ جند ءِ لبز کہ دگہ مانایے داریت ”رام“ نبیسگ بیت۔ چوشیں پیشرد رد گْوشگ نہ بنت۔ سلامت بات ئے !August 17 at 12:11am · Like · 1
• Daniel Shirdel Balochمیازار موری که دانه کَش است...که جان دارد و جان شیرین خوش است..فردوسی.......فارسی کلاسیکی شاعریا اگان گالے پیشرد مه بیت آییا املایا نه ٹگلین انت؛ توار ئی ٹگلین انت...برزا "خوش" ئے گالا پیشرد ئے ٹهینگا "خَش" وان انت...تو چپّگا گوشگا ئے واجه ضیا...August 17 at 12:44am · Edited · Like
• Zahid Suleman Baz wash Zahida RaeesiAugust 17 at 1:03am · Unlike · 1
• Ghalibnaz Baloch Bazzzzzz vash bootAugust 17 at 1:40am · Unlike · 1
• Waheed Aamir Baloch Waaja Aaskaani Waaja Zia raasth gushag ah int, baazen damagaan a "Rahm" ae tawaar ah subakk kashh ant o "Raam" ay gush antAugust 17 at 11:32am · Unlike · 2
• Zia Balochواجہ دانیال چوش نہ اِنت ۔ فردوسی ءَ ادا پیشرد ءِ ردی کتئگ ۔ اِے ردی ءَ فارسی زبان ءِ تہا ”اقواء“ گْوشنت ۔ اِے ردی چہ پیشرد ءِ ”عیباں“ شمار بیت۔
  فردوسی ءِ دگہ یک شعرے ءِ تہا ھم ھمے ردی ھست اِنت :
  
  چو بشنید گشتاسپ غمگین برفت
  ره ساربانان قیصر گرفت
  
  لغت نامہ دھخدا ءِ تہا ایشی بزانت ءَ بچار اِت :
  
  http://www.loghatnaameh.org/dehkhodaworddetail...اقواء | لغت نامه دهخدا www.loghatnaameh.orgاقواء : اقواء. [ اِق ْ ] (ع مص ) غنی و بی نیاز شدن . || نیازمند و درویش گشتن . (... See MoreAugust 17 at 12:19pm · Like · Remove Preview
• Daniel Shirdel Balochﺍﻗﻮﺍ . ﻋﯿﺒﯽﺍﺳﺖ ﺍﺯ ﻋﯿﻮﺏ ﻗﺎﻓﯿﻪ ﻭ ﺁﻥ ﻣﺨﺘﻠﻒ ﮐﺮﺩﻥ ﺍﺳﺖ ﻗﺎﻓﯿﻪ ﻫﺎ ﺭﺍﺑﺎﺧﺘﻼﻑ ﺣﺮﮐﺎﺕ ﻧﻪ ﺑﺎﺧﺘﻼﻑ ﺣﺮﻭﻑ ﭼﻮﻥ ﻗﺎﻓﯿﻪ ٔ ﮔِﻞ ﺑﮑﺴﺮ ﺑﺎ ﮔﻞﺑﻀﻢ ﻭ ﻗﺎﻓﯿﻪ ٔ ﺩﻭﺭ ﺑﻔﺘﺢ ﺑﺎ ﺩﻭﺭ ﺑﻀﻢ . ﻭ ﺍﻗﻮﺍﺀ ﺩﺭ ﻟﻐﺖ ﺑﻤﻌﻨﯽﺗﻤﺎﻡ ﺷﺪﻥ ﺯﺍﺩ ﺍﺳﺖ ﻭ ﭼﻮﻥ ﺍﯾﻦ ﻋﯿﺐ ﺑﺴﺒﺐ ﺁﻥ ﻣﯿﺒﺎﺷﺪ ﮐﻪ ﺯﺍﺩﺷﺎﻋﺮ ﮐﻪ ﻗﺎﻓﯿﻪ ٔ ﺻﺤﯿﺢ ﺍﺳﺖ ﺗﻤﺎﻡ ﺷﺪﻩ ﻟﻬﺬﺍ ﺍﯾﻦ ﻋﯿﺐ ﺭﺍ ﺍﻗﻮﺍﺀﻧﺎﻡ ﮐﺮﺩﻧﺪ . (ﺁﻧﻨﺪﺭﺍﺝ ) (ﻏﯿﺎﺙ ﺍﻟﻠﻐﺎﺕ ﺍﺯ ﺭﺳﺎﻟﻪ ٔ ﻋﻄﺎﯾﯽ ) . ﻭﺭﺟﻮﻉ ﺑﻪ ﮐﺸﺎﻑ ﺍﺻﻄﻼﺣﺎﺕ ﺍﻟﻔﻨﻮﻥ ﻭ ﻣﻔﺎﺗﯿﺢ ﺷﻮﺩAugust 17 at 2:23pm · Like · 1
• Daniel Shirdel Balochاے اقوا گشگ نه بیت چیا که ادان حروف یک نه انت؛"کَش" و "خوش" حروف یک نه انت."گُل" و"گِل"////"دَور" و "دُور" اقوا گوشگ بنت...August 17 at 2:28pm · Edited · Like · 1
• Muslim Baloch waah banuk baaz washAugust 17 at 7:52pm · Like
• لیاکت امینباز جوانیں دستونکے ۔۔۔سوبمند بات ئے ۔۔ بوت کنت ھمے قافیہ ،،زہم ،،ءَ بدل کن۔۔August 17 at 9:19pm · Like · 1
• جاوید دین..رہم ......... ؛؛؛ بازوش زندگ باتےAugust 17 at 10:07pm · Like
• Zia Balochواجہ دانیال آبانی دگری ءِ رِد ءَ من ایشی ءَ رد گْوشگ ءَ نہ آں ۔ بلکیں سرینوکانی بنیاد ءَ من ایشی ءَ رد گْوشگ ءَ آں ۔
  ” ﺁﻥ ﻣﺨﺘﻠﻒ ﮐﺮﺩﻥ ﺍﺳﺖ ﻗﺎﻓﯿﻪ ﻫﺎ ﺭﺍﺑﺎﺧﺘﻼﻑ ﺣﺮﮐﺎﺕ ﻧﻪ ﺑﺎﺧﺘﻼﻑ ﺣﺮﻭﻑ“
  ایشی مول ھمیش اِنت کہ پیشرِد ءِ ردی ءِ بنیاد آبانی دگری نہ بیت، بلکیں سرینوکانی دگری ءِ بنیاد ءَ پیشرِد رد بیت۔ بزاں پہ اِے بنیاد ءَ تو ایراد نہ گرئے کہ آب دگہ دگر اَنت ، بلکیں تئی ایراد گرگ ءِ بنیاد ایش بیت کہ سرینوک دگہ دگراَنت۔
  ادا من ”ک“ ءُ ”خ“ ءِ بنیاد ءَ پیشرِد رد نہ گْوشتئگ، بلکیں سرینوکانی دگری ءِ بنیاد ءَ رد گوشتئگ کہ ”زبر“ ءُ ”پیش“ اَنت۔ منی ھیال ءَ ترا ھمے ”گِل“ ءُ ”گُل“ ءِ درور ءَ رد داتئگ۔ اِے مثال شرتر سرپد کنئگ ءِ ھاترءَ داتئگ کہ مردم بگندیت کہ آب یک اَنت انگت ءَ پیشرد رد اِنت پرچا کہ سرینوک دگہ دگراَنت ۔ سلامت بات ئے !August 18 at 12:10am · Edited · Unlike · 1
• Zia Balochگیشتر سرپدی ءِ ھاتر ءَ ایشی ءَ بچار اِت :
  ”دایره ی لغت در دیوان میر گسترده است و این بیانگر اطلاعات شاعر از اشعار شاعران پیشین است . با علم قافیه آشنایی داشته و قافیه را به خوبی استعمال کرده اما در برخی موارد عیب هایی به چشم می خورد . مثلا عیب اقواء  در این بیت:
  
  زین زمانه رمزی از هرمز مرا بس     
   چون کشیدش سرمه حسرت به نرگس“
  
  اِے درور ءِ تہا ”نرگس“ ءُ ”بس“ ءِ تہا آب دگہ دگراَنت ، یک نہ اَنت ۔ بزاں ”اختلافِ حروف“ ھست ۔ بلئے پہ اِے بنیاد ءَ پیشرد رد نہ اِنت۔ پیشرد اِے بنیاد ءَ رد اِنت کہ ”بس“ ءِ ”ب“ ءِ سرا زبرے ءُ ”نرگس“ ءِ ”گ“ ءِ چیر ءَ زیرے ۔ بزاں پیشرد ءِ ردی بنیاد آبانی دگری نہ اِنت ، سرینوکانی دگری ءِ بنیاد ءَ رد اِنت :
  
  http://afano.ir/.../%D8%A7%D8%AF%D8%A7%D9%85%D9%87-%DB.../میر نوروز afano.irهمانگونه که گفتیم میر نوروز از اعقاب شاهوردی خان فرمانروای مقتدر لرستان در دوران... See MoreAugust 18 at 12:08am · Edited · Unlike · 1 · Remove Preview
• Zahida Raeesiبراتانی تچکیں چمشانک ءِ لک منہ واراں۔ من ھم چہ شما دربرگایاں۔
   بلے دو گپ من الم ءَ ادا جنگ لوٹاں۔ پیش رد یا قافیہ ملفوظی بنت مکتوبی نہ بنت۔ بزاں نبشتہ کنگ ءَ تُری ھردابے ءَ نبشتہ بہ بنت چارگ آئ ءِ تلفظ بیتیں۔ دومی گپ ماں بلوچی زبان ءَ رھبند پرچا کہ ملفوظی نہ انت پمشکا مئے لبزانکی نبشتہ کاری ءَ ما تاں روچ مروچی اڑگائیں ھاس شئری لبزانک ءَ۔
  رَھم ءِ گال ءَ چُش کہ بازیں گالوراں رام وان انت بلے پرچا کہ رام دگہ یک معنایے ھم دنت پمشکا نبشتہ وَ ھردابا مارا رَھم کنگی انت بلے وانگ وتی گالوار ءِ ھساب ءَ کنگی انت ءُ وھدے کجام ھم گالے یے تلفظ چہ یک تلفظ ءَ گیش بنت گُڑا  ھمک تلفظ منّگ بیت ۔ ما باید بہ زانیں کہ اردو ءُ فارسی ءِ پیشرد ءِ قانون پہ مئے بلوچی ءَ سد در سد کارمرز کنگ ءَ ما وتی شعری لبزانک ءِ پہنات ءَ گونڈ کنگائیں۔ موہ رسیت من گوں مثالاں اے سرھال ءَ دیما کاراں۔
  
   برے برے منی نبشتانک ءُ پربندانی توکا ھاس ھما کہ من باسک ءَ دئیاں پہ زانت لہتے  ردی یل دئیاں ۔ ایشی ءِ سوب ایش انت کہ منی لوٹ ءِ جند ھمیش انت کہ مردمانی دلگوش اے نیمگا بئیت ءُ شرین بحث ے بُنگیچ بِبیت تاں دیمترا نودربرانی رھشونی ببیت۔
  
  واجہ دانیال ءُ واجہ ضیا ءَ گوں دزبندی انت ماں فارسی ءَ داتگیں چمشانکاں بلوچی ءَ بہ ترین ئے کہ گوں من ءَ ھوار بازیں مردم ماں فارسی ءَ بلد نہ انت۔August 18 at 11:10am · Like · 3
• Robina Aziz Askani walekum salam,August 18 at 11:30am · Unlike · 1
• Robina Aziz Askani Baaz Jawaan,Gwaar ta hayat balochaan tahi Jodh e minatwaraan,August 18 at 11:34am · Unlike · 1
• زبان دوست Be DarwarAugust 23 at 7:59am · Like
• Sada Baloch Sk baaz vshen dastonkeAugust 23 at 3:06pm · Unlike · 1
• Sada Baloch Mani hayala banuk ay duraaen dastoonk waja huda ha shume sara nazil kanage wasta jod kutagan me hayala yak raoche choshen dastonke naazil na bithAugust 23 at 3:09pm · Unlike · 1
• Alim Muradسلامت گہار باز جوان.August 25 at 5:12am · Unlike · 1
• Maqbool Rind Wah zbrtdast banuk sata krze mudaam sobmand bateAugust 30 at 9:21pm · Unlike · 1

[Zahida Raees Raji]

واجہیں برات ادبی ھکیم سلام ءُ دروت ءُ دراھبات پہ شما
شمئے چمشانک ءُ دلگوش دئیگ لک ءِ منت واراں ۔
برات اگاں دل ءَ میارئے گُڑا یک گپے جنگ لوٹاں  ءُ آ ایش انت کہ شاعری ءُ ردانک ءِ تہ ءَ مزنیں تپاوتے است۔
آ گپے کہ تچکک ءَ کنگ بیت آ شاعری گوشگ نہ بیت (اے گپہ مئے چاگرد ءِ گیشتریں شاعر نہ زان انت۔ من ایشانی مثال دئیگ نہ لوٹاں کہ مئے چاگرد ءَ ھرکسے وتا استادے زانت)
دومی گپ شاعری ءِ توکا ترز ءُ ترنم بزاں موسیقیت بئیگ زلوری انت ءُ وھدے ھبر پہ دستونک یا غزل ءِ کئیت گُڑا چہ وزن ءُ بحر ءَ ڈنی چیز دستونک ءِ بہر زانگ نہ بیت۔
ردانک ءِ توکا ھما گپے کہ گوں دراجیں پیراگراف ءَ سرجم کنگ بیت شاعری ءِ زبان ءَ آ دو یا یکیں تہرانی توکا گِشینگ بیت۔
شاعری ءِ توکا ھما گپانی گونڈ گرگ شعر ءِ زیبائ ءَ گیش کنت ردانک ءَ آ نزوری ھساب بنت پمشکا زبان ءِ محاورہ ءُ اصلاحات چہ شاعری ءَ زورگ بنت بلے زبان ءِ تچکی ءُ رَھبند چہ ردانک ءَ پدر بیت۔
اے سرجمیں گپانی ادا جنگ ءِ مول ءُ مراد ایش انت کہ من شمئے سوجانی سرا گپے جت بہ کناں ءُ ھمے سرھال ءَ نوک باھنداں ھم چیزے رَھشونی دات بہ کناں
شمئے سوج پدر کنگ ءَ انت کہ شما منی دستونک ءِ ارواہ نہ پہمیتگ ءُ ردانکی لحاظ ءَ چکاستگ۔
چُش کہ اے تہرانی تہ ءَ شمئے سوجاں من گندگایاں:

شــپءِ تـہـاری ، کـئے گـوشـیـت آرام دنـت
زلــم ءِ آمـاچــیــں دل ءَ ،کـئے جـام دنــت
مـلکـمـوُت سـرساھگ اِنـت، ساہ ءِ سَـرا
گــورّ ، تـاھــیــریـں دلانـی جـاہ نے اِنـت

من نوں یک پہ یک ءَ شمئے سوجانی سرا چمشانک دئیاں
شــپءِ تـہـاری ، کـئے گـوشـیـت آرام دنـت
شپ تہاری پدر انت کہ شپ ءِ تہاری ءَ زائر کنگ ءَ انت ۔ اگاں ما شپ تہاری ءَ گوں شپ ءِ تہاری ءَ مٹ بہ کنئیں اے تہر ءِ وزن چہ یک رکن ءَ گیش بیت انت ءُ چہ بحر ءَ اے تہر ءَ ڈن در کنت۔ 
بلے ھؤ اگاں شما سوج بہ دات انت کہ شپ تہاری ءَ گوں شپ تہاریں بہ کن ات، پدا ھم وزن نہ پْرشتگ ات کہ ”ں “ ءِ وزن نیست ءُ بحر ھراب نہ بیتگہ ۔

زلــم ءِ آمـاچــیــں دل ءَ ،کـئے جـام دنــت
برات زلم کے کسی سرا بئیگ ءَ بیت آ زالم ءِ رَھم ءِ واھگدار بیت انت نئیکہ شراب ءِ جام ءِ۔
 اے سوج معنوی لحاظ ءَ ھم رد انت ۔ دومی من وتی بُرزے چمشانکاں اے گپ گِشینتگ کہ رَھم بازیں گالواراں رام وانگ بیت پمشکا اے پیشرد اِدا روا انت۔ اگاں من ایشی ء ِ مٹ کنگ ءِ سوج ءَ زورگ بُلوٹاں گُڑا واجہ دانیال شیردل ءِ سوج گہتر انت۔
مـلکـمـوُت سـرساھگ اِنـت، ساہ ءِ سَـرا
اے یک تچکیںبیانیہ گپ انت ایشی ءِ توکا شعریت مان نیست
من وھدے گوشگایاں
مـلکـمـوُت سـرساھگ اِنـت، ساہ ءِ بدل
بزاں ساہ ءِ بدل دیم ءِ مردم انت کہ آئ ءَ گوں گپ جنگ بوھگ ءَ انت ءُ چہ ھمائ ءَ گوشگ بوئگ ءَ انت کہ کئے وتی زند ءَ پہ مہر ءَ وام دنت؟
ساہ ءِ بدل کارمرز کنگ ءِ سوب ءَ دومی تہر ءَ مہر ءِ گال تامدار بئیگ ءَ انت بلے اگاں اولی تہر ءَ ساہ ءِ سرا بہ کنئیں وتی بزانت ءَ اے سرجمیں شعر گار کنت۔
گــورّ ، تـاھــیــریـں دلانـی جـاہ نے اِنـت
گور ءُ کبر ھر دوئیں یکیں چیز انت بلے شاعری ءَ مدام اے چارگ بیت کہ کجام گال کجام جاہ ءَ کارمرز کنگ بِبیت کہ آ تہر ءِ زیبائ ءَ گیش بہ کنت۔
پدا کبر ءِ وزن چہ گورّ ءِ وزن ءَ جتا انت ۔  پمشکا کبر وتی جاہ ءَ شر انت ءُ بلوچانی گیشتریں دمگ ءِ مہلوک چہ ایشی ءَ سرپد انت۔
امیت انت شما منی چمشانک ءَ دل ءَ نیارئے۔
دیمترا ھم شمئے رَھشونی ءِ مدام رَھچار
کستر
زاھدہ رئیس راجی