ھما دمانءَ مارئے تو منءَ
شاعر: ادریس
لچّہ
ترک ترک ءَ ھشک بان
دم دم ءَ رچاں
تاک تاک ءَ گوات ءَ گوں روان ءُ گار باں
تو وھدے مار ئے ساھگ ءَ
کہ روچ نیزہءَ چمیت
ھما دمان ءَ یات بئے من ءَ
کہ چم باپ بوتگ ءُ شت انت
ھما دمان ءَ مار ئے تو من ءَ
ائود ءُ پُر منی
گنگیں گوانزگ ءِ تھا
گَنگ ءِ کور ءَ رمبگ انت
ءُ چوری یے کہ نشتگ مردگاں سلام دنت
گوں دامن ءَ وتی
گوات کنت
سینگءَ منی
توار جنت
ھما دمانءَ مارئے تو من ءَ
کہ کانگے مازگاں منی گوج ایت
ءُ پگرءَ شنگ کنت سمین ءِ موسمے
بزان
بزان اے گپءَ
اے راہءَ سر کپ ایت تئی
زلور گوں پادءَ تئی اڑان
ارس بئے
گمیگ بئے
کہ زندءَ پرچی ءَ منءَ
گوں مھرے تو نہ کرت سلام
ادریسَ
