Author Topic: غازی ملانٹی ءِ پربند ندر انت پہ باسک ءِ وانوکاں  (Read 1459 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7103
  • Karma: 356
    • Baask-Home of Baluchi Language, Literature & Culture
سنگ ما چتگ شیپاں کوهاں سنگرے بستگ
گرکی ئے کتگ بڑءَ لانکءَ خنجرے بستگ

تو پہ طاقتءُ زورا ما وتی وسءُ واکءَ
ما پہ گوں ترا جنگءَ راہءُ راهسرے بستگ

تو گساناں سوچانے چورہ ءُ یتیمانی
ما پہ بزگیں زهگاں پیشی کاپرے بستگ

تاسکیں منی بچاں گیپت جنت زندانءَ
چو گشے بدیں بدواہ مرچاں رسترے بستگ

گم نہ انت مناں جندءِ ڈیہہ منی لگتمالیں
تو منی بہارگاهاں وکشی ئیں هرے بستگ

غازیءَ مہ چارات چو جونءَ لاگریں مردئے
ماگوں زهرگءَمردی زوریں لشکرے بستگ

((((((غازی ملانٹی))))))
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7103
  • Karma: 356
    • Baask-Home of Baluchi Language, Literature & Culture

(((موت)))
***لچہ***
برجمیں موت سرا استیں منی
پرچہ مہ مراں پہ گلزمینء' من؛؛
چو مہ بیت موت شدء- ناما بہ بیت!
یاکہ کورچاتےء' بہ کپاں بہ مراں!
یا کہ دزے مناں بہ پلیت بہ کشیت!
یا مناں آپے بہ بارت توپانیں!
یا کہ لیٹ بہ گراں سرا کوهانی!
یا مناں موتے بہ گیپت اناگائی!
یا مناں تیرے بہ لگیت کوریں!
یا مناں موٹلے تیزیں بہ گڑیت!
یا منا تن ئے بہ جنت تاهاپے!
برجمیں موت سرا استیں منی
موت هچ ڈولء' نہ بکشیت مناں
من کہ هچ ڈولء' نہ رکهاں موتء'
پہ چیء' من گڈا ترساں موتء'
پرچہ مہ مراں پہ زمینء' هاکء'!
پرچہ مہ دیاں وتی ساہء' وتنء'
دانکہ اے راج گلامیں غازی
چے منی مول مراد زندگی ء_
برجمیں موت سرا استیں منی
لوٹاں قربان بباں پہ ڈیہہء'
(((غازی ملانٹی)))
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line