وش نیتکاں چیا دنیا منی آوار جتگ
ما کلم زُرتگ بزاں زندگیءِ جار جتگ
جُہد کُتگ بانُک کریمءَ ئے کَشءَ اُشتاں من
لبز بدنامیءِ تُرسءَ مُدام دیوار جتگ
چِست کُتگ حقّءِ توار ہرکس ءَ اَنچو گُشتگ
مالمَتیں لوگ تئی، تو چیا کُکّار جتگ
من کہ بِندات کُتگ نوکی کلم ءِ زیرگ
دُژمنءَ وانگءِ مئے بند کَنَگءِ جار جتگ
گوشتگ بس گام جناں،واباں معنا ئے دیاں
ما گُشے دل کُتگ ءُ زالمیں سرکار جتگ
تُرس وتی سوتکگ ءُ دیم ءَ رپتگاں هانی
من وتی اَندرے نی مُرتگیں چمدار جتگ
هــانــــــی بــــــلوچ (بـندیـــــگ)
