دستونک:
) ماہکانیں یے شپءِ شیشگیں جلواہ ترمپ یے۔
ماہءِ دستءَ اِنت بگندئے دلءِ دریاِ ترمپ یے۔(
) اھدءِ ارواحءِ سرا چیے دگہ ھاجت دارئے۔
لیب ءُگوازیءِ نہ اِنت جاگا یے دنیا ترمپ یے۔(
) واھگانی یے کشار چون بیت سیرآب یے پیم۔
لوٹءِ جمبر کہ نہ گواریت دلءِ شھرءَ ترمپ یے۔(
) زردءِ گلباگءِ نمارئے منی مھراں انگت۔
رتکگیں ارسءِ تئی دوستراِنت ساہءَ ترمپ یے۔(
) وھدءِ ڈکالءَ چشیں بستاریے نداریت مانا۔
وھدیے برانزگپتگیں دشتءَ کپیت تھنا ترمپ یے۔(
) گیشتریں چہ تو چیے امیت بدارں ثاقب۔
کے من شر زاناں تئی مرچاں ارادہ ترمپ یے۔(
شکراللہ ثاقب
