Author Topic: چکانی وانینگ  (Read 8297 times)

0 Members and 1 Guest are viewing this topic.

Offline hannan66

  • Baluchi Nadkaar بلوچی ندکار
  • ***
  • Posts: 7
  • Karma: 1
چکانی وانینگ
« on: April 20, 2015, 02:18:05 PM »

                                                                 


                                                             چُکانی وانینگ


چُکّ یک انچشیں موجودے کہ آ وھدی کہ چماں ماں نوکیں دنیا ءِ تہ ءَ پَچ کنت پہ آئی ءَ اے دنیا یک نوکیں ءُ درآمدیں جاگھے، گڑا آ چُش مار اِیت کہ من اد ءَ تھنکا آں،پمیشکا لّگ اِیت پہ گریوگ ءَ.


ژان پیاژہ یک مزنیں روان زانتے کہ آئی ءِ گیشتریں  پٹ ءُ پول زھگان ءِ بارہ ءَ بیتگ ءُ اے بارہ ءَ باز جھدئِے کُتگ. پیاژہ سوییس ءِ مردم بیتگ ءُ آئی ءِ بنداتی پٹّ ءُ پول، انسانانی ءِ چاگرد ءِ  بارہ ءَ بوتگ، بلے چیزے وھد ءَ رند وتی پٹ ءُ پولی پہ گونڈیںزھگانی بارہ ءَ بنگیج کتگ.


پیاژہ گوش ایت ھر زھگے گوں دگہ زھگے ءَ بلکیں لھتے چیزانی تہ ءَ دگری دار ایت.لھتے زیت سرپد بیت لھتے دیر سرپد بیت، مُلک ءِ جاوران ءِ سبب، لوگ ءِ جاوران ءِ سبب، تنگدستی ءُ نگیگی سبب، زهگانی زانگ ءُ سرپد بیگ ءِ سر ءَ اَسَر دارّ اَنت. بلکیں یک زھگے زانت ءُ سسّا سکّ باز بہ بیت بلے آئی ءِ لوگ ءِ تہ ءَ آرامش مہ بیت، آئی ءِ لوگ ءِ تہ ءَ پہ ھرچ ءُ زرّ ءَ نگیگی پیش بیئت پد ءَ آئی ھیال ءُ ھوش درس ءِ بدل ء،َ دیم پہ لوگ ءِ اڑ ءُ جنجالاں بہ کپ ایت کہ ایشی ءِ سبب ءَ وتی درس ءُ وانگ ءَ پَشت بہ کپ ایت. اے باره ءَ آئی  ءِ وانگجاہ ءِ مستر ءُ وانینوک بائد اِنت بہ رو اَنت ایشی ءِ سبب ءَ چہ نودربر ءَ  پت ءُ مات ءَ جست بہ گر اَنت. گوں نودربرءَ گپ ءُ تران به کن اَنت ءُ اے مشکل ءِ توجیل کنگ ءَ جهد به کن اَنت که چُکّ ءِ وانگ ءَ هراب مه کنت.


بلے بژنی گپ ایش اِنت مئے دمگاں وانینوک ءُ مستراں چشیں چیزانی بارہ ءَ پگر نیست اِنت ءُ ھمینچوک کہ یک نودربرے کموکے چہ وتی درس ءَ پشت کپ ایت بگر چوجناور ءِ پیم ءَ گونڈیں زھگ ءَ بجن ءُ بشاپ. گونڈیں چُک چو یک نوک رستگیں نھالے  پیم ءَ اِنت کہ آئی بائد اِنت پہ وشی ءُ بچکند ءَ سوج دیگ بہ بیت داں رودوم زیران به کنت.


جان لاک  گوش ایت کہ زھگ ءِ زھن چش یک اِسپیتیں کاگدے کہ ھر تجربہ یے کہ آئی زیر ایت ءُ گِر ایت ءُ آئی داب ءُ رپتار ھم چہ جاوراں اَسر زیر ایت. ھمے پیم ءَ مات ءُ پت اے وھد ءَ بائد وتی زھگ ءَ راستیں چیز پیش بہ دار اَنت ءُ چہ دروگ ءَ پھریز بہ کن اَنت. لھتے ھر پیمیں ھبر گوش اَیت ءُ گڑا چش مار اَنت کہ اے زھگے ھچ نزانت. اگاں زھگے ھچ نہ زانت گڑا چونکا ھبر یات گرایت؟ زھگ وتی درستیں رپتار ءُ پیلاں چہ ھما گونڈی ءِ وھد ءَ یات گر ایت. گڑا گهتر ایش اِنت مات ءُ پت نیکیں چیز آئی ءَ یات به دے اَنت ءُ چه بدیں چیزاں آئی ءَ دیر به دار اَنت، نیک ءُ بد ءَ آئی ءَ به گوش اَنت ءُ هر دوئیں چیزانی شرّ ءُ هراب ءَ  پَدّر به کن اَنت.مات ءُ پت بائد اے سرپدی ءَ بہ رس اَنت کہ زھگ ءِ اُگدہ ماں وانگجاہ ءَ چی اِنت؟ وانینوک ءِ اُگدہ چی اِنت ءُ مدام چُکّ ءِ دیمروی ءَ ایرت ءُ چار بہ کن اَنت. نبائد مات ءُپت چہ وتی زھگ ءَ بے ھیال بہ بہ اَنت پمیشکا آئی سنگت ءُ دوست بائد زانگ بہ بہ اَنت کہ کے اَنت.


روان زانت ( روانشناس ) گوش اَنت کہ گیشتریں اَسر ماں چُکّ ءِ داب ءُ پیل ءَ آئی ءِ وانگجاہ ءِ دوست ءُ سنگت ءُ آئی ءِ وانینوک ئیگ اَنت.



نبیسوک: رھماندوست

تحقیقات آموزشی Ma ءِ رھدربر، بلوچستان ءِ مزن شھدربرجاہ ( دُزآپ )