کئے کجام اوست ءَ بہ نند اِیت وھد ءُ باریگے بہ کنت
سرڈگار ءِ موکگ اِنت ہر کس گوْر ءُ جیگے بہ کنت
مں ہما دیوانگیں شوانگ ملوریں ساز جنت
بُزگلاں پیسر بہ کنت ءُ بَڈّ ءَ کلّیگے بہ کنت
بارت کجا در بند ءِ نالوکیں کپودر سرپد اِنت
شے مرید ءُ ھانل ءَ جماز مہریگے بہ کنت
آجوئی جُنز ءِ بزاں برورد ءُ مُز حاکاں جت اَنت
تئی پیاپیں لیکہاں لیگار چانیگے بہ کنت
بیر ہما وھد ءَ بگندئے رولہی مستاگ بیت
ماسگے رہدربر ءُ توشگ پُرانیگے بہ کنت
ماہیکان بگ ءِ کپوتیں لُڈگاں دیدار کنت
کاروان ءِ سرکماش الہان زہیریگے بہ کنت
کیگدیں ارواہاں باند ءَ تُن ءِ تاہاپے نہ جنت
مرچیگیں ورناہ وتئی کرداراں کانیگے بہ کنت
پہ نسیم ءَ آزمان شپدرنگ ءُ ساوڑ بُندرے
بس ہُدا بالی من ءَ مُرگے یا ماہیگے بہ کنت
.........................
نسیم ناصر
