گیچین چہ پروپیسَر، واجَہ م . ی درّا بلوچ ءِ کتاب – جَدیں گوَربام

[Adabi Hakim ادبی ھکیم]

او هَـکـیـم
-----------
راســتــی ءِ روچ ءِ دیــم بــیــت دارَگ تــاں کـَـدیـں
لـُـنـجُـم ءَ پـروش ایـت ءُ دم ایـت گـوَربـامے جَـدیـں
راسـتـی ءَ هَـــکّ ءِ گــار کــنــوک گـار ءُ بـے پَـدیـں
شِـرّیـں شَـیــتـانءِ سَـنـگـَـتءُ هَـمـکـاسَـگ بَـدیـں
گــار بَـــنـــت روچـے الـّـم ءَ کــور کِــشــکــاں رَدیـں
گــوں رَدیــں پَــلــپــاٹ ءُ گـَـهــیــڈ گـواپـاں وَتـگـَڑیـں
پــیــشَــگــی مِــیّــا اَنــت بُــن ءُ بــیــہ ءَ گـُـژنَـگـیـں
رَسـتَـریـں گـورپَـٹ ءُ کـَـپُـن کـَـشّ اَنـت بـرَهـنَـگـیـں
شَپـچَـرءُ شـاشک اَنـت هـون هَـلاهـوشءُ تُـنّـگـیـں
راجـے ءِ هَــکّ اِش پَــهــک جُــواب داتَـگ تـیـبَـگـیـں
بـاتـن ءَ هــوُکّ اَنـت ءُ سَـر ءَ آسـک اَنـت بـهــڑگـیـں
سَــر سـپَــهــدار ءُ پــردَگ ءَ رِیـش اَنـت کـوَهـڈگـیـں
تــازی ءِ چَــمــدار اَنـت دوئــیــں گـُـژنَــگ چَـمــدریـں
راســتــی ءِ بــرّ اَنـت کـُــرتَــگ اِش دُنــیــا دِلـکـُـدیـں
رِتــکــگ اَنـت مــهــر ءُ دوسـتـی ءِ هَـنـکـیـن ءَ دَریـں
پــہ وَت اِش اِشــتَـــگ دپـــتَــــر ءَ نـــامـے بـے دَریـں
نَـمـیـرانـیـں پـرُپـیـسَـر دکـتـر م . ی . دُرّا بـلـوچ

[Zahida Raees Raji]

برات اے شمئے پربندے اگاں ناں داکتر م۔ ی ۔ دُرا بلوچ ئے؟

[Adabi Hakim ادبی ھکیم]

گـُـهـار اے یَـک مَـزنـیـں شَـئـرے کـہ نـمـیـرانــیـں واجَـہ پـروپـیـسَـر م . ی. درّا درّازهـیءَ نـبـشـتَـگ ، اے شَـئـر یَـک کـتـابـے آئـیءِ نـام جَـدیـں گـوَربـام اِنـت ، اے شـئـر یَـک کـُـلَـهـے واجَـہءَ پـہ مـنـی نـام پـربَـسـتَگ ءُ آئـیءَ مـنءَ سـپـارِشـت کـُـرتَـگ کـہ مـن آئـیءِ اے کـُـلَـہءَ بـلـوچ راجءَ سَـر بـہ کـَـن آں .

[/b]

[Adabi Hakim ادبی ھکیم]

او هَــکــیــم
او هَــکــیــم هَــر کَــس زانِــش ءِ راه ءَ ســاز بــیــت
چــو زرءَ جَــهــلءُ بـے کــش ءُ کــرّءَ گــواز بـــیــت
هَــســتـی ءِ واهُــنــد ءَ ســرءَ پــهـــرءُ نــــاز بـــیــت
ســنــتــاں ســنــچ ءُ ســنـچـہءَ ســارئے بــاز بـــیــت
بے دریــں زانِــش بـے بَــریـں درَچـکے بے پَـــدیـں
دروشُــــم ءَ جــورے ءُ دَپ ءَ مـــارجـــیـــنے بَـــدیـں
آ چـہ زانـــتے کــہ نــیـــســـت ئے پَــہ راج ءَ نَـــپے
آ چہ زنـدے کہ روچ ئے نـیـسـت لُـنجیں سـیَہ شـپے
سـرکـپـے گــر هَـست مان ئے بـیـت دیـمءَ ایــرکــپے
ایـرکَـپـے گـر هَـسـت مان ئے بـیـت رَنــدءَ ســرکـپے
نیست چُشیں راه کہ مان ئے نیست بار بوج ءُ درَپے
ســیــرگءَ ســوارانـت ءُ رچ ایـت راسـتـاپـیـں کــپے
نَمیرانیں پروپیسَر، واجَہ  م . ی درّا بلوچ – جَدیں گوَربام

[/b]

[Zahida Raees Raji]

برات اگاں اے کتاب شمئے گورا است شما پہ باسک ءَ اسکین بہ کنئے دیم بہ دئے ۔ منہ وار بئیاں۔

[Adabi Hakim ادبی ھکیم]

شیــردلـیـں مَــردانـی نـبـوُد اسـپــانک بیتگ انت
سال جَـتـیں نسلانی سـمَـر بے گوانک بیتَگ انت
مَــردی ءِ پـاســاڑه شُـتــیــں آزمــانک بیتَگ انت
بے تـَـبــیــں بَـچـانی مَـــتــاه گــالانـک بیتگ انت
برات ءُ برات راجی هُلکهاں دَپـچـانک بیتگ انت
زَنچکی گـُهـپـرِنچاں گپ اش نیگوانک بیتگ انت
زیـاتی ءِ چـار راه ءِ ســرءَ مــیــلانـک بیتگ انت
مَـرگ ءِ بـازار ءَ وَتـســر ءُ وَیـلانک بـیـتـگ انت
پہ وتـی کـاراں پـہ گـوَشـگ تـیــلانـک بوُتگ انت
مُـشـتـُک ءِ چــیـر ءَ بـزگـی ءِ وانـک بـیـتَـگ انت
کوه ءِ ایربوج ءُ شـوُرمَـہ ءِ دَپـشـانـک بیتگ انت
شـیـر بـلاهـاتـیـں زرانکـو ءِ سَـرزانک بیتگ انت
سـاوَڑیں ســسّــاه تـاسے ءِ جُـهـلانـک بیتگ انت
پـہ دلاں شکّءِ سـوُچک سریں دنتانک بیتگ انت
نـمـیـرانـیـں پـروپـیـسـر- واجـہ/ م.ی. دُرّا بـلـوچ

[/b]

[Adabi Hakim ادبی ھکیم]

او هـکـیـم! شـاهـی دپـتـراں چـارانءَ بُـرو
زنـدءِ سـرتَـلاّں گـوهَـراں گـوارانءَ بُـرو
بَـد مـلـنـدروهـیـں تـیـتـراں مـارانءَ بُـرو
چـو پُـلَـنـگ پـروشءُ کـنـگـریـں بـارانءَ بُـرو
یـکّ تَـبءُ هَـمـپـاد گـوں تـرَسـیـں دَورانءَ بُـرو
گـوں بـلوچ راجءِ راسـتـیءِ کـاروانءَ بُـرو
گـوں بـلـوچـیءِ بـسـتَـگـیـں چـیـوانءَ بُـرو
سُـهـلءُ دوسـتـی ءُ بـراتـیءِ دیـوانءَ بُـرو
چـو مَہ بـیـت نـیـگـراهَـگ تـرا بے واهَـگ بـہ کـنـت
راسـتـیءِ شـهـراهءَ تـرا نـیـمـراهَـگ بـہ کـنـت
تـئـی بـلـوچـیءِ زانـشءَ بے بـراهَـگ بـہ کـنـت
پُـرّ نـپـیـں زرد اِت پـاگـسءُ کـونـاهَـگ بـہ کـنـت
نـمـیـرانـیـں پـروپـیـسـر- واجـہ/ م.ی. دُرّا بـلـوچ

[/b]

[Adabi Hakim ادبی ھکیم]

او هکـیـم
گـوں نـدءِ زرابءَ درگـتءَ چـمّے پـیـش بـہ دار
نـا اُمـیـتـیءِ آپـسـرءَ هـچ رَنـگءَ مـہ دار
هـمـتءِ دیـمءَ جـهـل بَـنـت مـاتـبَـنـدیـں هَـسـار
نـودشـلـیـں هـونـاں کـنـٹ بَـنـت زرمُـشـتـیـں سـگـار
پـنـچ بـیـت یَکـمُـشـت بـهـارَتءِ گـانـدیءَ بـہ چـار
سُـهـلءِ بـاهَـنـدءَ لـنـدنءِ انگـریـزءَ بـہ چـار
کُـنـتـاں بـاج بَـر بـوتـگ اَنـت راجـانـی کـتـار
سَـنّـتـی زانـتـاں جـدرَه اَنـت پـوشـانـی هَـنـار
نـمـیـرانـیـں پـروپـیـسـر- واجـہ/ م.ی. دُرّا بـلـوچ

[/b]

[Adabi Hakim ادبی ھکیم]

او هَـکـیـم
آ کــہ چــہ هــک ءُ راســـتــــیءِ راهءَ دوُر بـیـت
ســنــگــتــی دوُتّ ءُ وَرمِـــرآپــی هَـنـگـوُر بـیـت
دژمـــن ءِ دیـــم ءَ بـے وَت ءُ نــالَــنــگـوُر بـیـت
چـــاه ءُ چـــرس ءَ کـــوریـــانـــی مُــــزّوُر بـیـت
نـاں کـہ دُزّآپ نـاں کـہ بَـم ءُ نـاں بُـمـپــوُر بـیـت
ناں کہ تـگـران ءُ تُـربَـت ءُ ناں پـنـجـگـوُر بـیـت
چـرسّ ءُ تـریـاک ءُ وَرمـرءَ سـکّ گـمزوُر بـیـت
مـنـگــل ءُ ســنــج ءُ اشـکـــرانــی بــاپـوُر بـیـت
چـہ گـهـیـں زنـدءَ بـیـت گـسـَـر راهـی دوُر بـیـت
چـہ بـدیـں هـیـلءُ هـالـَتـاں سَـکّ مـجـبـوُر بـیـت
سـارۓ کـلّ ایـت ءُ سـیـنَـگـی چـو تــنـدوُر بـیـت
نـام کــشّ ایـت گـوں شــرّیـان ءُ مـهـشـوُر بـیـت
نـمـیـرانـیـں پـروپـیـسـر- واجـہ/ م.ی. دُرّا بـلـوچ

[/b]

[Adabi Hakim ادبی ھکیم]

پـرُپـیـسـر دکـتـر م.ی.دُرّا بـلـوچ

[Adabi Hakim ادبی ھکیم]

بـلوچ ایـں مـا
*********
بـلـوچ ایـں مـا بـلـوچ ایـں مـا بـلـوچ ایـں
وتـی گـلـبـاگـیـں ڈیـــہ ءِ مـاه ءُ روچ ایـں
نَہ بـیــں بـنـدیـگ مـا پـارسی سـلگــتـانی
نـہ مَـنّ ایـں مـا نــوں هـگـم ءَ دلــوَتـانـی
نَــہ بـیــں اُمـــرءَ کــلاگــی بـے مَـــتــانـی
تــمــرد ءِ بـــیــل ءُ یــارءُ سَــنــگـــتــانـی
بـلـوچ ایـں مـا بـلـوچ ایـں ما بـلــوچ ایـں
وتـی  گــلبـاگـیـں ڈیـہ ءِ مــاه ءُ روچ ایـں
نہ تُرس ایں پہ سچگ ما وت کہ آس ایں
مَـہ دَے سـیـاهـی ءِ بـیـم ءَ کہ پَـلاس ایں
چـو کـاه ءَ ئے پَـہ تو ما کارچءُ داس ایں
مـا مـیـریـں چـاکــرءِ پُــرّیــں وَتــاس ایں
بـلـوچ ایـں مـا بـلـوچ ایـں ما بـلــوچ ایـں
وتـی  گــلبـاگـیـں ڈیـہ ءِ مــاه ءُ روچ ایـں
تَـرا چـوپ ایـں چـو بَـشّءِ تـرونگـَـلءَ ما
تَـرا سـوچـیـں چـو هُـشـکـیـں جنگـلءَ ما
تـوئَے بے شـوم مُــدام چـو شـونگـلءَ ما
بـلـوچ ایـں مـا بـلـوچ ایـں ما بـلــوچ ایـں
وتـی  گــلبـاگـیـں ڈیـہ ءِ مــاه ءُ روچ ایـں
تـرا نَـــیـــل ایـں اد ءَ پَـہ بَــــد تَــهــاشــی
تـرا مـا مـان ریــچ ایـں ســـرُپ کــلاشــی
نَــراز نـوں تـئـی بـلـوچ ڈیـہءَ نـہ راشــی
بـلــوچءِ راج تَـــرا جَـــنـــت ءُ لَـــپـــاشـی
بـلـوچ ایـں مـا بـلـوچ ایـں ما بـلــوچ ایـں
وتـی  گــلبـاگـیـں ڈیـہ ءِ مــاه ءُ روچ ایـں
مَــجــاهِـــــــــد نــوں تــرا مــان داراَنـــت
تـئـی بَـد دروشُـمـیـں شگـل ءَ نَہ چاراَنـت
تــو هَـــپــتـــارءُ مـئـے وَرنــا مَــزاراَنــت
سراں سَر گوَستگ اَنت پَهک سَرمچاراَنت
بـلـوچ ایـں مـا بـلـوچ ایـں مـا بــلـوچ ایـں
وتـی  گــلــبـاگـیـں ڈیـہ ءِ مـاه ءُ روچ ایـں
پَـہ ڈیـہ ءِ آجـــوئــی ءَ مــا گــــنـــوک ایـں
وَتــی هَـیـشـی سَـراں کـُـربـان کـنـوک ایـں
ماں پـاکـیـں سَـرزمـیـنءَ تئی هَـپـوک ایـں
مَـئے تـیرانی درَد ءُ تـئی لاپءِ تـوک ایـں
بـلـوچ ایـں مـا بــلــوچ ایـں ما بـلـوچ ایـں
وتـی  گــلـبـاگـیـں ڈیـہ ءِ مــاه ءُ روچ ایـں
وتــی ڈیـــه ءَ پَــہ زور زوراک نَــیــل ایـں
وتـی ڈیــہ ءَ پَـہ زور نَـیـل ایـں درانــڈیـــہ
بــہ زاں تــو مـاں دلءَ او رسـتــریـں دیہ
بـلـوچ ایـں مـا بـلـوچ ایـں ما بـلــوچ ایـں
وتـی  گــلبـاگـیـں ڈیـہ ءِ مــاه ءُ روچ ایـں
بـَـلــوچ ایـں مـا بـلـوچـی مئے بُـن ءُ بیـہ
پَــدا پـہ ما دمـان اِنـت هَـکّءِ بــامـگــیــہ
بـلـوچ ایـں مـا بـلـوچ ایـں ما بـلــوچ ایـں
وتـی  گــلبـاگـیـں ڈیـہ ءِ مــاه ءُ روچ ایـں
مـن اوں شـائـر کِـہ آشـوب ءَ جَـمـین اوں
نَـد ءَ ماں کـاگـــد ءِ پُـشـت ءَ شَـلـیـن اوں
پَـــــدا گــــوں لَـچّـہ ءَ گـالاں چَـمـیـن اوں
بَــدانـــی زنـــــدگـی ءَ شَـــنـگــلــیــن اوں
بـلـوچ ایـں مـا بـلـوچ ایـں ما بـلــوچ ایـں
وتـی  گــلبـاگـیـں ڈیـہ ءِ مـاه ءُ روچ ایـں
نَـمـیـرانـیـں پـرُپـیـسـر- م.ی.درّا بـلـوچ

[/b]

[Adabi Hakim ادبی ھکیم]

او هَـکـیـم
سَـــد بــلـــوچ الـگـــاراں هَـــزار مَــــــرد ءِ مَـــــــٹ اِت اَنـت
جَــنــگ اِش گــوں تُــرکــاں کُــردُم ءُ گـُـــرز ءُ لَــٹ اِت اَنـت
شِـیـــر بـــرَهـــاں زَر مُـشـتـیـں سَـگـار دیـمـپـاں تِـکّـہ اَت
بَــــلّ ءُ چـــــوپــــالاں گـــوں تَــــپَــــر زیـــنـــاں کِــسّـــہ اَت
هُـــلـــکَـــهـــاں هَـــکّـــل ءُ پــــڑاں بــــوراں جَــــــلــــوَه اَت
دریـــکّـــگ ءُ تـــاچـــاں گـُــلـــزُمـــیـــن ژَنــــــــــد ءُ آدرَه اَت
پـــارســـیـــاں" جـــانَــم جـــانَــم" ءُ چـاپ ءُ " بَـہ بَـہ " اَت
گـــریـــہ اِت اَنـــت آمـــاچ ءُ بـــرَهـــاں اَلـــمـــاســی رَه اَت
کُـــنـــگـــراں جَـــنـــگـــانـــی مُـــجـــاں دیـــمــدارے نَـہ اَت
تـــاچَـــگ ءُ جَـــنـــگـــی سـیـــاسَـتــاں هَــر کـس آگـہ اَت
جَـــنـــگ ءِ مَـــیـــدان ءَ ایـــوَک ءَ شـــیــــراں جــــاگــــہ اَت
گــیـــرَت ءُ نَـــنـــگ ءِ پــــاهـــریـں پَــــردَگ پـــوش اِت اَنـت
مَـنـــگَــهــیــں کــاراِش پَـہ مَــت ءُ زانـت ءُ هـوش اِت اَنـت
گــوں بَـــدیـں شــاهـــاں مُـجّـدی جَـنـگ ءُ کـوش اِت اَنـت
زور سَـــر ءُ زوراکـــاں مُـــدام پـــیـــلّـــی جـــــوش اِت اَنـت
جَـــلّــک ءِ چَــهـــرے ءَ سَـمَـــر مــارجـیــن بـــیــتَـــگ اَنـت
سـول سَـداں سَـبـزتـاکیـں بُـش ءُ بـے گـیـنّ بـیـتَـگ اَنـت
هـــوش درُهـــا سَـے پــانـچ ءُ تُــگـی ءُ پـیـنّ بـیـتَـگ اَنـت
کــیــلّـگ ءُ مــیـــتـــاپ سُـتـکَـگ ءُ چـو تـیـنّ بـیــتَـگ اَنـت
نَـمـیـرانـیـں پـروپـیـسَـرواجَـہ . م . ی . دُرّا بـلـوچ
کتاب : جَــدیـں گـوَربـام 

[/b]

[Adabi Hakim ادبی ھکیم]

اوهَـکـیـم
٭٭٭٭٭٭
او هَـکـیـم ! دُرّ زانـت ءُ جَــدانــکــپـــولـیـں سَــرمَـچـار
هـگـمَـتـی گـالاں گـوں مَـت ءَ سَـــسّـــاهـی بـہ چـار
راســتـــی ءِ راز ءَ رسـتَـــگـیـں رَهــبَـــنـــــد ءَ بـہ مـار
گـوهَــــری لاکــوٹـے بَــلـــوچـــــــی ءَ دَئــے شـــهــار
دروشُــم ءَ یَــکّ اَنـت پــیــلَـک ءُ مُــــروارد مِــیــمـشءَ
پــیــلــک ءِ دُنــــیـــــا ءَ گِــہ اِنـــت گــــوهَــــــر اَرزشءَ
پـــیـــلــک ءُ مُـــروارد نــهــادی ءَ هَـم نــهــر نَـہ بَـنـت
گـُرک ءُ مـیـش سُـهـلی سَـنَـتّـاں هـمـگِـهـر نَـہ بَـنـت
مَـــردُم ءُ سـیَــہ مـــار تـاں اَبَــد هَــم مِــهــر نَـہ بَـنـت
هـــوری ءَ آزمــانــی رَمــاں هَـــمــــسِـــهــر نَـہ بَـنـت
نَـمـیـرانـیـں پـروپـیـسَـر واجَـہ . م . ی . دُرّا بـلـوچ
کـتـاب : جَــدیـں گـوَربــام

[/b]

[Adabi Hakim ادبی ھکیم]

او هَـکـیـم
----------
نـی هَــمـــا وَهـــداِنــت کِــہ گـُــلامــی ءَ تَـــم جَــتَـگ
ریــتـکَـگــیـں هـونـاں گـلـزمـیـن پـاکـیـں نَــم جَـتَـگ
پَـہ بــلــوچ ڈیــہ ءِ هَــســتــیـــاں دُزّاں چَـــم جَــتَـگ
هَـرچے کـہ بـوتَـگ تـیـبَـگ اِش پَـہ وَت جَــم جَـتَـگ
سُـــدّ ءِ آزمـان ءَ زانــش ءِ شــیــنــکـاں بُــن جَـتَـگ
هـــوش ءِ سَـکّـانـہ تـــرانَـگ ءِ تـــرهــتـــالاں تَـتَـگ
پــلــک ءِ ســرگــام ءَ گــوں نَـــد ءَ زربــال ءَ جَـتَـگ
تـــهـــتَــگ ءِ اوکـــیــن ءَ گـَــمَــــر ربّــــال ءَ جَـتَـگ
نَـمـیـرانـیـں پـروپـیـسَـر واجَـہ . م . ی . درّا بـلـوچ
کـتـاب : جَــدیں گــوَربـام

[/b]