Author Topic: یھزارد بلوچ ءِ شئر ءُ پربند ندر انت پہ باسک ءِ وانوکاں (Read 14776 times)

Zahida Raees Raji · « **on:** March 30, 2015, 03:10:10 PM »

اِمبری

یک دِگے چـھرے وارتگے دور ءَ اِمبـری
تـْراپ کنت سسّا ءُ شل اِیت انچو کوکری
کئے منـی پاکمَرّیں زُبان ءِ دیما بُـت اِنـت
مِـرّ کنت شاھی زانـت ھما میریں چاکـر ئے
لانک پہ ڈول بستگ کـُنگـُراں زرمُشت ءِ وَتی
بشّی گــُرّان انـت نـد پـہ ڈول انـچـو جَـمبـری
زانـاں کـہ سیـر آپ کـن انـت راج ءِدپـتـر ءَ
جـزم اوں کـہ آتـار کـن انـت بــوے اَمـبــری
شـون اِنـت پـہ شھـراھاں گِھار مـیـرانـی گِھیں
سرپتگ انت جنگانی سگارمیـریـں کـمـبـرئے
شیکـّگ ءَ اِیـرمـوش کـن انـت نَکسیں واھگاں
ماں اِے گـْروھتاچ ءَ مئے گلگ بوُتگ پیسری
پـہ دْرچے لــُڈ ّ اِیـت ھـتـّـلی کـاڑانـی سروک
دوچ اجب بـراہ انت موسم ءُ ٹِکّ ءُ جالـری
اِے جھاں ھپت رنگیں ستر شر دْروشم بہ بیت
نـئے مــنـی ڈیــہ ءِ کــولـّــڑءِ مَـٹّ انت کونری
بـاریــں کـئـی تــْرھـتـالاں تـرا پـرّ اِیـنـتگ اد ءَ
مـا پــہ بـامــردی لانـچ اِتــگ بـیـلاں کـُنگــری
شر بہ زاں یھزارد کـْواپگ انت بدواھیں اڑوج
سـد سـتاہ کــرز اِیــت مـادر ءِ مھـنـائـیـں سری

یھزارد بلوچ

Zahida Raees Raji · « **Reply #1 on:** March 30, 2015, 03:12:23 PM »

سدّ ءُ سما بلوچ ءِ

ســدّ ءُ سـما بـلـوچ ءِ پـرچـا چـو زنـزریـن ئے
تاھـیـر اِنـت دل کلاتـیـں کُـلّ ءَ چـیـا لڑین ئے
زانت ءَ چہ ڈیہ ءَ بال کُرت ھرجاں شُتگ کئی
اِے دیم پہ چیریں سُدّ ءَ واب ءَ چیا گـُڑین ئے
آریـپـیـں سُدّ ءُ سسّا پـہ دانـکـی ءَ بـھـا بـوُت
بوھیر شُت انت سرانی چمدارئے تو درین ئے
انگت بـہ گـُـڈ چـہ واب ءَ چـو چـپّـی ءَ مہ وپس
بـراہ نـہ دنـت کـہ دیـما ھـیـن ءُ دمان مُجین ئے
شلـّیں ھدنگ اِت گـوں انـت پـہ گاری ءَ کـئـی؟!
زاناں کـہ جند ئے کُپت ءَ شلـّے پد ءَ دجین ئے
کئے را گوش ئے او یـھـزارد پـرچا اجکـّہ ئے
اِیرموش اِنت زانت تئی ھم ارساں چیا شلین ئے

یھزارد بلوچ

Zahida Raees Raji · « **Reply #2 on:** March 30, 2015, 03:14:06 PM »

چو سی جز ئے "قرآن "ءَ

شائر : یھزارد بلوچ

ھر جاہ ءُ ھر دمان ءَ، ھر جاہ ماں درست جھان ءَ
دل بُرتگ پاکـیـں ڈیـــہ ءَ، چـو سی جزئے"قرآن" ءَ
چمّ سکّ انت ناشرانــی مئے ڈیــہ ءِ کــوہ ءُ کــوراں
ناشر مـــہ کـن دپ ءَ پچ بـرّاں تئـــی زُبان ءَ
سرگوست ءَ تو مئے راج ءِ زانتکار نہ ئے اگاں کہ!
پوجیم بـــــہ کـــــن جھان ءِ راجــــدپتر ءِ بیان ءَ
دیوان ءَ ماں بھار ءِ سیھسوار ءَ چےگوشت زان ئے؟
"نوبخت" ءِ وانگــــــی وت کنت گـــــوں شما تـْران ءَ
شھنمـدی ءَ وتیــگ ءَ " فـــــردوسی " پدّر کُـــــرتگ
چـــے لوٹ اِتگ اِے راج ءَ بید چــــہ وتـــــی نوان ءَ
"نـوشیروان" ءَ لانک بست گــــار کــــناں اِے راج ءَ
جکـــس اِینت یلاں چـہ بیہ ءَ چـہ کــان ءُ اُنتـکــــان ءَ
"افغانـــی محمود"انچوش وَس کُــرت پہ گاری ءَ مئے
شلّ ئے کــــہ وارت انت کـُــپت ءَ شُت راہ ءَ تتـّران ءَ
تــو جُـــلّ ءُ آئی چـــرّک بالا جتگ کــــہ روچے !
بُنگـوج کنیں اِے راج ءَ چـــہ جند ئــے لــوگ ءُ بان ءَ
چــــــو وشنیاتک مــہ بو کــہ آھرّ ءُ ھور ءُ گوات اِنت
بوریں اِیت چـــــوٹواں تئـــی گــــوں چــرّک ءَ دمان ءَ
سسّا ءُ زانت ءَ جُھل اِنت راج پجّــــــــی ءَ مروچــــــی
منت تـــرا اِے گــــــوات اِنت گــــــــوریچ تاں نمبیان ءَ
او لچّــــہ کـــــار بــہ لیٹیں راجــــدپتر ءِ جُــــــزاں
ھئــے،ھئــے کن اِت او بیلاں سر بیں گــوں کـاروان ءَ
نــرم نـــرم ءَ شـــدّ ءُ زیراں نـــــد تاوراں بـــیــار
تاں کــــــہ بلوچـــــی سیاھگ دیما بـــــہ روت روان ءَ
بـرانز دئـــــے نــــد ءَ وتیگ ءَ شھلچّھانـــــــی پیم ءَ
یــــھزارد مــہ جنت ترا کــس نازانتی یـــے شگــــان ءَ

adnan dil dost · « **Reply #3 on:** April 12, 2015, 10:57:57 PM »

baz vashen per band ant ustad yahzarde
shome ment war

News:

Author Topic: یھزارد بلوچ ءِ شئر ءُ پربند ندر انت پہ باسک ءِ وانوکاں (Read 14776 times)

Zahida Raees Raji

یھزارد بلوچ ءِ شئر ءُ پربند ندر انت پہ باسک ءِ وانوکاں

Zahida Raees Raji

Re: یھزارد بلوچ ءِ شئر ءُ پربند ندر انت پہ باسک ءِ وانوکاں

Zahida Raees Raji

Re: یھزارد بلوچ ءِ شئر ءُ پربند ندر انت پہ باسک ءِ وانوکاں

adnan dil dost

Re: یھزارد بلوچ ءِ شئر ءُ پربند ندر انت پہ باسک ءِ وانوکاں