Author Topic: کریم بلوچ ۔ تھل ءِ شئر ءُ پربند  (Read 30403 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7095
  • Karma: 356
    • Baask-Home of Baluchi Language, Literature & Culture
Re: کریم بلوچ ۔ تھل ءِ شئر ءُ پربند
« Reply #30 on: May 31, 2015, 12:01:18 AM »

سر مَچار
نه چار انت سَر نه چار انت چان و ساه ءَ
چو مات ءِ گوانک به بیت مهر ءِ مَڑاه ءَ
بچار «هَمل » که پرونک بیت په وتی راج
په ماتی گلزمین ؛ مِهر ئی پناه ءَ
چو «جِیند » کِرد ئی بیتگ دَپتر ءِ یات
چو « کَمبر » زندگ انت دل بادشاه ءَ
لَگوش چه جِند وتی کمزانتی ءِ آس
که هست انت آدماں په جُهلیں چاه ءَ
سر و ساه زُرتگ اِش دست ءِ دِلَگ ماں
هما هَمبل که مِهر اِش هست گُں ماهءَ
تَمرد ءِ همت ءِ جُست ءَ کُلی ءَ کَن
که پابَند انت مهراں ؛ پُل براه ءَ
دل ءِ مارشت انت زندگ«شے مرید»میر
که رَهچار ئی په « هانی» دَؤر گواه ءَ
وتی راج په ؛ وتی مُلک و تَمن هِیر
سر و سرگوازی انت شهمیری راه ءَ
چو « آکوب » بَنت زندگ ؛ سرمچاراں
که رُژن اِش هست ابدمان ؛ مهر پناه ءَ
چه مَرک ءَ پیش کَند انت مِهر ءِ دوزواه
نه جَلات«تَهل»و کور کَنت مئی سپاهءَ
کریم بلوچ ـ تَهل
۰۶/۰۳/۱۱
آدیسه - اک
* آکوب : شهیدیں همبل آکوب ( یعقوب ) مِهرنهاد .
******
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7095
  • Karma: 356
    • Baask-Home of Baluchi Language, Literature & Culture
Re: کریم بلوچ ۔ تھل ءِ شئر ءُ پربند
« Reply #31 on: June 07, 2015, 04:22:45 PM »
هــــاریں مــــیــــــران
(بی بی بانلی ءِ بچ )
***************
هار و هیروپاں زندگ ئے دایم
دپتراں زندگ و هم مزن نام ئے
کوه تئی بالاد، زانت ات روچ ءِ شهم
روچ وَژنامیں ،دَپــتــراں گام ئے !
*
چنڈگ ئے دَؤر و چنڈگ ئے باریگ
گوں نمیرانیں تو وتی ڈیوا
چاکر ءِ آوار ، زگریں برات ءِ هون
میر گوهرام هم سستگ دلبند ءَ
*
بیا گون «هالی»و هر دو سُهراباں
نودبندگ گوں بیا کنیں دیوان
بانلی بی بی بیت شهنازیں
ڈاڈر و شهجو ءِ گلیں مَیدان
*
بیا که شاهانی تو سپه دارئے
هم بَزیں دیوانانی راستیں گال
دلبریں کاڑانی دل ءِ مارشت
تو بدئے دَؤرانی دپترانی هال
کریم بلوچ ـ تــَـهــل
05.06.15
هارکپ ـ یو
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line