{آزمانک --شھمات--اصغر فقیر}

[Zahida Raees Raji]

{آزمانک --شھمات--اصغر فقیر}
من ھر وھد سھب ءَ روچ در آھگی ءَ پیسر شتگ اتاں تیاب ءِ دپ ءِ سیل ءَ سھب ءِ روچ دراتکی ءُ گورمانی پُرشگ ءِ ندارگ منا سک دوست بیتگ ات۔ من تیاب لمب ءِ ترو تاب رند تیاب ءِ دپ ءَ ریکانی سرا نشتگ ءُ ھمے ندارگے چارگ ءَ مشکول اِتاں-،،
بلے اے آئی ءِ دومی رند ات کہ پہ لِڑّانی ریچگے ھاترا آ تیاب دپ ءُ اتکگ ات وتی سرے لِڑ ئے ریتک انت ءُ واتر بیت من ءَ نیمگ ءَ چمّی شانک دات انت۔ روچ ءِ سُھریں برانز ءَ گوں آئی ءِ اسپیتیں ءُ نازرکیں دیم ھم چو روچ درائی ءِ پیم ءَ سُھر کتگ ات- آ دیم پہ وتی لوگ ءَ روگ ءَ ات- کہ تیاب ءَ چہ آ کمو دیر ات ۔منی چم ھمے براداریں دروشم ءَ سک ات انت۔من چو بت ءَ تیاب ءِ ریکانی سرا تِچک اتاں کتاب ءِ منی دست ءَ ات- کہ پہ وانگے ھاترا من آورتگ ات ۔ بلے من کتاب وانگ ءِ سُدّ ءُ سما ءَ چہ شتگ اتاں۔من ھمے وش دروشم ءُ وشرنگ " کہ ملگور چہ سریگ ءَ ڈنّ در آتکگ اتاں" چارگ ءَ انچو دلگوش اتاں ۔ من ھمے گمان کت اے وش دروشم ءُ وش بالاد ءَ چونیں ھبرءِ دل ءَ انت کہ کمو راہ ءَ روت ءُ بچکند ایت دو سئے رندا ھمے ڈول بیت داں چماں اندیم بیت- آ نزیک ءَ اتک وتی لڑ ھمدا لڑ جاہ ءَ شانک دات انت پدا منی نیمگ ءَ چم شانک دات انت ئے ءُ بچکندگ ءِ جت ئے پدا واتر بیت بلے چَک ءُ پد ات ۔من بی سک تکانسر اتاں کہ چون بکناں۔ھمے وڑ پدا آ چماں چہ اندیم بیت۔اے روچ ءَ تکانسری گیشتر اتاں۔ من دل ءَ جیڑگ ءَ اتاں کہ "باندا المّ ءَ وتی دلے ھالاں گشانے ءُ وتی دلے گپاں جنانے رندا ھرچی بیت بلے بیت" ۔ اے روچ ھم باریں چتو من تیلانک دات ء‛ شپ بی پہ ھزابی گوازینت من ھیران ءُ پریشان وتی دل ءَ جیڑگ ءَ اتاں۔من لوگ ءَ واتر بیتاں۔دراھیں شپ منی دل وڑ وڑیں وسواس ءَ ات۔من ھمے ارادہ کت کہ باندا الم ءَ رواں ھما جاہ ءَ-۔،،
من دومی سھبے وداریگ اتاں- کہ کدی سھب بہ بیت - شپ ءَ ھم منی چم چہ واباں دیر ات ۔سھب اتک من پدا ھمک روچ وڑا تیاب دپ ءَ اتاں ءُ ھما جاہ ءَ ۔مدام پشت ءَ چَک جت ءُ چار ات کہ کدی آ بئیت ۔زنڈیں سھتے ءَ پد من چار ات پدا گوں وتی لِڑاں پیداک انت۔منی دل ءِ دریک بندات ییت انت ۔" باریں مرچی چون بیت" من دل ءَ گشت-
سھب ءَ من وتی جاگہ ءَ ساڑی اتاں ۔سھتءٍ گوزگ ءَ پد آ پدا گوں وتی لِڑاں پیداک ات۔ نی من ءَ نپس ءَ دیم داتگ ات۔
چتو برواں؟ چے وڑ ءَ بہ گشانانی؟ بلے ھمت کناں " من وتا گوں گپ ءَ اتاں۔من پاد اتکاں اوشتاتاں دیم پہ ھمائی ءِ نیمگ۔بلے من نی ھمے وڑا اتاں- گشئے زاناں یکے ءَ منی لانک ءَ گپتگ من ءَ پشتہ ایر جنگ ءَ انت ۔من گوں زوراکی ءَھمت کت شتاں ھمائی ءِ نزیک ءَ سر بیتاں پدا من گوں نرمیں گالواری ءَ گشت۔ " مرچاں زاناں شمے لوگ ادا نزیک ءَ انت؟، آئی ءَ ھم وشیں گالواری ءَدرائنت" "او" نی کمو من ڈڈ تِر بیتگ اتاں ۔ " نی من دلے گپ ءَ المّ گشانے" من گوں وتا گشت۔ من نزور نزور ءَ گشت۔"" گوں من تو مھر ءُ درستی کن کے ؟""
ھمے ھبر ءَ گوں منی کلانگوشاں زنڈیں شھماتی ءَتوار کت من ءَ ھمے گمان بیت کہ یکے ءَ منی گوش ءَ آس مان داشت۔۔
(ھلاس)