بُـگـوَش تـئـی تَـگـواه چـی اَنـت؟
رجـانـک : ادَبـی هَـکـیـم
لـوگ بـانُـکءَ چـہ وَتـی لـوگ واجَـہ جُـسـت کـُـرت ، کـَـدیـں تـومـنءَ وَتـی واهَـگـانـی بـانُـک کـن ئَے ؟ تـو مـنءَ بُـگـوَش تـئـی دلءِ تَـگـواه چـی اَنـت؟
لـوگ واجَـہ ءَ گـوَشـت مـنـی تَـگـواه اِش اَنـت کـہ تـو وَتءَ چـو چـاردَهـی مـاهءَ ڈولـدار بـہ کـن ئَـے ... وَت ءَ چـو زَبـادانـی وَشّـبـوتـریـں وَشـبـو بـہ کـن ئَے ءُ چـو سُـهـبءِ سَـمـیـنءَ مـاں مـنـی سـیـنَـگءِ تـهـا بـہ پُـتـرئَے... تـئـی کـُـٹ چـو مـنـی مـاتءِ کـُـٹءَ چـہ بـازیـں مـهـراں نَـرم بـہ بـیـت ... چـو وَپـاداریـں دوسـتـے مـنـی هَـمـراهـیءَ بـہ کـَـن ئَے ... مـنـی رازانـی داروک ءُ سَـرپـوش کـنـوک بـہ بَـئے ... مـنـی نـادراهـیءِ وَهـد وَتءَ سَـبـرءِ بـاهـوٹ بـہ کـن ئَے ... الله ءِ زِگـر کـنـگءَ مـنءَ مـدَت بـہ کـن ئَے ...
لـوگ بـانُـکءَ گـوَشـت تـرا هَـمـیـنـچـو بَـسّ اِنـت؟!!!..
لـوگ واجَـہ ءَ گـوَشـت هَـو مـنءَ هـمـیـنـچـو بَـسّ اِنـت هَـمے مـنـی دلءِ تـگـواه اَنـت.
لـوگ بـانُـکءَ گـوَشـت اے تـرا رَس اَنـت بـلـئے اگـاں تـو وَت ءَ مـنـی واجَـہ بـہ کـن ئَے !!!...
لـوگ واجَـہءَ گـوَشـت ، بُـگـوَش تـئـی تـگـواه چـی اَنـت؟...
لـوگ بـانـکءَ گـوَشـت ، مـنـی تـگـواه هَـمے بـوُتـگ کـہ مـنءَ لـوگ واجَـهـے بـہ بـیـت آئـیءَ وَشـتَـبـیءِ نـدارَگـے بـہ بـیـت ... مـن پـہ آئـیءِ هَـسـتـی گـوں وَتـی کـُـٹـم پَـهـر بـہ کـَنـاں ... آ پـہ مـن رَهـمـدلِـیـں پـتے ءُ گـیـرَتـداریـں بـراتے ءُ مـهـرَبـانـیـں مـاتے بـہ بـیـت... مَـڑادارءُ مَـزَنـدِل ءُ شـرَپـدارے بـہ بـیـت ... مـنءَ چـہ دِلءِ جُـهـلانـکـی دوسـت بـہ دارایـت ءُ مـنـی ازّتءَ بـہ کـنـت ... آئـیءِ شـائـری چـہ " غـزل " ٹـگـَـل مـہ وارت ... آئـیءِ تـاریـپ مـنءَ سُـهـب تـاں شَـپ مـهـرءِ شـرابـاں بُـواریـن ایـت ... آئـیءِ دَسـت پـہ ٹـیـکـیءِ دَیَـگ لُـکّ مـہ بَـنـت آئـیءِ زبـان پـہ کـَـول ءُ کـَـرارءِ کـنَـگ شـیـرکِـن بـہ بـیـت... هُـدا ءِ زگـر کـنَـگ ءَ مـنءَ مـدَت بـہ کـنـت.
