جمیل مھراب ءِ آزمانکک : برگشتگ
آزمانکک : برگشتگ
آزمانکار:::: جمیل مھراب
آ سھت ءَ کہ گزابیک کوہ ءَ گرگ بوتگ ات کس ءَ نہ زانت کہ ھوش بیتگ یا بے ھوش۔
بلے دہ سال ءَ رند آ گوں لگشتگیں دیم ءَ آجو بیتگ ات۔
آئی ءِ سیاھیں مود ءُ ریشانی رنگ نوں درست اسپیت تراتگ ات انت۔
یکے ماں تچانی ءَ گزابیک ءِ مات ءِ گور ءَ شت آئی ءِ ھال دیگ ءَ کہ تئ چک اتکگ۔
آئی ءِ مات ءَ انچو سر وتی ڈن ءَ کش ات ءُ گزابیک دیست۔
“اے منی چک نہ انت”
*****