اد ءَ بہ گند ءُ دمے بیا بہ چار نادین اَنت۔ شے چاکر
دستونک
شے چاکر
شے چاکر
اد ءَ بہ گند ءُ دمے بیا بہ چار نادین اَنت
من ءَ را دوست ءُ ترا دزگھار نادین اَنت
اے شانتلانی زھیران ءَ چنچو موسم گوں
ترا پہ ساز ءُ من ءَ پہ توار نادین اَنت
ھمے دمان ءِ سدکہ کہ چنچو اشتاپاں
من پاد کایاں من ءَ انچو یار نادین اَنت
ماں زلپ بوئیں شپ ءِ ساھگ ءَ من ءَ نیاد ءِ
گر اَنت دست ءَ تئی انتزار نادین اَنت
جن اَنت اھد ءَ وتی ءُ کپوت آسر بنت
چو یات ءَ کوکواں دشت ءِ بھار نادین اَنت
تئی کندگانی گماں گوں تئی راھسر ءِ موسم
اے بےکرار ءَ کدی تاں کرار نادین اَنت