اے دَرپ ءَ مُھرگ مان، پْرش انت۔ منیر مومن
دستونک
شائر: منیر مومن
اے دَرپ ءَ مُھرگ مان، پْرش انت
شائر: منیر مومن
اے دَرپ ءَ مُھرگ مان، پْرش انت
مردم کہ کپیت پیمان پْرش انت
تو دریا ئے من تُنّیگاں
تئی چول من ءَ پیچان پْرش انت
ھر راہ ءِ سرءَ دل سودا بیت
ھر دمک ءِ تھ ءَ ایمان پْرش انت
اے ویرانگ کہ نْیادی بنت
ھر دست ءِ دل ءَ انسان پْرش انت
وتی زید ءِ کَڑبّاں پھریز اِت
ھیروپ بکنت اومان، پْرش انت
تیرانی دْرد ءَ بیت اَھد بدل
زہمانی زہاں دیوان پْرش انت
داں آزات انت تئی درد وتن
زندان ءِ تہ ءَ زندان پْرش انت