بانک زاھدہ رئیس راجی ءِ نامءَ۔ رشنائیں پگر، عمردین مہر
بانک زاھدہ رئیس راجی ءِ نامءَ
رشنائیں پگر
عمردین مہر
25،9،2023 گوادر
تئی پدانی سرءَ
یک شھمے بلگ ءَ انت
من جزماں
دگہ باز ھمے شھم ءِ پدگرانءَ سرگریت
ھمے مھیم ءَ تو گوں رشنائیں پگراں جنزگءَ ئے
دگہ باز ھم وتی ارداں بند ایت
تئی آتراپ ءَ پاتو رنگ سازگءَ انت
پلاں پہ تو
وتی وشبو سوگات کتگ انت
تئی چراگیں لبزانی بل
ہمک دریگ ءِ سرا ایر انت
برے برے انچیں اُزرے مارا گور جنت
کہ بے کسہ ءَ واب نہ ات
تئی جُہدانی بیرک
چو زیارتے ءِ بیرک ءَ دورءَ چہ گندگ بیت
شناسائیں چم
اے بیرگ ءِ ارزشت ءَ زاننت ءُ پجہ کارننت
دوا انت
کہ مدام وشبو درنزیں نود
تئی راہ ءِ تبدیاں بہ نوش ات انت
تئی اے مرادیگیں سفر
پہ ساچاں منزل ءَ جنزا ات
تو پہ زبان
پہ لبزانک
لبزانی چادرے سرا کتگ
راہ ءِ چنچو تہلی نوش اتگ
مارگانی پادانی ھونریچ نہ چار اتگ ءُ سفر کتگ
تئی رشنائیں پگرانی بل
ھمک دریگ ءِ سرا ایر انت
اے بل
داں جھان است
ھمے وڑءَ بلیت
