بگّ جُنزانیں وت ساربان واب انت۔بدل خان واڈیلہ
دستونک
بگّ جُنزانیں وت ساربان واب انت
منزل ءَ چہ گسر کاروان واب انت
زور وشان کتگ دروگیں رپینگءَ
دل پہ گوگاھیءَ جیءُ جان واب انت
چونیں چونیں سراں وپتگاں مانشاں
بینگ بس زندگاں کُل جہاں واب انت
کُلیں دنیا شُتگ نشتگ ماہءِ سرءَ
گور پاتءِ سرءَ مَکُّران واب انت
گلزمین ءَ وتی ساہ ءَ بالءَ نہ روت
زور کپت ءَ سر ءَ آزمان واب انت
بوپءُ بکمل پچاں گامے دیمءَ نجنت
آتکءَ لوگ ءِ دپءَ مہربان واب انت
شھدءُ روگن ھما انگہ چم کوری انت
شیپگی شیپگاں سرمہ دان واب انت
درد ءُ دوراں منءَ انچو امبازاتگ
پورا ماھگونگے زان پہ زان واب انت
تو بدلخان مدام چم پچءُ نشتگ ۓ
تئی نسیبءَ بلے مہروان واب انت
بدل خان واڈیلہ