بیا چراگیں نوبتانی شادھاں آگاہ کنیں۔ راشد کریمی
دستونک
راشد کریمی
بیا چراگیں نوبتانی شادھاں آگاہ کنیں
بے توار ءَ بیوسی ءِ کِسّھاں ھمراہ کنیں
بیا منی وابانی شوکیں ابرمی نکش ءُ نگار
بیا تئی استال ءُ ماھیں ھاجتاں سَجدہ کنیں
ٹپی ئیں مرگے ءِ اسراراں ھُداوندے بہ زانت
ما وتی شوک ءِ اَسَدّ ءَ جنگلاں تھنا کنیں
وشّ اتکے وشّ بیایات ءِ، پہ تئی وش اتکے ءَ
ھوری ءَ نندیں شراب ءُ کدّھاں زیبا کنیں
زندگیں مردم کہ مارا تَب نہ بنت تہ ما ءُ تو
نِشتگیں گوں مُردگانی مانشاں داوا کنیں
داں نیائے تو، تئی وشّیں بوہ اے شھرا سر نہ بیت
راشد ءَ گوں تئی ھیال ءُ ترانگاں مُلما کنیں