بے کراریں زرد۔ علی جمعہ زامرانی ءِ آزمانک
♡ *(*;*)*بےکراریں زرد(*;*)♡
آزمانکار : علی جمعہ زامرانی
. . ♡من وتی گوستگیں زندءیاتاں کپاں زردءبےکراری ےکیتءگمءآسے روک بیتءتهاریں شپ بیتءیاتانی نه سستگین شل بنت که هچ په سست نه بنت هنچو سما بیت که زندءوهد چکرگءنه انت.آمهرےکه گوستگین زندءهمراه بوتگ مروچی واب گندگ بنت .دلءپه وتءیک باگے تیار کتگ ات.آئی تها وڑ وڑین درچک ءنیوگ ات دلء لوٹ ات که سجئین زندا وتی ندر به کنان بلےمنی کمکین نزوریءسوبءباگ گوں نیوگان شتءمنی دلءویران کت وهدیکه وتءانساپ گسءردءاشتارینان گڑاگون منسپ نه بیتءمن وتءسک سک میاری کنان که من پرچه په باگءڈولداری واستءباز جهد نه کت اگان من بازجهد کتین بلکیں تاله ء مرگءبال مه کتین همےهاترا دل منءانساپ گسءمدام ڈوباریتءملامت کنت که پرچه چوش بوت دل انت که درد کنت منءیک برے منی دوستءگشت که تو چی زانءکه درد چیءگوشنت منی دل زیات دردءلگ ات چیاکه آوتی دلءدردان مارگائیں آاگان منی دلءدردان سرپد به بیت گڑا زانت که درد چی ےبلےآمیاری نه انت چیاکه اےدردانی دیوک منان آوتی جاهءهک انت من گناه گاران منی دل منءگوشیت تو پرچه په آئی هوریء جهد نه کت بس همےیکین گپ دلء ماری لاپ لیٹ وارت ءمنءهمک سهت ءدمان دردانی زرءچگل دنت من وت وتی زردءگوشان که منی سزا همیش انت که مدامی بےکراری ءمدامی دلءدردانی آماچان!!!!!!!!!.. .. .. شپ بیت دوستءدروشم دیمءکیتءگشیت که تو منی ءوتی دلءدردانی گناه گار اتت تواگان زیات جهدکتین بلکےاےجتائی روچ نیاتکگ ات انت آئی اے گپ منءزیات تورینتءچه دلء سیکارچین درد باهند کن انتءمنی گمجتین زردءزیات بےکرار کن انت من وتی دوستء چون وتی دلءدردانی هالان بدیان یا آوت بزانت که منی دل چو همائی دلءپیمءدرد کنت ءمنی نپسءکشگ گران بیتءدنیاءسجئین وشیءآسراتی بدرنگ گندگءکاینت دل هنچو سوچگءلگیتءهنچین بےکراری ےکیت که منی ند اش بیان کت نه کنت بلےوتءآئی انساپ گسءاوشتارینان وتء میاری کنان گڑا کمے درد ترهنت بلے وتی دوستءبےکراریءگندان پدا وتء ملامت کنان ءوتء آئیگناه گار کنان منی زندءروچ په بے راهتی گوزگء انت من وتی جان ء نپس هم وتی دردانی همرکاب کتگ که آچه من زیات بے کرار انت آمنی ءوتی جتائیء چه تاله ءکسمتءنه زانت آ گوشیت که تاله ءکسمتءانسان وت وتی جوڈ کنت اگان کسی زندءجنترا وش رنگ گندگ لوٹیت گڑاپه زندءوشیانی واستء چه هدءگیش جهد به کنت اگان کسیءهدءزیات جهد کت گڑا تاله ءکسمت وت آئی نوکر ءمولد بنت اےگپان که اشکنان آئی پسواں دات نه کنان من وت نزانان که منی تاله نزوری انت یا منی کم جهدی انت همے دوئینان من گیشینت نه کنان همے هاترا دل روهءآزاب دئیگائین مدامی دل دردءانت بے وسی زندءروچان گوازینگایان وت نزانان که اے دلء چون به سهڑیننان؟… چومن وتی دوستءتسلا بدیان چون آئی دلءدردان کم به کنان آ منی روهء انت آمنی نپس انت دلءنزیک ءدوسترین هستی انت ءآئی دلءچون بے ترهینان ءآئید دردان چون بے سهڑینان من وت نزانان و تنزانان !!!!وهدیکه آئی مهران گندان که منءچو وتی ساه ءنپسءارواهء دوست داریت بلےوهدیکه منی ءوتی جتائیء گندیت منء سک ڈوباریت میاری کنت من بے بس بان ء آئی پسوان دات نه کنان منی دل دردانی پیشگاهء ناچ کنت ءچو مستین ملنگان دل بے سما کنت بے سما کنت دل..