تُنی اَنت چم باتن اِنت ویران دوست
(دیدگ بشیرؔ)
تُنی اَنت چم باتن اِنت ویران دوست
پہ ترا کنت بس من ءَ اومان دوست
نوبتانی آزگیں ٹپ اے دل ءِ
دُراھ نہ بنت پہ دارو ءُ درمان دوست
موکوہی تنداں وتی جاگہ کتگ
مئے کلنڈیں واھگانی بان دوست
کئے وتی عمرے ببا دنت پہ ترا
کئے وتا کنت مئے وڑا قربان دوست
ھئو من ءَ ساہ ءَ چہ گیشتر دوست بیت
ترانگانی تئی گُلیں زندان دوست
دو سَرانی مرگ ءِ سودا اِنت بجزم
عشق اینچو ہم نہ اِنت آسان دوست
جنگل ءُ گیابان ءُ دشت ءُ کوچگاں
بے ترا چو بُلبل ءَ نالان دوست
چو چراگ ءَ روک بنت دیدگ دل ءَ
تئی زہیراں اوں قرارے مان دوست۔۔