تھنائی۔ اکرم دوست
تھنائی
اکرم ارس
مرچی منی تھنائی مردمے لوٹیت
نیست کسے چڑکھی بہ کنت، اد ءَ ھیال درامد، جیڑگ درامد ءُ واب درامد
اے ھشکیں مُچی آں چے مانا!
ھرکجا کہ سرگراں تھنائی چو ساھگ ءَ ھمراہ انت، انچو ایوکاں وت ءَ دیست نہ کناں وتی نہ گندگ ءَ، داں ھیال کت مرچی وتا بچاراں پاد اتکاں من آدینکے ءِ شوھاز ءَ ھمے ساھت ءَ منی کوٹی ءِ دروازگ ءَ توار کت داں نبشتگیں کاگدے دروازگ ءِ دپ ءَ کپتگ ات کاگد پچ کت ونت، آئی نبشتہ کتگ ات کہ اے سالی پہ تو چے دیم بہ دیاں؟
آئی کاگد ءِ پسو ءَ من بس ھمنچو نبشتہ کت
من دگہ ھچ تلب نہ کناں اگاں دست ءَ بیت منی گس ءِ پیشگاہ ءَ دیم دے