داں اے زند ءِ گڈی ساہ ءَ۔ شائر: مبارک قاضی
دستونک
مبارک قاضی
داں اے زند ءِ گڈی ساہ ءَ شعر بہ جنت آواز بکنت
لوٹاں انچیں سازگرے من درد ءِ سروز ءَ ساز بکنت
اے دنیا اے دنیاداری شھدیں لزت بے معنا
من تچک ءَ سربباں بھشت ءَ گل کہ منءَ امباز بکنت
بھر بکنت گو ماں درداں گوں ساہ ءَ ھمگرنچ بہ بیت
مارا انچیں دوست پکار انت مھر ءٗ محبت باز بکنت
قاضی ماکہ یکرندے اندیم بئیں چہ دنیا ءَ
رند ءَ مارا کۓ اے جھان ءِ رنگراھاں شوھاز بکنت