دل سمندر نگر۔ اردو ترجمہ۔ صبا دشتیاری
دل سمندر نگر
بلوچی شائر: الله بخش بزدار
بلوچی سے اردو ترجمہ: صبا دشتیاری
جگ ہے تاریک شب
دل سمندر نگر
ان کو پائے کوئی
ان کو بوجھے کوئی
جگ ہے تاریک شب
آ تجھے تھام لوں
کھو نہ جاؤ کہیں؟
اس نگر ہر نفس ہے اسیرِ ہوس
یاں پہ ہر. خوشنما ساز محتاج زر
یاں پہ خیرات بھی ہے فریب شر
یاں پہ جی جان و الفت ہے دیوانگی
یاں سے ان منزلوں کو کوئی راہ نہ جائے
واں پہ اپنی تمنا کی شمعیں جلیں
جگ ہے تاریک شب
آ تجھے تھام لوں
کھو نہ جاؤ کہیں؟
دل سمندر نگر
جاں! مجھے تھام لو
اس کی گہرائی میں
دیکھو ڈوبوں گا میں
ہاں، یہ بادِ صبا
ہے کبھی جھولنا
اور کبھی لوٹ
جیسے ساون کی ہوں خوشنما بدلیاں
اور قامت ہے سازینہ ء زندگی
ہے یہ سب کچھ مگر
دل کبھی بے کراں بحر، کوہِ گراں
اور کبھی اس میں پیچ و خمِ “زامراں”
جس پہ یخ بستہ طوفانی اولے پڑیں
ان ہواؤں نے ہم کو بہت دکھ دیا
ہم کو جھلسا دیا یا ہم کو بے خود کیا
دل سمندر نگر
جانے کس طرز سے تم نے پاٹا اسے
جانے کس ڈھنگ سے تم نے بوجھا اسے
٭٭٭٭٭٭٭٭٭٭٭
گوں کے بی فراق ءِ منتواری ءَ
۔۔۔