راجدپتر-ھراسان مکران۔ ساسانی دور۔ چارمی بھر۔ رجانکار: عبداللہ میر
راجدپتر-ھراسان مکران
کتاب مکران {حمید بلوچ}
ساسانی دَور
رجانکار+ عبدالله میر
چارمی بھر {4}
کرنامک وتی گدار ءِ تہ ءَ اردشیر ءِ جنگی کسھانی بابت ءَ گش ایت کہ آئی ءَ تیاب دپی دمگاں چہ کوچ کرت ءُ آئی ءِ دیم گوں ھپتان (بخت) Haftan bokhtt) بوت پردوسی ءَ ھپتان بخت) Haftavad گشتگ ۔اے جنگ ءِ بابت ءَ کرنامک ءُ شاھنامہ ءَ تہ ءَ ھست انت اے دوئینانی سرشونی ءِ رِد ھپتان بخت تیاب دپی یک مزنیں ھکمرانے بوتگ آئی ءَ بازیں کوٹ ءُ کلات جوڑ کرتگ ھپتان بخت ءِ ھپت بچکیں چک ءُ یک جنکیں چکے بوتگ ھپتان بخت ءِ ایر دستی ءَ یک سکیں جاھلیں راجے بوتگ بلے آ راج ھپتان ءِ منّوگر بوتگ کولال kulal نامی یک تیاب دپی دمگے ءَ یک مزنیں کوھے ءِ تہ ءَ باز جوانیں ءُ ڈولداریں کلاتے جوڑ ءِ کرتگ ات اے ٹک ءَ کِرم kirm سجدہ کرتگ ات اے کوہ ءِ دامن ءَ یک مزنیں نوکسازیں میتگے آباد ات دیمترا شاهنامہ ءُ کرمانک ءِ تہ ءَ نبشتگ انت کہ اردشیر ءَ گوں دلیری ءُ بھادری ءَ 228 میلادی ءَ اے تیاب دپی دمگ سرجم ءَ گپت ءُ دستی کرت اد ءَ چہ یک جستے پاد کیت کہ اے تیاب دپی دمگ کج ءَ بوت اے دمگ ءِ گرگ ءِ واستا اردشیر ءِ بازیں جھدے کرتگ ءُ آ ھمے سرپد بوتگ کہ ابید چہ اے دمگ ءَ منی بادشاھی سرجم نہ انت
پولکار ءُ زانتکارانی کسہ ءُ داستاناں یکجاہ کنگ ءَ چہ پد ھمے زانگ بیت کہ “مہرک” اردشیر کرّا ءِ بادشاھی بوتگ اردشیر کرّا ءَ ساسانی دور ءَ کرمان ءِ گوریچانی تیاب دپی دمگے نام بوتگ ۔دومی جست پاد کیت کہ ھپتان بخت کے بوتگ؟ کہ اردشیر ءَ مزنیں لشکری کشی یے ءُ بازیں جھدے کرتگ ءُ آ ھمے سرپد بوتگ کہ ابید چہ ھپتان بخت ءِ پروش دیگ ءَ آئی ءِ بادشاھی سرجم نہ انت ۔اے مزنیں ٹوھیں بادشاہ ءِ بابت ءَ مئے گورا ھاسیں سرشون نیست انت بلے اے زانگ بیت کہ ھپتان بخت ءِ دمگ کرمان ءِ تیاب دپ بوتگ….
روان انت..