رملچّہ: آیاں منی جاگہ گپتگ ات، اصغر زہیر
رملچّہ: آیاں منی جاگہ گپتگ ات
اصغر زہیر
آیاں منی جاگہ گپتگ ات
دوشی کہ من
پاد جنگ ءَ پد
“حدیقہ وادی” ءِ
گُڈی کرسیانی سرءَ
روکیں لیٹانی چیر ءَ
دستو ئفیسکی ءِ گدار
ایڈیٹ ءِ لھتیں تاک ونت
ءُ پدءَ پُشت ماں دات
مرچی کہ پدا
من پاد جنگ ءَ درکپتاں
پاد جنان ءَ
ھما گڈی کرسیاں کہ رستاں
ھمودءَ کہ ھمک شپ
من نشتگ ءُ کتاب ونتگ
بلے مرچی اے کرسیاں
دگہ زیبائیں ندارگے گون ات
عربیں جُتکے نشتگ ات
اسپتیں جنکے ءَ
لھتیں ھورکیں کاگد دیم ءَ ات
بچک آئی ءِ دیم ءَ دو زانو نشتگ ات
جنک وتی مھر ءِ داستان ءَ
گوں پُرکیپیں بچکنداں
کاگدانی سر ءَ
نکش کنان ات