زاھدہ رئیس راجی ءِ مکالماتی لچّہ
مکالماتی لچّہ : سرپد ئے
لچّہ کار: زاھدہ رئیس راجی
سرپدئے کہ دیدگ ءِ
اکس ءَ وت ءَ پیشی وڑءَ
روک ءِ تب ءَ معنا کُتگ؟
سرپد اں کہ وابے ئے
آگاھی ءِ چمّاں پَچ ئے
سرپدئے شھر ءِ تئی
کوش ءَ پدءَ گوانکے جَتَگ
سرپداں بے برمشی ءِ
الھان گوشاں وت کُتگ
سرپدئے بان ءِ تئی
ھمساھگے دیم ءَ کپ ایت
شر ءُ بدیں ھالاں گوش ایت ؟
سرپداں ھال ءَ تئی
شر ءُ بد ءِ ، کسّے نہ دنت
سرپدئے کہ انگراں
پُرکُرتگ انت زرد ءِ کِشار
سرپداں پد چَہ ترا
ھرواھگ انت ھاکاں ھوار
٭٭٭٭٭